يمكن دي من أكثر النقاط أهمية اللي باحتاج إني أكررها

يمكن دي من أكثر النقاط أهمية اللي باحتاج إني أكررها بمعدل يومي كذا مرة في ردودي علي أغلب الرسائل . .. لأن أغلب اللي بيرسل ليا .. بيكون ( Neurodivergent ) يعني إما بقي ( adhd ) .. أو أى درجة من درجات التوحد أو ما شابه .. و بيكون غضبان من تعامل المجتمع المحيط معاه .. و خصوصاً من أهله . و دااااااااااائماً و أبداً بيكون نقطة : أهلي مش فاهميني .. و أنا طول الوقت متخانق مع أهلي .. و أهلي هما أكبر عقباتي في الحياة .. و ما شابه . … و باحاول قدر المٌستطاع إني أشرح : إن مهما حدث .. مهمااااااااااا حدث .. ما لم يحاول أهلك بشكل مباشر إنهم يجبروك علي الشرك بالله ( و هو أعظم شر في الحياة ) بل و يجاهدوك عليه كمان .. ف إنت مُطالب بإنك تكون بار بيهم .. .. البر .. مش مجرد مرادف لل ( إنك خليك طيب معاهم يعني ) .. لا .. البر .. ده أعلي درجة من درجات إحسان الإنسان للإنسان .. .. يعني .. ماينفعش .. إطلاقاً .. يكون في إنسان إنت بتخدمه .. بتساعده .. بتتبسم في وجهه .. بتحسسه بفرحتك لرؤيته .. بتبدّيه علي كل حاجة تانية في الحياة .. أكثر من أبوك و أمك . … مش إنك تعتبر إن لأنك مابتزعقش فيهم .. أو مش بتكشّر فوشهم مثلاً .. يبقي إنت كده عملت اللي عليك . … إدراكك و وعيك بأى شيء .. لا يبرر لك إنك تعاقب أهلك علي عدم إدراكهم و وعيهم بالشيء ده . … و الله أعلم .