من كل الأماكن اللي رحتها في حياتي .. و اللي
( مكتبة سمير و علي في الإسكندرية في سموحة ) 😅
من كل الأماكن اللي رحتها في حياتي .. و اللي كتير منها بيتم ذكره دايماً بين أفضل الأماكن السياحية في العالم ..
مكان واحد بس هو اللي كل ما أحب أسترخي و أحسس نفسي بالسعادة .. باتخيل نفسي فيه ..
( مكتبة سمير و علي في الإسكندرية في سموحة ) 😅
…
الورق و السكيتشات و الأدوات الهندسية و المعمارية .. و الأقلام .. و الأقلام كمان مرة .. و الأقلام الكتير أوي .. و الأقلام حتي الصباح الباكر .. و الأقلام دائماً و أبداً ..
عشق لا ينتهي .. و لا أظنه حينتهي أبداً ..
…
مكتبي اللي في بيتي .. مليان حالياً سكيتشات رسم و أقلام من كل شكل و نوع ..
و كلهم لم يتم إستخدامهم ..
من سنين ..🥹🥲😭 .
…
كإنسان عايش حياته بين الأجهزة الإلكترونية .. و 99,99% من اللي باكتبه .. باكتبه علي كيبورد اللاب ..
بيكون معظم إستخدامي لأقلامي العادية هو ال ( Fidgetting - ألعب بيهم بين صوابعي ) .. أثناء التفكير أو اللعب .
…
…
سبب إني أبتديت البوست بالموضوع ده .. هو إن ده أول حاجة بتيجي فذهني معظم الوقت أول ما أشوف بوست أو حاجة بتتكلم عن الفلوس .
..
البوست اللي كتبته إمبارح ( بتاع ال62 ألف دولار في الشهر ) .. ماكنش عن الفلوس إطلاقاً .. و لما فكرت أكتبه .. شرحت نفس الفكرة و لكن بإستخدام مثال و عنوان مختلف بالكامل .. هو :
( الجذر التكعيبي للواحد 🤣🤣🤣) .
..
و لكن بعد ما كتبته .. لقيت إن عدد اللي حيفهموا (أو يتفاعلوا ) مع الجذر التكعيبي للواحد .. حيكونوا بالكتير 3 أفراد .. و مش محتاجين كلامي أساساً 🤣🤣 ..
..
فقررت أغير المثال و العنوان لحاجة أغلب الناس تفهمها و تتفاعل معاها …
و الإجابة دايماً في الحالة دي بتكون حاجة من تلاتة ..
( الجنس , أو الأكل , أو الفلوس ) 🤣🤣 .
و بما إني مش عايز البوستات بتاعتي تكون +18 .. و بما إن االكلام في الأكل مش شيء محبب بالنسبة ليا …
الإجابة كانت ال :
فلوس .
…
…
و فنفس ذات الوقت اللي كتبت فيه البوست بتاعي .. لقيت بوست برضو منتشر عن ( إنت إزاي مش مليونير لحد دلوقتي 🤣🤣 ؟! ) ..
و ده برضو خلاني أفتكر الموضوع اللي إبتديت بيه البوست ده ..
” عشقي للأقلام و الورق .. اللي مش باستخدمهم إطلاقاً ” .
…
…
أنا مابحبش لقب ال ( Angel investor = مستثمر ملائكي ) ..
مابحبش أستخدمه .. و لما باضطر نادراً إني أستخدمه مثلاً في بعض الظروف لو باتكلم مع ( ستارت أب = شركة ناشئة ) و بنفكر في طرق تعاون .. باستخدمه علي إستحياء .
…
لو عايز تفهم ليه أنا باكره اللقب ده ..
إبدأ إستخدمه ..
الموضوع مش صعب إطلاقاً ..
في مؤتمرات و إيفنتات كتييييير بتبقي مليانة شركات ناشئة بتدور علي مستثمرين …
..
إلبس تيشيرت مبهدل شوية .. علي بنطلون جينز واسع و مريح .. و جزمة كوتشي غالية و مريحة (سكيتشر - أديداس - نايكي - … ) .. و إتمشي وسط الناس في الإيفنت و إنت حاطط إيديك في جيوبك و مش بتدور علي حاجة ..
..
أقف كل شوية عند ( Booth = كشك ) ستارت أب مختلفة ..
و إبدأ أسألهم الأسئلة التالية :
- كلمني عن شركتك .
- مين المنافسين بتوعك دلوقتي .
- جدول نموك الزمني الحالي إيه ؟! .
- جدول نموك الزمني المتوقع إيه ؟! .
- معاك ( Runway - ميزانية ) تكفيك لحد إمتي ؟! .
- إيه ال ( Pain points - مناطق الإحتياج ) اللي إنت مستهدفها ؟!
- إيه ال ( Needs- إحتياجاتك ) الحالية ؟! .
- عندك ( IP = Intellectual Property = يعني سر صنعة ) ولا لا ؟! . و هكذا .. … و إبدأ شوف إجابات البشر عليك . … … ببساطة الأسئلة اللي فاتت دي .. كلها ممكن يتم إختصارها في سؤال واحد بس .. هو :
- محتاج فلوس قد إيه ؟! .. و ليه ؟! . … … و ده هو السؤال الأساسي اللي لما بتتعلم تسأله .. بتبدأ تتحول من ( إنسان عادي ) .. إلي .. ( إنطربرونور - رائد أعمال ) . … الإنسان العادي اللي عايز فلوس .. معظم الوقت هو مش عارف هو عايز فلوس قد إيه .. و ليه .. .. أغلب إجاباته حتلاقيها إنه عايز ( إحتياجات ) .. مش ( فلوس ) . … بالظبط زي الفرق بين اللي سايق العربية .. و بين اللي راكب جنبه .. .. رائد الأعمال ده ( سايق العربية ) .. لما بيفكر .. بيفكر في هو محتاج بنزين قد إيه .. و عينيه طول الوقت شايفه أرقام آداء عربيته ( مستوي زيت , ضغط إطارات , التانك فاضي ولا مليان , … ) . .. لكن اللي راكب جنبه .. ده مجرد شخص عايز يوصل لمكان معين .. لكن مش فارق معاه حيوصل إزاي . … … لما تسأل إنسان عن ( عايز فلوس قد إيه ؟! ) .. و يبدأ يجاوب عليك بحاجات زي :
- عايز شقة .
- عايز أتجوز .
- عايز جهاز كمبيوتر حديث .
- عايز عربية .
- … و غيرها من الإحتياجات .. .. تعرف مباشرة إنه ( راكب ) .. مش ( سواق ) … مستني يوصل أماكن معينة .. لكن محتاج حد ياخده يوديه هناك . … لكن السواق لما تسأله ( عايز فلوس قد إيه ؟! ) .. المفروض تلاقي عنده إجابات مختلفة بالكامل .. إجاباته كلها خاصة بال ( وسيلة ) بتاعته .. مش بال ( غاية ) .. يعني مش حيقول لك أنا عايز أروح المكان اللي هناك ده .. لا .. حيقول لك : ( عايز بنزين قد كده , عايز زيت , عايز إطارات , … ) و لو وفرت له الإحتياجات دي .. هو حيعرف يروح بعد كده الأماكن اللي هو عايزها لوحده . … … بنفس الطريقة .. لو لقيت صاحب الستارت أب اللي إنت بتكلمه .. مش عارف هو حيعمل إيه بالمليون جنيه مثلاً اللي إنت حتديهاله .. أو متلخبط .. متردد .. مش مجهز إجاباته و مذاكرها كويس أوي .. تبقي دي مشكلة كبيرة .. .. و نفس الموضوع مع الإنسان العادي بالظبط .. الإنسان اللي … زيي . اللي حابب حاجة معينة .. و مشاعره و أفكاره متعلقة بيها .. و لكنه ماعندوش أى معلومات حقيقية عنها أو عن تفاصيلها . … … أنا دخلت هندسة إتصالات و إلكترونيات .. مش عمارة .. ولا فنون جميلة .. و لكن ما زال جزء كبييير من مشاعري متعلق بالعمارة .. و الفنون الجميلة .. و علي مدار حياتي .. مارست الرسم و الجرافيكس و التصميم … و لكن ( و أى حد إشتغل معايا عارف ده ) .. أنا مش فنان إطلاقاً .. ولا حتي هاوي .. .. أنا مجرد ( مُحب ) .. .. بالظبط زي علاقتي بالموسيقي .. عاشق للموسيقي الكلاسيكية .. و صوت الفيولين ( الكمان ) .. و حاولت أدرسه .. و إشتريت كمانجتين .. و غالباً قريباً حاشتري جيتار برضو إن شاء الله .. و لكني ماعرفش أطلع نغمتين علي بعض منهم .. ماعنديش أى موهبة فده . … … أنا واعي نسبياً بقدراتي دي .. واعي إن ( مشاعري ) .. مش بالضرورة تكون فنفس مجال قدراتي .. أنا باحب ألعب كرة قدم جداً جداً .. و لكن مواهبي الكروية حتي ماتأهلنيش إني ألم الكور من ورا الجون 🤣🤣🤣 .. … … نفس الموضوع بالنسبة للفلوس .. .. مش كل الناس المفروض تكون ( مليونيرات ) .. .إطلااااااااقاً .. .. بس عشان أشرح ده .. لازم أشرح إن كلمة ( مليونير ) ليها معنيين أساسيين .. .. معني بيفهمه السواق .. و معني بيفهمه الركيب .. .. الركيب لما بيسمع كلمة مليونير … بيتخيل ( شقة ملكه , عربية , زوجة , موبايل حديث , رصيد في البنك , … ) .. لكن السواق لما بيسمع كلمة ( مليونير ) .. بيتخيل : ( موارد , بضاعة , مخازن , شحن , عمالة , إداريين , ميزانية دعاية و إعلان , … ) .. .. فهمت الفرق ؟! . .. مش لازم إطلااااااااااااقاً إنك تكون شايف السواق هو الأحسن .. بالعكس .. السواقين بيطلع أيمانهم و بيشيلوا المُر .. و لكنهم ( مؤهلين ) لده .. ( كل مُيسر لما خُلق له ) . … و كتييييييييييير من الناس لو إتحط مكان السواق .. حيلبس في الحيط و يلبس اللي معاه في الحيط .. … … لكن .. لأن مشاعر الإنسان مش دايماً منطقية .. ناس كتير أصبحت مشاعرها متعلقة بفكرة إن ال ” نجاح ” .. هو إنك تكون ” مليونير ” .. و مش فارق معاهم بقي سواق ولا ركيب . .. و ده غلط .. .. النجاح هو : 1- إنك تعرف الأول إنت أنهي نوع .. 2- تدور علي مكان يناسب نوعك .. .. فبالتالي .. لو إنت ( سواق ) .. عمرك ما حتعرف ترضي أو تكتفي بإنك تكون ( ركيب ) . و لو إنت ( ركيب ) .. لازم تدور علي سواق كويس .. و تركب جنبه .. و تثق فيه . … … الفلوس .. وسيلة .. مش غاية .. بالظبط زي ما ( الأقلام و الورق ) .. وسيلة مش غاية .. … أنا مدرك إني غلط فإني عندي ( أقلام و ورق كتييير = وسائل ) مش باستخدمها .. و محتفظ بيهم و باشتريهم .. فقط عشان أرضي مشاعري و أحاسيسي .. … و لكن فأى لحظة العالم موازينه تختلف .. و الناس تشوف إن الماهر بالقلم هو الأعلي قيمة .. ساعتها لازم حادور علي إنسان دارس و فاهم كويس جداً إزاي يستخدم الأقلام و الورق دول .. و أديهم له .. .. مش أطلع في بوست متصور جنب أقلامي و ورقي اللي مش باستخدمهم .. و أكتب : ( شوف أنا حلو إزاي 🤣 ) .. … … و الله أعلم .