شوية كلام عال " جزمة " .. ولامؤاخذة 😅

شوية كلام عال ” جزمة ” .. ولامؤاخذة 😅 … من فترة مش بعيدة أوي ( سنتين تلاتة ) .. إنتشر في عوالم ال( أفيلييت = التسويق بالعمولة ) كمية شغل ضخم عن ال ( أحذية ) .. و ما شاء الله لا قوة إلا بالله .. فعلاً في ناس كتير عملت فلوس معقولة من الشغل ده . كان ( و ما زال بالمناسبة ) في أكتر من مورد .. بيقدموا منتجهم اللي جودته فعلاً كانت كويسة .. و تم ( إغراق ) السوق بالمنتجات دي ( أحذية ) … بغض النظر عن أسامي براندات أو ماركات .. … في عوالم ال (أفيلييت ) في ( Tiers = درجات ) .. كتير .. . الطبقة اللي فوق خالص خالص خالص أوي جداً بالجامد .. دول اللي شغلهم تخطي مجرد ال ( أفيلييت ) .. و قدروا ينجحوا فمجالات أخري ( إما دولياً أو محلياً ) .. و أصبح ال ( أفيلييت ) بالنسبة لهم مجرد ( Cash cow = مصدر دخل قوي مستمر ) .. بيساعدهم يجربوا و يخاطروا في المجالات الأخري دي . .. و في الطبقة اللي تحت أوي خالص خالص جداً بالجامد … دول اللي بيكونوا شافوا محاضرتين تلاتة عن الموضوع علي اليوتيوب أو الفيسبوك مثلاً .. و حب يجرب الموضوع .. و لقاه نبّت معاه مثلاً و جاب مبيعة أو إتنين .. و بدأ يتكون أمل عنده . … و في بينهم طبقات كتييير جداً .. و بين كل طبقة و طبقة .. في ( حاجز = Barrier ) .. كل حاجز من دول عشان تعديه .. بتحتاج تتعلم الأول كام درس مؤلمين شوية .. .. و صدقني .. مافيش أى حد من اللي فوق خالص خالص أوي جداً بالجامد دول .. إلا و الدروس اللي عدي عليها معلمة فيه علامات الزمن مابيمسحهاش . … النهاردة لما كنت قاعد في مكان معين منتظر شوية و معايا شوية وقت .. عقلي راح سرح في حتة مُعتادة و مألوفة بالنسبة ليا .. هي : ( العالم من 500 سنة ) . … ليه ؟! .. لأن ده أسلوب تفكير بيساعدني ماتوهش بين كل الثورات التكنولوجية و القفزات الضخمة اللي بينطها الذكاء الإصطناعي كل شوية .. .. ببساطة .. أساسيات العالم ماتغيرتش منذ بدء الخليقة .. و مش حاتتغير إلي أن يقبض الله الأرض و من عليها .. .. التجارة حتفضل عبارة عن ( منتج , بائع , شاري ) … الصناعة حتفضل عبارة عن ( صانع , منتج ) .. و هكذا فكل مجال تتخيله .. .. مهما الأدوات إختلفت .. فهي مجرد ( أدوات ) .. مش لازم تتعلمها كلها .. و لكن ( مُستخدم الآداة ) .. دائماً حيفضل أهم من ( الآداة ) نفسها . … فكتبت البوست السطر الواحد اللي كتبته ده بتاع ( لو كنت عايش من 500 سنة .. كنت حتشتغل إيه و حياتك كانت حتبقي إزاي ؟! ) .. ك دعوة إن الناس اللي حابة .. تعمل ( Reset ) لعقلها بطريقة مشابهة لعقلي . … زماااااااااااااااااااااااااان .. في القصص اللي إتحكت لنا عن الحياة من ( 500 ) سنة أو اكتر كانت عاملة إزاي .. كان كتير منها عن ال ( حاذي = صانع الأحذية ) .. و كانت القصص بتكون دائماً في إطار زي : صانع الأحذية الطيب الماهر أوي .. بيصنع حذاء للملك .. و بعدين الملك بيفرح بالحذاء .. و يحب اللي عمله .. و يجوزه بنته 🤣🤣 .. و في النص كان بيبقي في شوية دراما و أكشن و شر .. و لكن الخير بينتصر في الآخر 🤣 . … إفتكرت القصص دي و أنا سرحان النهاردة .. و بدأت أتسائل .. اللي محتاج يتعلم ( صناعة الأحذية ) حالياً … يعمل إيه ؟! .. و هل ممكن القصة تمشي معاه زي زمان ؟! .. اللي هو يتعلم في كام شهر .. لحد ما يشرب الشغلانة .. و بعدين يعمل الحذاء الجامد تنين .. و بعدين يتجوز بنت الملك ؟! 🤣 … أحد أكبر أسباب ال ” توهان ” اللي مسيطر علي البشر حالياً .. و خاصة ال ( شباب ) منهم .. هو إن ال ( صناعة ) أصبحت شيء بعييييييييد أوي عنهم .. و صعب جداً بالنسبة لهم . … بعد الثورة الصناعية في نهايات القرن ال 18 .. و إنتشار ال ( Mass production = التصنيع و الإنتاج بأحجام ضخمة ) .. أصبحت فكرة هزلية و عبثية .. إن إنسان عادي .. بمجهوده اليدوي وحده .. يُنتج منتج معين .. و يقدر ينافس بيه .. … و تدريجياً .. إندثرت الفكرة دي .. لحد دلوقتي ما أصبحت فكرة ال ” تصنيع ” ك ( خيار - Option ) مُتاح للإنسان ك مصدر يتكسب منه .. فكرة غير موجودة إطلاقاً لأغلب البشر . … نفس الموضوع بالمناسبة عن ال ” زراعة ”… و لكن ال ” زراعة ” ماندثرتش بالكامل لسة في دول كتير ( أغلبها دول عالم تالت ) .. لكن في دول العالم الأول ( زي أمريكا مثلاً ) .. الزراعة من أكتر الأنشطة اللي تم السيطرة عليها و إحتكارها بشكل شيطاني بالكامل .. و ماعنديش أدني شك إن دول كتير في العالم حتشوف الشكل الشيطاني ده قريباً .. … لو ماعندكش معلومات عن عالم الزراعة في أمريكا عامل إزاي .. خليني أشرح لك سريعاً بإختصار : في شركة إسمها ” مونسانتو ” .. دي شركة من أضخم و أكبر الشركات في العالم .. بتروح عاملة تعديل جيني بسيط علي ثمرة البطاطس .. و بعدين تروح رايحة جنب حقل بطاطس بتاع شركة صغننة تانية .. أو مزارع بسيط عنده كام فدان .. و تزرع الحقل اللي جنبه .. يقوم يحصل ( Cross pollination = يعني تلقيح مُختلط بين المحاصيل ) .. و ده حاجة بتحصل بشكل طبيعي بسبب الطيور و النحل و غيرها من مخاليق ربنا .. فيطلع في حقل المُزارع البسيط .. شوية بطاطس من اللي فيهم التعديل الجيني بتاع مونسانتو .. . تقوم مونسانتو رافعة قضية بتطلب فيها التعويض الضخم .. أو ياخدوا محصول المُزراع بالكامل .. و كالمعتاد في النهاية بتتنازل مونسانتو مقابل إن المُزارع يوافق علي إنه يشتغل عندها (ك موظف ) .. و مايزرعش غير ببذورها هي .. و تحت شروطها هي .. . و مصايب تانية كتيييييييييييييييييييير .. و تقدر تخمن مديرين مونسانتو دول جنسياتهم إيه و ولائهم إيه بالمناسبة 🤣 .. و مش حتطلع غلطان فتخمينك . … المهم .. ليه شوية الدردشة و الكلام ده ؟! .. لأن من 500 سنة .. الحياة ماكنتش كلها بالبساطة دي .. إطلااااااااقاً .. بل إن إحتمال ضخم و كبير جداً .. إنك كنت تلاقي نفسك مولود ( عبد ) .. و تعيش حياة كل حلمك فيها هو إنك ترضي ( سيدك ) اللي بيبيع و يشتري فيك .. هل توافق بحياة زي دي دلوقتي ؟! .. .. كمان ( 500 ) سنة من دلوقتي .. إحتمال ضخم إن يكون ال ( إنفصال ) الموجود بيننا ك بشر .. و بين مجالات أساسية في حياتنا زي ال ( صناعة و الزراعة ) .. مصدر لسخرية أحفاد أحفادنا .. .. و يتسائلو ا .. إحنا إزاي قبلنا نعيش في حياة .. كل حلمنا فيها إننا نروح الصين نجيب ( ستوك = جُملة ) منتجات جديدة .. عشان نبيعها بشكل تسويقي أكثر إحترافية .. بأسعار أكثر منافسة .. لبعضنا ؟! . … اللي كتبته فوق ده كله .. مش حيغير من الأمر شيء إطلاقاً .. بل أكون أحمق لو ظننت إنه حيغير شيء .. ليه ؟! .. دي قصة بوست تاني خالص عن طبيعة البشر في إزاي إنهم دايماً حيفضلوا الإختيار الأسهل اللي بيضرهم .. علي الأصعب اللي فمصلحتهم .. و لكن لو كتبت الكلام ده هنا دلوقتي .. البوست ده حيبقي طوله الضعف 🤣. … خليني أكتفي بإني أقول : الكلمتين دول مجرد بذرة .. بارميها لعل و عسي .. حد من اللي حيقراهم في يوم من الأيام .. و يوصل إنه يكون عنده القدرة إنه ( يصنع أو يزرع ) بدل من البيع .. يعمل ده و هو فاهم إنه حتي لو خسر فلوس بدل ما يكسب فلوس .. مكسبه الحقيقي بيتخطي مجرد الكام سنة اللي هو عايشهم .. … و لكن عشان يوصل إنه يكون عنده الإختيار ده من الأساس .. لازم يكون عنده القدرة المادية اللي ” للأسف ” .. و بشكله الفردي .. مش حتيجي فعلاً .. إلا لو إتعلم كويس جداً إزاي ي : بيع . … و الله أعلم .