فيديو ل ( tedx talk ) بتاع ( جيسيكا )

فيديو ل ( tedx talk ) بتاع ( جيسيكا ) اللي بعنوان ( failing at normal ) .. كان أحد الحاجات اللي غيرت في حياتي ب شكل ضخم .. و كان أول شرارة إتسببت في إني أقضي فترة ضخمة باتعلّم عن ال ( adhd ) عشان أتعلم عن نفسي .. و بعد كده أقضي فترة أضخم بادرس و أتعلم عنه .. عشان أقدر أقدّم مساعدة مشابهة للي زيي ( زي اللي إتقدمت ليا من جيسيكا ) . … إمبارح كان تاني ( tedx talk ) أقدمه .. و فعلاً أشكر Mohamed Ayman إنه وجه ليا الدعوة دي .. أول محاضرة تيديكس .. إديتها في سوهاج من 7 سنين تقريباً .. و أشكر كل الأصدقاء في سوهاج علي إستضافتهم ليا هناك .. و ما زال في قلبي جزء بيحن جداً للمكان هناك و الهدوء النفسي اللي حسيت بيه في البلد دي . ال محاضرة اللي كنت قدمتها هناك أيامها كانت عن ال ( data science ) .. و المحاضرة اللي قدمتها إمبارح كانت عن ال ( adhd and ai ) .. و بالنسبة ليا و فدماغي .. الإتنين مرتبطين ببعض جداً .. و لما أسجّل إن شاء الله ( النهاردة ليلاً غالباً ) .. فيديو طويل للمحاضرة دي .. حاشرح أوجه الإرتباط بينهم . … أما لو مش عارف بقي ال( figurines ) دول يبقوا مين 😎😂 .. ف دول ( رورونوا زورو , مانكي دي لوفي , ساكوراجي هاناميتشي ) .. و باقي الرف ده عليه غيرهم كتييييييييييير .. و اللي بيٌعتبروا كلهم جزء أساسي من تكوين تفكيري و آرائي في الحياة 😁😅 .. … و علي مدار السنين .. شرحت كتير عن قيمة الأنيمي عالمياً .. و قيمته بالنسبة ليا شخصياً .. و علي مدار الفترات القادمة .. ححاول أشرح عن ده أكتر إن شاء الله .. .. لأن .. أحد أكثر الحاجات اللي حتحصل بعد ما الناس تقتنع أخيراً إنها مش المفروض تنافس بعضها علي إنها تكون أدوات .. هو حيكون المنافسة علي الإبداع .. .. و ده بالفعل بدأ و بقوة .. و أغلب ال ( side hustles = تريندات السبوبات ) العالمية حالياً .. بقت بتشجّع بقوة علي إنتاج محتوي إبداعي .. لأن دي هي الحاجة الوحيييييييدة اللي صعب تلاقي الذكاء الإصطناعي ينافسك فيها .. الذكاء الإصطناعي شاطر جداً جداً إنه يقلّد … لكن صعب جداً جداً جداً إنه يطلّع إبداع حقيقي .. .. و الأنيمي .. فن القصة و القصة المصورة .. جزء ضخم من المستقبل ده .. و أعتقد والله أعلم إن لو تم دعوتي عشان أقول محاضرة تيديكس تالتة .. غالباً ممكن أتكلم عن الأنيمي تفصيلياً فيها 😅 .. … و الله أعلم .