البوست ده أول مرة أشوفه كان لسة من دقائق ..

البوست ده أول مرة أشوفه كان لسة من دقائق .. و قرأته بالكامل و أنا مستمتع و مستمزج جداً جداً جداً .. و كل سطر تقريباً كنت باترحّم علي جدي رحمه الله . جدي ( والد أمي ربنا يحفظها و يبارك فيها ) هو الشيخ محمد أبو علو الدمنهوري . حاسيب صفحة ويكيبيديا اللي فيها بعض المعلومات عنه في التعليق الأول . توفاه الله و أنا عندي سنتين تقريباً .. فمالحقش للأسف يقرأ بوستاتي الطويلة 🤣 .. أو أتناقش معاه في أفكاري . لكن .. علي مدار حياتي و منذ طفولتي .. و أمي و أبي ربنا يبارك فيهم كانوا دايماً بيشرحوا لنا إن : معركة جدي الكُبري .. كانت مع مرتادي الأضرحة دي و العابدين لها و المروجين لخرافاتها . . و الأوضة اللي نشأت فيها .. كانت فيها مكتبة جدي رحمه الله .. و اللي إحتوت علي مؤلفاته ( تأملات في قرآن الله و أوضاع الناس ) .. و لحد اللحظة دي .. كتير جداً من أفكاري ممكن تتبع مرجعيتها ل صفحات و كلام من المؤلفات دي . .. زمااااااااااااان .. و أنا طفل .. ماكنتش فاهم قيمة أو حجم الدور اللي قام بيه جدي ضد الخرافات دي .. و لا كنت فاهم خطرها و تأثيرها . . دلوقتي .. و كل ما باشوف و أفهم أكتر عن العالم .. بافهم إنها كانت نفس الصراع الممتد و المستمر في كل عصر و منذ لحظات الخلق الأولي .. و لكن بصور مختلفة .. .. و الله أعلم .