من 10 سنين بالظبط , كنت فأعماق عوالم المونتاج و

من 10 سنين بالظبط , كنت فأعماق عوالم المونتاج و المؤثرات الخاصة , و ربنا أكرمني بالشغل من ناس تقيلة في المجال ده في مصر و خارج مصر أيامها , و البوستات بتاعتي علي الفيسبوك هنا من أيامها موجودة بالسكرين شوتس لما جرّبت العوالم دي علي أبوورك .. و رحلة الشغل فيهم من أول 5 دولار لحد 10 ألاف دولار تقريباً خلال كام شهر .. .. و بعدين 2018 .. وقفّت كل شغلي بإيدي في العوالم دي .. و كل الشغل اللي كنت ماسكه لعملاء في مجالات الميديا ( مونتاج و مؤثرات خاصة و غيرها ) .. عملت له ( delegation ) .. أو هاديت بيه أصدقاء كانوا لسة بيبتدوا بفضل الله .. و شرحت فبوستات من أيامها إن : الشغلانة دي مش حتطوّل .. و السبب كان ( أدوبي سينسي ) اللي كان يٌعتبر لسة بدايات أدوبي في عوالم الذكاء الإصطناعي .. … إمبارح .. سجّلت الفيديو ده ( و زي ما قلت فأوله .. إني باكره جداً أقضي وقت مونتاج و مؤثرات و الكلام ده ) .. و بعدين قلت أما أجرّب بقي إيه اللي موجود فعوالم الذكاء الإصطناعي حالياً .. . و خلال نص ساعة بالظبط .. و شوية لعب عشوائي و سريع جداً مع skills زي ( ريموشن ) و حاجات زي بلاي رايت … الفيديو تم عمل ( ترانسكريبشن = يعني يتحول لكلام ) بالرغم من إني كنت باتكلم عربي مصري .. و لكن ( whisper ) من أوبن إيه آي .. عمل له ترانسكريبشن كامل بدقة 98% خلال ساعة .. و مجاناً .. و بعدين خدت التراسنكريبشن .. إديته ل كلود .. و إتعمل له مونتاج ( الفيديو الأصلي كان 40 دقيقة 🤣) , و مؤثرات , و سكرين شوتس من زالفول , و تعديلات كاملة .. كل ده .. أوتوماتيك بالكااااااااااااامل .. و أثناء ما أنا شغال علي باقي تفاصيل زالفول و البلوج بتاعه ( اللي حالياً أقدر أقول إنه مرجع يٌعتمد عليه بفضل الله في كل ما له علاقة بال adhd ) .. و بيزداد قوته يومياً . ** طبعاً كان ممكن أظبط شوية خرابيش لسة مش مظبوطة .. لكن قلت أحسن إني أطلعه نص سوا زي ما شايفين كده 🤣 … … جزء كبير جداً من اللي حاشرحه في ال talk بتاعي في تيديكس كمان أسبوع بإذن الله .. هو اللي بيحصل ده كله .. إزاي إن أغلب المجالات المشهورة في العالم حالياً .. مش محتاجة منك أى مهارات تنفيذية خلاص .. ( برمجة , تصميم , ميديا و موشن , تسويق , مبيعات , إدارة , …) اللي كتبته علي مدار ال10 سنين اللي فاتوا في بوستات كتييييييييييييييير .. إن المستقبل هو لل ( مبدعين الفاشلين ) .. 🤣 .. مش اللي نجحوا .. .. ليه ؟! .. لأن اللي فشل ( كتير ) .. أدراجه مليانه مشاريع و أفكار و مشاكل .. و أخيراً أصبح عنده القدرة إنه ينفذها و يحلها .. .. لكن اللي كان ناجح .. غالباً دلوقتي قاعد بيعمل سيرش علي ( أفكار جديدة للإستفادة بقدرات الذكاء الإصطناعي 🤣😅 ) … … و الله أعلم .