لماذا نحن هنا ؟! ..... الجزء الأول

لكن الضيوف ؟! .. تشكيلة عنب 🤣..

AR 10 د

لماذا نحن هنا ؟! … الجزء الأول . … طيب .. الموضوع ده كبير .. أوي .. و مهم .. أوي أوي أوي .. البودكاست ده نزل من يومين تقريباً .. 3 ساعات متواصلة 😅 .. … البودكاست ده علي قناة يوتيوب ( Diary of a CEO ) .. و اللي فعلاً باحترم مجهود ستيفين اللي بيقدمه جداً .. و يمكن كتبت أكتر من بوست قبل كده عن حلقات عملها . لينك الحلقة حاسيبه فأول كومنت . لكن الضيوف ؟! .. تشكيلة عنب 🤣.. اللي هو لو عقيدتك فيها أى شروخ أو مبنية علي قشور الدين المخلوط بالفولكلور الشعبوي الكوميدي ( زي الأغلبية للأسف ) .. النتيجة إنك حتحس بكمية مفكات بتضرب في أساسات أفكارك .. بشكل مضمون معاه إنك تطلع من البودكاست ده بتدوّر علي أقرب غٌرزة أو خمّارة 🤣 . … مين هما الضيوف ؟!

إما شبه عمو العجوز الستيني المسيحي … و بيقول كلام كتير عن : رب واحد خالق للكون .. بيحبك و أرحم بيك من أمّك و أبيك .. ف تتمزّج و تبدأ تستريح .. لكن تلاقيه كمّل و قال .. و الرب ده نزل للأرض .. و مات .. و إنك بتعاني و تتعاقب علي أخطاء إرتكبها أجدادك اللي كانوا عايشين من ملايين السنين .. و إن الرب اللي مات ده ( و العياذ بالله ) .. صحي تاني .. ف تبدأ إنت تحس إن في حاجات غلط .. و مش راكبه علي بعضها . . ف تبص للتاني .. الهندي اللي قاعد مربّع و مُبتسم هناك .. تلاقيه بيقول لك كلام عن : إزاي إنت عندك قٌدرات خارقة كامنة .. و محتاج بس اللي يطلعهملك .. و إنك إنت المُسيطر علي حياتك بالكامل .. لكن لازم تتعلم تستسلم بالكامل .. و إنك حتشوف كويس فعلاً .. لما تتعلم تبص يمين و شمال فنفس الوقت .. و إزاي إنك لو ركزّت صح .. حتعرف تطلّع شاكرا 🤣 .. و عينك التالتة حتتفتح .. و حتشوف حاجات غيرك مايشوفهاش .. … ف طبيعي جداً إنك بعد ما تهدي شوية من الإثارة دي .. و تعقل و تفهم إنك لما بتحزق مش بتطلّع شاكرا .. و لكن حاجات تانية هي اللي ممكن تطلع .. ف بتلاقي حد بيتكلم بالعقل و هادي و متزّن .. شاب محضّر كلامه و مرتب أفكاره كويس جداً جداً … و أهم حاجة علي الإطلاق هي : إنه بيقول ( لا أعلم ) بشجاعة و فخر و صوت عالي . .. الشاب ده هو : أليكس أوكونور . و هو أخطرهم علي الإطلاااق .. .. ليه هو الأخطر ؟! . لأنه بيقدّم لك ال ( لا أدرية ) علي إنها الحل الأفضل و الأمثل و الأوحد ل كل شيء . … يعني إيه ( لا أدرية ) ؟! .. يعني .. عاطف في فيلم الناظر 🤣: تسأله : إحنا هنا ك بشر في الحياة دي ليه ؟! .. يرد ( لا أدري ) . تسأله : طيب .. نعمل إيه يعني ؟! .. يرد ( لا أدري ) . تسأله : طب أنا جعان … آكل ؟! … يرد ( لا أدري .. مين قال لك إنك لازم تاكل طالما جعان ؟! ) . تسأله : طب أنا زهقان .. أعمل إيه ؟! … يرد : لا أدري .. و يقتبس جملة مشهور ل فيلسوف قديم إسمه بليز باسكال .. بيقول : كل مشاكل البشر بتنبع من إنهم مايعرفوش يقعدوا في أوضة لوحدهم من غير ما يعملوا حاجة 🤣🤣 . … ده بالظبط كإنك فوسط فيضان ضخم .. و أعاصير حواليك فكل مكان .. و رعد و برق و ضرب نار .. و عيال رخمة كمان واقفة بعيد بتحدّف طوب .. . و حواليك من كل إتجاه في سُفن مختلفة .. كل واحدة منهم بتحاول تشرح لك إن النجاة عندهم هما .. سفينة الفلوس .. سفينة الإنتماءات المؤقتة ( إنتماء ل نادي , ل وطن أو أرض , ل إسم عيلة مثلاً , … ) … سفن التوجهات الفكرية الرايقة .. ( زي الناس الروحانيين اللي زي ضاكتور ك ده .. قاعدين يضربوا في حشيش و مدلدلين رجليهم من سور السفينة في المياة و عايشين ياخدوا تان 🤣 ) .. . و لأن عقلك مش قابل منطق أى سفينة من دول .. و فطرتك مش قابلة إنك تنتمي لأى منهم .. . بيطلع لك ال ( لا أدري = عاطف في فيلم الناظر = أليكس أوكونور ) ده .. و يقول لك .. يا رااااجل .. مين اللي قال لك إن في فيضانات ولا أعاصير ولا أى حاجة .. فكك كده .. و مش لازم تركب أى سفينة خالص .. ريّح ضهرك عالمياة و هي حتشيلك 🤣 … و عيش الحياة زي ما تيجي تيجي . … أنا سمعت البودكاست بالكامل إمبارح الصبح .. بدأته الصبح و أنا باعمل قهوة .. و خلصته مع آخر تمرينة ضهر في الجيم 😎 . .. و علي بالليل كده .. رحت فاتحه تاني .. بس المرة دي جبت ورقة و قلم 😆 و بدأت كإني قاعد معاهم .. كل نقطة تتفتح .. أكتبها عشان مانساهاش .. و أكتب أفكاري و ردودي عليها … بل إن بعض النقاط كنت باضحك بصوت عالي و أنا في الجيم لما سمعت ردودهم عليها .. لأني تخيلت مثلاً لو في حد معاهم زي باشمهندس أيمن عبد الرحيم ربنا يبارك فيه .. أو ( أمجد سمير ) مثلاً .. أمجد سمير بالمناسبة .. فضلت أسمع عنه علي مدار السنة اللي فاتت .. بدون ما ألقي نظرة علي محتواه .. و بقالي شهر بالكامل باسمع منه .. و فعلاً ربنا يبارك له و يزيده .. . و حقاً … حقاً أتمني لو هو بنفسه شاف الحلقة دي .. و قرر يرد علي النقاط اللي فيها بنفسه .. . بل .. إني أتمني إني يكون دوري إني أكون أنا المحاور في اللقاء ده ( مع أمجد سمير يعني ) .. و أكون أنا اللي باتعلّم .. مش اللي بيجاوب . لأني أحسبه علي الله إنه أعلم مني بمرااااااااااااااااااااحل . … لكن .. بما إني أخاف إني أنسي أقول كل ما يمكنني في الموضوع ده كالمعتاد بمرور الأيام .. كتبت البوست ده .. و علي مدار الأيام القادمة .. حاكتب أكتر من بوست .. في كل واحد منهم حتناول نقطة أو أكثر من النقاط اللي تم تناولها في البودكاست إن شاء الله .. . كنت أتمني لو كان ينفع أكتب كل شيء دلوقتي في البوست ده .. و لكنه كان حيتحول لبوست عملاق .. و أنا لا أمتلك وقت كافي حالياً الصراحة برضو . . و الله أعلم .