طيب .. إيه الأخبار ؟!

طيب .. إيه الأخبار ؟! ..

AR 9 د

طيب .. إيه الأخبار ؟! .. علي مدار اليومين اللي فاتوا .. قرأت تقريباً أزيد من 250 تعليق علي بوستاتي الأخيرة اللي إتكلمت فيهم عن موضوع ( عقلية الإنسان اللي مصدق إن الأرض مُسطحة ) .. .. لو تلاحظ هنا .. كلامي في البوستين ماكنش إطلاقاً عن إثباتات فيزيائية أو دينية أو منطقية عن ( الأرض كروية أو مُسطحة ) … إطلاااااقاً .. و لكن .. عن عقلية الإنسان اللي الموضوع ده بيسبب له مشكلة . … ليه ؟! لأني فعلاً ماكنتش متخيل إطلاقاً إن كمية الناس اللي مُعتقدة إن الأرض مُسطحة .. كتير بالمنظر ده .. ولا كنت متخيل كمية ال ( تعصّب ) اللي ممكن موضوع زي ده يتسبب فيه لهم . … و بالتالي .. و علي مدار اليومين اللي فاتوا .. قرأت كل التعليقات .. و لما توفّر ليا بعض الوقت البسيط ( اليومين دول فعلاً مشغول بين حاجات كتير ) .. حاولت إني أناقش بعضهم .. .. و فعلت ما هو أكثر .. قضيت كام ساعة باتفرج علي محتوي ماكنتش متخيل إطلاقاً إني محتاج أتفرج عليه .. فقط .. عشان أتأكد إني مش مجنون .. و إن الموضوع ده بالذات قٌتل بحثاً في المحتوي الديني و الإسلامي خصوصاً .. قبل ما يكون قٌتل بحثاً في المحتوي العلمي . … المهم .. أنا فكّرت فعلاً أبدأ سلسلة أشرح فيها الرياضيات و الفيزياء من نقطة الصفر ( حرفياً ) .. لحد ما أوصل لنقطة المعادلات الرياضية اللي بتشرح مسار الصواريخ ( رياضياً و فيزيائياً ) .. و بعدين أشرح ما تيسر من علم الأقمار الصناعية و ال (GPS ) بحكم إني درسته بشكل وافي في الكلية ( و شكل أكثر من الوافي خارج الكلية ) . .. و لكن .. بالرغم من إن ده يبدو حلم سعييييييييد جداً .. إلا إنه مجرد فانتازيا .. حلم .. صعب إني أحققه بسبب عدم قدرتي علي الإلتزام بشيء مماثل لمدة طويلة . .. و الأهم .. هو إن الرياضيات و الفيزياء خصوصاً .. و العلوم عموماً .. بناء .. و ليست مسلسل ذو حلقات منفصلة تقدر تتفرج علي الحلقة اللي تعجبك و تسيب اللي ماتعجبكش 🤣 . .. يعني إيه ؟! . يعني .. لقيامي ب عمل حاجة زي كده .. حاحتاج إلتزام كاااااااااااامل من الحضور بالتواجد من أول لحظة .. و عدم تجاهل أى معلومة في النص ( بل و أؤكد علي ده بإني آخد غياب مثلاً ) . . لأن .. هي دي المشكلة .. معظم الناس اللي في التعليقات ( المؤمنين ب إن الأرض مٌسطحة ) .. أعتقد علي دراية بحساب الجمع و الطرح .. و الضرب و القسمة .. لكن .. لو حبيت إني أطلع من ده ل ( التفاضل و التكامل ) مثلاً .. هل هما فاهمين الجمع و الطرح و الضرب و القسمة ( فهم حقيقي .. و ليس فهم كيفية إستخدام فقط ) .. بحيث ينفع يتحمل الفهم ده في دماغهم .. فهم حاجة زي ( المالانهاية ؟!) .. أو ( النهايات ؟! ) .. أو ( اللوغاريتمات و الأسس ؟! ) . .. الجمع و الطرح و الضرب و القسمة .. عمليات حدسية جداً ( يعني منطقية بالنسبة لأغلب الناس ) .. لكن .. الفلسفة اللي مبني عليها المبادئ دي .. بالنسبة ل ناس كتير حلقة مفقودة .. لأنها لم يتم تدريسها فأى مرحلة تعليمية .. و فجأة بتتفاجئ و إنت في ثانوية عامة علمي رياضة مثلاً .. إنك فعلاً مش فاهم الفلسفة دي بالشكل الكافي . … مثال مثلاً : لو سألتك الجذر التكعيبي لل واحد .. حتفكر بكل منطقية كالتالي : إيه الرقم اللي لما تضربه فنفسه 3 مرّات .. تطلع النتيجة واحد . سؤال بسييييييييط جداً أهه .. عبارة عن علمية ضرب فقط .. . و أى طفل نبيه من إبتدائي .. ممكن يشرح لك إن الضرب .. ما هو إلا جمع . . فبالتالي .. النتيجة المنطقية هي ( 1 ) .. صح ؟! . . غلط .. و بتكتشف لما تدخل علمي رياضة .. إن في عالم تاني خاااااااالص من الأرقام … إسمه الأرقام التخيلية .. و ده يخلي الجذر التكعيبي للواحد = ثلاث نتائج .. هما : 1 . و سالب نص + ( i ) مضروب في ( الجذر التربيعي ل 3 ) مقسوم علي (2) و سالب نص - ( i ) مضروب في ( الجذر التربيعي ل 3 ) مقسوم علي (2) … فهمت حاجة ؟! 🤣🤣🤣 .. بالظبط .. ما لم تكون دارس أعداد تخيلية .. و فاهم هي جات منين .. و ليه .. و إزاي .. مستحيل تفهم إن الإجابة اللي فوق دي .. هي الإجابة ال ( منطقية ) الوحيييييييدة ل سؤال بسيط جداً ( و هو الجذر التكعيبي لل واحد بكام ) . .. و إن .. الإجابة بتاعت ( واحد ) بس .. بتبقي إجابة مش منطقية إطلاااااااقاً . … طب أعمل ده إزاي ؟! .. أبدأ أشرح الأعداد التخيلية مباشرة ؟! .. ماعتقدش إن أى حد حيفهم .. ما لم يكون عنده مبادئ فلسفة الهندسة و الفيزياء . .. يعني إيه ؟! .. يعني لما أشرح لك إن ( i ) ده .. هو رقم بيساوي ( الجذر التربيعي ل سالب واحد ) .. يبقي لازم تسأل : يعني إيه ( -1 ) .. صح ؟! … طب هو يعني إيه أساساً أرقام بالسالب ؟! .. بتعبر عن إيه فيزيائياً و هندسياً ؟! .. يبقي لازم أشرح لك أساساً إزاي الأرقام بتعبر عن العالم اللي حواليك .. و إزاي إنك حر في إنك تفكر في ده بنفسك .. مثلاً .. إتخيل إنك بتلعب مع أختك الصغننة .. و إستلفت منها النهاردة 4 برتقانات 🤣 .. و كلتهم .. يا مفجوع .. يبقي إنت حالتك في الحياة هي ( +4 ) .. و هي حالتها ( صفر ) .. أو .. حالتك إنت ( صفر ) .. هي حالتها ( -4 ) .. و إزاي ممكن تتخيل عالم كامل من العمليات الحياتية .. و تترجمه لأرقام بنفسك .. … و أمشي معاك تدريجياً .. لحد ما أوصل معاك لأوضاع فيزيائية حقيقية ( لعناصر كيميائية مثلاً ) و إزاي إن مافيش طريقة نعبر عن وضع العنصر ده فيزيائياً … غير بمعادلة فيها أعداد تخيلية . .. بس كده إنت فصلت مني … إنت كده محتاج أشرح لك الذرة .. و راذرفورد .. و كيمياء تانية ثانوي بالكامل .. .. بس ده حيخليك تتسائل .. طيب هي الأدوات اللي راذرفورد .. و نيلزبور .. و غيرهم إستخدموها .. تم تصنيعها إزاي ؟! . .. أحبك .. و أحب أسئلتك .. و أتمشي معاك في رحلة ضخمة .. من أيام الحدادة علي عهد سيدنا داوود … لحد ما الناس فهمت عن ال ( سباكة ) .. السباكة هنا مش مقصود بيها الصرف الصحي … و لكن ( سباكة المعادن ) . .. و بعدين أشرح لك إزاي في ناس في الحتة دي عملت قصص كتير حوالين فانتازيا إسمها ( الخيمياء ) .. و أشرح لك طلعت منين .. و أساطير حجر الفيلسوف .. .. ف هنا لازم تسألني .. هي الناس اساساً بتفكر بالأساطير ليه ؟! .. و إزاي الناس صدقت إن في حاجة إسمها ( حجر الفيلسوف ) .. .. ف أبدأ أشرح لك عن العقل البشري .. و العقل المجتمعي .. و إزاي إن صعب جداً تخدع إنسان … و لكن سهل جداً جداً جداً تخدع 100 إنسان . … و هكذا و هكذا و هكذا . … علي مدار حياتي … قابلت كتيييييييييييييييير جداً من الناس اللي من النوعية التالية :