إمبارح حسيت بإحساس ماحستش بيه من زمااااااااااااااااااااااااان

إمبارح حسيت بإحساس ماحستش بيه من زمااااااااااااااااااااااااان من أيام لما كنت في ثانوي و أختي الصغننة في إبتدائي هي كانت أول حد بيقرا كلامي و مواضيع التعبير اللي كنت باكتبها و كانت بتحتفظ بيها .. و بعدين تيجي توريني مواضيع التعبير بتاعتها .. و تعجبني جداً جداً .. و أسألها إزاي كتبت جمل معينة و أفكار معينة .. تقول ليا إنها ” سارقاها ” من مواضيعي أنا 🤣🤣 و كانت بتستغرب إزاي أنا ناسي و بانسي اللي باكتبه دايماً . .. إمبارح .. لقيت الراجل الطيب ده باعت ليا يستأذن يعمل الفيديو ده من بوست كتبته من سنة و نص . و أنا باشكره جداً جداً جداً جداً … لعدة أسباب : 1- علي مجهوده .. و ربنا يجازيه خير و يوفقه . 2- علي إنه إستأذن 🤣 .. 3- إنه فكّرني بالكلام اللي في البوست ده .. لأني فعلاً بانسي اللي باكتبه .. و باحتاج أفكّر نفسي بيه قبل أى حد . 4 - .. و الأهم .. هو إنه خلاني أفتكر الإحساس ده .