فرحاااااااااااااااااااااااااااااااااااااااااااااااااااااااااااااااااااان

فرحاااااااااااااااااااااااااااااااااااااااااااااااااااااااااااااااااااان اللهم لك الحمد كما ينبغي لجلال وجهك و عظيم سلطانك 😍😍 … خليني أحكي قصة الصورة دي .. أحد أسعد لحظات حياتي و أحد أكثر اللحظات اللي حسيت فيها بإنجاز و فخر .. حتي الآن . … من سنة تقريباً .. بعد اللي حصل في أهالينا .. كمية العجز و القهر اللي كنت حاسس بيها كانت تكفي أمم .. و لكن ( زي ما شرحت في البوست اللي إنتشر بشكل فيروسي من فترة بسيطة بعنوان ” إعمل الصح ” ) .. ربنا هداني لتسلسل تفكير معين .. و بناءاً عليه قررت إني : ( أبقي ستريمر 🤣 ) . .. طبعاً مش بشكل ( Full time ) .. و لكن ده مايمنعش إن علي مدار السنة اللي فاتت كمية الوقت اللي الموضوع ده خدها ماكنتش قليلة .. إطلاقاً .. .. من شهر نوفمبر الماضي حتي الآن .. أنا كنت لايف علي تويتش ( 838 ساعة ) 😳😳 .. يعني شهر و أسبوع تقريباً .. علي مدار الفترة دي .. عدد اللي عملوا ليا ( Follow ) وصل : 4636 .. منهم طبعاً (Bots) أو أكاونتات مزيفة كتير .. بيبقي هدفها تجاري ( زي المصممين الفريلانس مثلاً ) .. و دول تويتش بيشيلهم أول بأول .. .. حالياً فاضل حقيقي منهم 2670 تقريباً .. .. لما بدأت الموضوع ده من سنة .. كالمعتاد في معظم الحاجات اللي باعملها في حياتي .. عدد كبير من أهلي و أصدقائي قالوا لي :

• إنت مجنون ؟!
• إنت عبيط ؟!
• حتطلع تلعب جيمز لايف ؟!
• حتسيب شغلك و تهمل شركتك اللي شغالة و معروفة و لها سمعة بفضل الله .. و تقضي ساعات و ساعات بتلعب جيمز لايف ؟!
• طب ده بيجيب فلوس يعني ؟! … … و شرحت .. مرة و إتنين و تلاتة و عشرة .. شرحت فكرتي و وجهة نظري … اللي هي ببساطة : .. 1- حتي لو شركتي و شغلي تضاعف قيمته المالية و السوقية 100 ضعف خلال السنة اللي جاية .. حافضل ترس صغنن جداً جداً جوة مكنة أنا مش متحكم فيها إطلاااااقاً ( مكنة الفلوس و الإقتصاد العالمي ) .. بل العكس .. كل ما شغلي و شركتي قيمته المادية و السوقية حتكبر .. كل ما القيود اللي مكتفة كل الكبار .. حتبقي أقوي حواليا . و إحساسي بالعجز و إني ماليش قيمة و إني مش قادر أعمل حاجة في اللي بيحصل لأهالينا .. حيزيد مش حيقل . .. 2- الخناقة عمرها ما كانت خناقة علي الموارد أو الإقتصاد أو الأرض .. الخناقة كانت و مازالت و ستظل إلي يوم القيامة .. خناقة أفكار و عقائد .. .. 3- الإسلام مش كهنوت .. و ” بلغوا عني ولو آية ” .. دي رخصة و تكليف مع كل مسلم في الدنيا فهم معني الوحدانية و الرسالة .. إنه ” يبلغ ” . .. 4- لو كانوا أهالينا عذرهم هو صعوبة السفر و الترحال .. إحنا إيه عذرنا ؟! .. و إحنا نمتلك التكنولوجيا و اللغة ؟! . .. 5- إزاي حتطلب من حد يدعمك .. لو هو مش فاهمك ؟! .. لو مش فاهم عقيدتك ؟! . .. 6- العقيدة .. الإسلام .. حياة كاملة .. مش كلام و جمل محفوظة تكررها و شكراً .. لا .. حياة كاملة بيعيشها الإنسان .. بكل تفاصيلها .. … 7- الإسلام دين الفطرة .. الفطرة اللي هي بتمثل العدو الأول للشيطان .. لأن فطرة الإنسان التكريم .. و هدف الشيطان هو إذلال الإنسان و تحقيره . … 8- الفطرة تميل للفطرة .. ( المرء علي دين خليله ) .. لو قضيت أغلب وقتك مع فاسدين .. حتفسد .. لو قضيت أغلب وقتك مع صالحين .. بإذن الله حتصلح .. … 9- في عالمنا الحالي .. علاقة المشاهد بال( Streamer ) إسمها ( Parasocial Relation ) .. يعني علاقة موازية للعلاقة الإجتماعية الطبيعية .. بيقضي فيها المشاهد مع الستريمر وقت طويل .. جداً .. و بيتأثر بيه .. … 10- العلاقة دي سببت إن عدد معين من الستريمرز علي مستوي العالم أصبحوا من أقوي المؤثرين في الرأى العالمي العام .. أنا فضلت متابع ال20 ستريمر الأقوي علي مستوي العالم لمدة سنة كاملة قبل ما أبتدي الموضوع ده . … 11- اللي إنت محتاجه عشان تكون ( ستريمر ) شيء واحد فقط .. هو : الوقت . … 12- إطلاقاً مش الموهبة . إطلاقاً مش الكاريزما . إطلاقاً مش االتقنيات .. فقط الوقت . ليه ؟! .. لأن الموضوع عبارة عن إحصاء و رياضة بحتة .. your flavor of sunshine , is someone else’s favorite flavor of sunshine . … 13 - يعني .. علي مدار حياتي أنا كنت أبعد ما يكون عن ال ( Popular ) أو الشخص ذو الأصدقاء الكثر .. و ذكرياتي عن مرحلة الدراسة ( إبتدائي , اعدادي , ثانوي ) .. كانت إني في الفسحة باروح أقعد لوحدي في المكتبة .. و باشوف اللي بيلعبوا مع بعض ك ( شلة ) دايماً كإنهم عندهم مهارات لا أعلم عنها شيء . .. 14- و مع ذلك ,علي مدار السنين اللي فاتوا .. تراكم عدد الناس اللي عملت ليا متابعة علي الفيس ( لأسباب مختلفة ) .. و إكتشفت إن علي مستوي العالم .. في ناس بتحب الأنيمي زيي , و الموسيقي الكلاسيكية زيي .. و الفيديو جيمز زيي .. و باقي الحاجات اللي كانت دايماً بتخليني ( مختلف و غريب ) وسط المجتمع بتاعي . … 15- يبقي .. لو زودنا ال (Exposure ) .. منطقي يزيد عدد الناس اللي شايفاني مش ( مختلف و غريب ) . … 16- أنا مؤمن إن الإسلام في أغلب مناطق العالم علي مدار التاريخ إنتشر بالطريقة دي .. … 17- البشر مختلفين .. و مش كل الناس علي مستوي التعقيد الفكري و الفلسفي اللي يتطلبه نقاش مقارنات أديان و ملحدين زي اللي علي يوتيوب .. 18- بالعكس .. أغلب البشر .. عاديين ( تحت أكبر قوس في المنحني العياري ) . .. 19- فبالتالي .. ما يؤثر عليهم هو فقط .. البشر العاديين الآخرين .. … 20 - بتدافع الناس و إلتحامهم و تعايشهم .. بيتأثر بعضهم ببعضهم .. … … يعلم الله إن دي كانت نيّتي من اللحظة الأولي .. و رمضان اللي فات .. بعد شهرين من ( streaming ) للعب .. شاركت جزء من يومي المعتاد في رمضان .. و هو .. قراءة القرآن .. و بدأت أشرح بعض اللي باقرأه قدر إمكاني و علمي و إستطاعتي .. … و فأغلب الأيام .. عدد اللي كانوا بيشوفوا الكلام ده مايتخطاش ال ( 1 ) .. .. لحد ما في يوم من الأيام .. دخل الشخص اللي في الصورة ده يسأل .. يسأل في بعض معاني الآيات اللي باقرأها .. .. و قدر علمي و فهمي البسيط .. بدأت أشرح .. و بدأ يسأل أكتر .. و أكتر .. .. و علي مدار السنة اللي فاتت .. بين الحين و الآخر كان بيدخل يسلم عليا أثناء الستريم و يشوف اللعب اللي بالعبه .. … و النهاردة .. بعت ليا الكلام اللي في الصورة ده .. .. معناه لو الإنجليزي عندك مش قوي ( إنه أسلم , و أعلن الشهادة , و فرحان و متحمس ) .. و بعدين قال لي إني كنت أحد أسباب التأثير عليه في الموضوع ده .. .. و قسماً بالله أنا ماحستش بفرحة زي كده في حياتي .. … … أنا صديق عمري Ahmad Sherif Etman إشترك معايا في رحلتي دي تقريباً من أول يوم .. و إشترك معايا في قراءة القرآن رمضان اللي فات .. و فاكر كويس تفاصيل كل كلمة كتبتها في البوست ده .. بل ده إشتري لابتوب جيمينج مخصوص للهدف ده بإذن الله 😅 و بيلعب معايا يومياً تقريباً .. و تقدر تلاقيه علي تويتش تحت إسم ( Opel001001 ) .. و أنا تحت إسم (Korionx1 ) . … … أنا شرحت في أكتر من بوست قبل كده عن : ليه الجيمينج مخصوص ؟! و ليه مثلاً مش باطلع أشرح كورسات أو معلومات في مجال دراستي أو شغلي .. .. و لكن بما إن البوست ده طول فحت دلوقتي . لو عايز تعرف إجاباتي علي الموضوع ده تاني .. إبقي أدخل أسألني علي تويتش 🤣 … … أنا فرحاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااان