بناءاً علي طلب الكثير .. تم بفضل الله

بناءاً علي طلب الكثير .. تم بفضل الله . في ( زالفول ) حالياً تقدر تضيف أكثر من مشروع فنفس ذات اللحظة و الوقت .. و تديرهم كما تشاء . الخطة المجانية بتسمح لك ب مشروعين . الخطة المدفوعة بتسمح لك ب 6 مشاريع فنفس ذات اللحظة . .. و خليني أشرح بقي شوية الفلسفة اللي ليها علاقة بالموضوع ده .. و ليه الإمكانية دي أخرتها لحد دلوقتي . … ( زالفول ) زي ما شرحت كتير .. إتولد من خلال برنامج ( ASP - Accountability Sponsorship Program ) .. البرنامج ده كان عبارة عن نظام متابعة مباشر معايا .. و فأول صورة له كان عبارة عن مكالمات يومية .. كل مكالمة لمدة 30 دقيقة ل ساعة تقريباً .. و اللي حصل كالمعتاد في أغلب الأحوال إن المكالمات كانت بتستمر ل ساعة ونصف .. و ساعتين كمان 🤣 . . البرنامج كان الهدف منه مباشر و عنيف 😅 .. و هو : مش حنضحك علي بعض .. و مبروم علي مبروم مايروللش 🤣 .. أنا عندي Sever adhd .. و فاهم إزاي إني كنت باسوّح نفسي في عشر مشاريع مختلفين كل يوم جديد .. و في النهاية بعد شهر ألاقي نفسي إشتريت أدوات و قصص و حكايات و إشتراكات ل 47 مشروع مختلفين .. و ماكملتش فأى واحد فيهم أى حاجة بعد تسطيرة أول ورقتين .. . فبالتالي .. في ( ASP ) .. ماكنش مسموح غير تحديد مشروع واحد فقط لا غير .. حيتم الإتفاق عليه .. إن هو ده اللي حنقيس عليه كل حاجة .. و هو محور الإهتمام و الشغل و الأولوية . و أغلب المشاريع اللي كان حددها المشتركين لنفسهم طبعاً كانت حاجات لها علاقة بالفلوس .. و ده رائع و جميل تمام .. و بفضل الله فخور والله بالنتائج اللي إتحققت . .. ف لما بنيت زالفول .. بنيته بنفس المبدأ في الأول .. و هو : مشروع واحد في الشهر .. تختاره .. و التطبيق حيقدم لك كل وسائل الدعم الممكنة لتحقيقه كما ينبغي . … لكن .. الإنتشار اللي حصل بفضل الله خلال الفترة اللي فاتت .. أدّي إن ناس كتير ( حتي اللي ماعندهمش adhd ) .. تبدأ تطالب بخصائص ضد الفلسفة الأولي دي . … و ده تطلّب مني تفكير و شغل كتير .. أوي .. جداً .. ليه ؟! . . لأن عند مرحلة معينة .. و بعد ما بنيت زالفول ب 10 أيام .. تقريباً في خامس أيام عيد الفطر 😁 .. إتضح إن زالفول له ( potential - إمكانية و مستقبل ) أكبر بكتيييييييييييييييييييير من مجرد إنه يكون إمتداد ل ( ASP ) . . و تم بناء خطة .. آخر مرحلة فيها بإذن الله هي اللي إتكلمت عنها من كام بوست .. و هو بكل تلخيص : إن زالفول يصبح تطبيق فيه زرار مثلاً .. تضغط عليه .. ت ( Awaken your potential ) .. يعني تعرف بالظبط إنت محتاج تعمل إيه و تعمله إزاي .. و تلاقي نتيجة واضحة و مباشرة زي ما تتمناها . .. يعني : تعرف المفروض تتعلم إيه .. و تشتغل بيه إيه و إزاي .. و تدير دماغك إزاي .. و تدير مشروعك إزاي .. و تدير عالمك و حياتك ( الرقمية خصوصاً ) إزاي . .. فبالتالي .. عشان الخطة دي تسمح ب إني أفتح للمستخدمين إمكانية إدارة أكتر من مشروع فنفس الوقت .. ده تطلّب فعلاً إعادة بناء مٌعقدة ل حاجات كتير لسة أساساً مش ظاهرة في التطبيق حالياً .. . اللي ظاهر في التطبيق حالياً هو 30% من اللي تم بناءه بالفعل . . و علي سبيل المثال لا الحصر مثلاً .. أحد أكثر الحاجات اللي مفحوت و مردوم في تطويرها بقالي أيام .. هو ( zalfol creativity ) . و ده نظام داخل زالفول .. يخلّي المستخدم يفهم إزاي بالظبط يفكر بشكل إبداعي .. يشوف مشاكل بشكل مختلف .. يغير طريقة تفكير عقله .. و لو هو أساساً عقله إبداعي .. يقدر يدير العقل الإبداعي ده ب شكل إنتاجي .. . الموضوع ده عشان أبنيه .. إحتجت إني أرجع لأبحاث من 150 سنة .. و أعمل مقارنات و دراسات بين كل ما له علاقة بالإبداع و التفكير قبل و بعد الثورة الرقمية الحالية .. و دراسات مقارنة بين الثقافات المختلفة .. و الأجناس .. و العقليات ( عشان أطلع نتائج عن adhd كانت أساساً ماتمّش تدوينها لأن ماكنش أساساً في تعريف عنه زمان ) .. الشغل ده كله ( طريقة البحث و علوم البيانات ) ماعملتوش بالإنغماس ده .. من أيام ما كنت شغال مساعد باحث في شغل بايوإنفورماتكس و جينيتكس من أكتر من 14 سنة 🤣 . . أنا مٌقصّر جداً بكل تأكيد في إني أكتب هنا عن المزايا و الخصائص اللي بيتم بناءها في زالفول يومياً .. آخر أسبوعين .. و لكن .. لو رٌحت ألقيت نظرة علي ( https://www.zalfol.com/blog/science ) .. حتلاقيني ملتزم بكتابة كل المقالات و الأبحاث اللي شغال بيها و عليها .. و بادوّن فيها الدراسات اللي كنت إشتغلت عليها من سنين و كنت باعتمد عليها لما باكتب البوستات اللي كنت باكتبها هنا علي الفيسبوك ( بالحلمنتيشي ) . . و ده لأن ( زالفول ) تحوّل من تطبيق بنيته في الأول ك وسيلة مساعدة لجمهور ( الحلمنتيشي ) 😅 هنا علي الفيسبوك .. ل تطبيق مفتوح عالمياً أصبح له مستخدمين محتاجين يعرفوا كويس و بشكل أكاديمي كل الأبحاث اللي إعتمدت عليها شخصياً علي مدار السنين اللي فاتت عشان أبني الأنظمة دي ليا شخصياً و أدير بيها حياتي . … و بما إني باكتب الكلام ده هنا دلوقتي .. ف خليني أفتكر شوية حاجات كتير تانيين من اللي إتعملت و أكتبهم بالمرة . . حتلاقي مثلاً ( disciple -mode ) .. و ده والله يستحق بوست مٌفصّل لوحده ( و غالباً حيحصل إن شاء الله النهاردة أو غداً ) .. لأن تم قبولنا في يوتيوب و جوجل بفضل الله ( عملية القبول دي بتاخد أسابيع عشان تتم ) .. إن المستخدم حالياً يقدر يربط حساب يوتيوب الخاص بيه .. و تشوف score يوضّح لك نسبة إلتزامك بالمجال اللي إنت بتحاول تتعلمه ( تتلمذ فيه ) .. . ال ( disciple mode ) ده .. أبسط تشبيه له .. إنك تتخيل شوارع .. حارات .. كل حارة خاصة بمجال معين ( حارة الناس بتاعت السوفتوير , حارة الناس بتاعت الإستثمار , … ) . و كل حارة فيها معلمين .. و فيها خناقات .. و فيها صٌبيان .. و فيها حياة كاملة .. و لما بتختار ال ( مجال - حارة ) بتاعتك .. خلاص .. هي دي اللي إنت بتروح تعيش فيها .. و السوشيال ميديا بتاعتك ( حالياً يوتيوب ) يتحول إنه يبقي كله عن الحارة دي .. يعني أكلك , شربك , نومك … حتي حمامك .. يبقي كله في الحارة دي .. . ف تتشرّب اللغة بتاعت الكار ( lingo ) .. و دماغك تتشبّع بأسئلة كتير .. عند المرحلة دي بس .. بتروح تاخد الكورس أو تتعلم المجال .. و تلاقي نسبة إستيعابك له و إبداعك فيه بتتخطّي الطرق العادية في التعليم ب معدلات تفوق ال75% للإنسان ال adhd .. و ال 40% للإنسان العادي . … حتلاقي برضو إن عملية ال ( dump ) اللي هي بتحصل أول حاجة خالص لما تدخل زالفول .. إختلفت و إتطورت بشكل ضخم عن ما كانت عليه في الأول .. و ده لأني بنيتها في الأول بناءاً علي ( context ) ضخم من المعلومات اللي ماكنتش بالضرورة موجودة عند المستخدمين الجدد .. لكن دلوقتي لو دخلت .. حتلاقي إن في عوامل مساعدة كتير جداً تساعدك تعرف تكتب إيه و تقول إيه .. و ليه . … ال sleep mode زي ما شرحت في الفيديو اللي من يومين .. ده لوحده محتاج بوستات يتشرح فيها العلم اللي مبني عليه .. و لو رجعت عندي كام شهر في البوستات .. حتلاقي شارح عنه تفصيلياً ( أيام ما كنت باخلّي المشتركين في asp يعملوه بالورقة و القلم ) .. . و الهدف منه هو إنك تتحكم في لحظة إستيقاظك .. و تتحكم في عقلك في اللحظة دي .. ( الإنسان الadhd مختلف تمااااااااااااااماً عن الإنسان العادي لحظة صحيانه من النوم ) . … حاجات كتير تانية تمت بالفعل و تقدر تشوفها حالياً. .. و حااجات أكتر في الطريق و بتتبني يومياً بفضل الله . … و بالمرة .. أنا فتحت برنامج الأفيلييت الخاص ب زالفول .. حتلاقي رابط الأفيلييت في أى صفحة من صفحات ال ( blog ) تحت خالص .. و لو إنت من الأصدقاء الكتير اللي عندي و عارفين نفسهم 😉😅 .. و عايز ترتيب خاص أو ( special deal ) .. بلغني .. و حاظبطّك إن شاء الله 😅 . … و الله أعلم .