ولا ولا ولا ولا ولا

(1) ولا ولا ولا ولا ولا وطي صوتك أنا إنسان محترم أوي ولا فكسوا له مقصر (جداً) فـ بقى كحول ومقسط (جامد) إيه ده، ده كسول ومقطع (سو) وأنا كـ كازوكو مصدع (ayy) إلقي نظرة، لو على الحلاوة عندي كاسترد (كاسترد) قول إسمي أول وشد فاصلة (فاصلة) تنافسني قصداً، إنتَ فستك أصلاً (أصلاً) وشي باسبور، وشك أحمر باينه محروم، بده بطه قشطه مجنون، قشطه اعفرت ده كان سلام بين فلوس وشنطة . ( كلمات أغنية : برازيلي و أسمر ) . … … (2) من شهرين تلاتة تقريباً .. و بعد ما طلبت أكلتي المفضلة في الحياة (بيتزا تشيكن رانش ) .. و علي أحد شاشاتي قررت أشغل فيلم ” الحريفة ” أتفرج عليه أثناء الأكل بجانب باقي الحاجات اللي شغالة علي الشاشات التانية . .. الفيلم كان تريند أيامها بسبب حاجة عملها ” ميدو ” مش فاكر هي إيه .. و لكن شاء عقلي أم أبى .. ما زال ميدو في عقلي عبارة عن جزء من ال ” نوستالجيا ” لزمن مراهقتي ( أبو تريكة , حسام حسن , بركات , عماد متعب , عمرو ذكي , … ) و غيرهم .. آخر مرة في حياتي أظن كنت عرفت أسامي عدد لاعيبة كورة كتير بالمنظر ده من المنتخب . .. المهم .. الذكريات دي مش قصتنا .. الفيلم خفيف و لطيف و فيه تتبيلة قصص و حبكات عمرها ما بتخيب لما بتتعمل صح .. و لكن الأغنية اللي فيه .. جذبت إنتباهي .. أوي . .. الأغنية اللي فيه عرفت بعد كده إن إسمها ” برازيلي و أسمر ” اللي هي كلماتها اللي فوق دي .. … … (3) من 8 شهور .. و لما قررت إني أبدأ أعمل ” Stream = ستريمنج ” و أهتم شوية بالتواجد علي اليوتيوب و تويتش و غيرهم .. بدأت أعمل سيرش عن ملامح العالم ده .. و مين المشهور أوي .. و مين أكبر يوتيوبرز في العالم .. و الناس في العالم عموماً بتحب تتفرج علي إيه .. و بتهتم بإيه … و إييييييييييه .. و أحد الحاجات اللي إكتشفتها و ماكنتش أعرف عنها أى حاجة قبل كده .. حاجة إسمها ( Mukbang = ماكبانج !!! ) . .. ال ( ماكبانج ) ده .. عبارة عن إن حد يطلع قدام الكاميرا .. و يبدأ ياكل كمية أكل ضخمة جداً .. جداً .. جداً .. و يفضل يمضغ و يبلع و يزلط .. قدام الكاميرا .. .. ده أحد أشهر مجالات اليوتيوب علي مدار السنين اللي فاتت .. و في مليونيرات كل ما يفعلونه في الحياة .. فقط هو الأكل علي الكاميرا .. و هناك ملايين ” بيستمتعوا ” بمشاهدتهم . .. و بالنسبة ليا .. ده أحد أكتر الحاجات اللي باقرف منها و باكرهها في حياتي .. و فرحت لما عرفت إن لها إسم 🤣 .. عشان أبقي عارف باكره إيه .. .. أنا أساساً الأكل بالنسبة ليا مش نشاط إجتماعي إطلاقاً .. بل أفضل وجبة بالنسبة ليا دايماً .. هي البيتزا .. لأني ممكن أكلها بسرعة فحت .. و أثناء ما باعمل أى شيء تاني .. .. و باكره أى مناسبة فيها أكل . … … (4) أحد أشهر التريندات العالمية علي مدار أكتر من سنة حالياً .. هو : ( Skibidi toilet ) .. و ده .. لو إنت ماتعرفش .. عبارة عن قناة يوتيوب بتعرض فيديوهات عبارة عن حلقات لقصة ملحمية أسطورية طويييييييييييييييييلة أوي .. و أبطال القصة هما : رؤوس طالعة من تواليتات .. أينعم .. بالظبط زي ما إنت قرأت كده .. و لو ماكنتش شفتهم قبل كده أساساً .. تقدر تعمل سيرش بسيط و سريع جداً .. و حتشوفهم .. رؤوس .. طالعة من تواليتات .. و بتعيش و تتعايش .. و تحارب كائنات تانية عبارة عن أجسام بشرية و بدل الرؤوس .. كاميرات 🤣 . .. ليه المفروض تهتم بحاجة زي دي ؟! .. في إحصائيات كتير جداً بتوضح إن ( Skibidi toilet ) هو أحد أكتر التريندات مشاهدة و متابعة بين الأطفال من سن : 8 سنين .. ل 18 سنة . 🙂🙂 … إزاي انا عرفت عن ( Skibidi toilet ) ؟! . من نقاشات و آراء ال ” أطفال ” اللي من السن ده في كل مكان أونلاين .. .. علي أى فيديو أو مقال ليه علاقة بأى شيء من اللي إنت ممكن تكون مهتم بيها ( أحداث الشرق الأوسط , الأوليمبياد , الأديان , … و غيرهم ) .. أنا بادور علي آراء ال ” أطفال ” .. و أشوف هما بيتكلموا إزاي و بيفكروا إزاي .. .. و من ده .. باقدر أتخيل شوية .. منظر العالم كمان 10 سنين .. … … (5) و حياة قلبى و افراحه .. و هناه فى مساه و صباحه و حياة قلبى و افراحه .. و هناه فى مساه و صباحه ما لقيت فرحان فى الدنيا زى الفرحان بنجاحه الناجح يرفع ايده هيه و يغنى فى عيدنا و عيده هيه الناجح يرفع ايده هيه و يغنى فى عيدنا و عيده هيه و يقول و نقول دايمن ناجحين علاطول دايمن و نجاحنا يطول دايمن دايمن علاطول دايمن داااايمن علاطول دايمن علاطوووووووول دايمن .. دايمن .. دايمن دايمن دايمن هييييييييييييييييييييييييه … … (6) الكلمات اللي فوق دول .. كلمات أغنية ( الناجح يرفع إيده ) لعبد الحليم حافظ . برنس الغناء في زمن الفن الجميل … صح ؟! الفن المحترم .. صح ؟!! الفن الهادف … صح ؟!!!!!!!!!! الأغنية اللي في الفيلم بيتم غناءها في المدرج عن طريق إن الطلبة بيبدأوا ” يطبلوا ” علي الديسك .. و بعدين الرق يبدأ يشخلل 🤣🤣 .. و بعدين نشوف عبد الحليم رايح يغني لنادية لطفي 🤣😁🤣 .. و بعدين المدرج كله يبدأ يغني و يرقص وراه 🤣🤣🤣🤣🤣🤣🤣🤣🤣🤣🤣🤣🤣 … … (7) كل اللي فوق ده ( النقط من 1 ل 6 ) .. إفتكرتهم و قاعدين بيدوروا فدماغي علي مدار الفترة اللي فاتت .. بسبب البوستات المنتشرة عن أخبار الراقصين في حفلات التخرج .. .. و كل ما أشوف بوست عن ولد أو بنت متصور لهم فيديو و هما فاحتين نفسهم رقص و شخلعة في حفلة التخرج .. بابقي عايز أكتب و أشرح .. و أسأل : ” هو عبد الحليم عمل كده ليه ؟!!! ” … … (8) ( و علّم آدم الأسماء كلها ) .. اللغة مكوّن أساسي و أصيل من تكوين العقل البشري .. و مافيش حضارة نشأت فأى مكان في الأرض علي مدار التاريخ .. إلا و اللغة هي أحد عناصر بناءها الأساسي . .. الإنسان فكل الحضارات و اللغات بلا إستثناء .. كتب شعر .. يعني نظم اللغة علي الأنظمة الموسيقية .. و ( إستمتع ) بها . … … (9) الإنسان هو الكائن الوحيد في الكون .. اللي بيحب ” يعقد ” أكله .. بدون أى هدف غير ال ” إستمتاع ” .. .. كل الكائنات .. بتحاول توصل لأقرب و أسرع طريقة إنها ” تأكل ” .. و تحافظ علي بقاءها عن طريق الأكل … مهما كان الأكل متوفر بالنسبة لها .. .. إلا الإنسان .. الإنسان بيتفنن في الأكل و تفاصيله و أصنافه .. و يغير .. و يضيف .. و يبدع .. فقط .. بهدف زيادة ال : إستمتاع . … … (10) بداية من قصص الأخوان جريم ( اللي هي منها سندريلا , و سنو وايت , و ريبانزل , … و كل الحاجات اللي ديزني سرقتها بعد كده ).. و قصص شيكسبير .. و الإبداع البشري الثقافي الترفيهي علي مدار ال 100 سنة اللي فاتوا ( كتب و قصص و تيليفزيون .. و غيرهم ) .. .. لو دورت علي إن إنسان يعيش 100 سنة مثلاً .. و حيستهلك يومياً علي مدار عمره قصص و أفلام و كتب و مسلسلات و منتجات ترفيهية أنتجتها البشرية .. مستحيل حيقدر يخلصهم .. و حيفضل في منتجات هو لسة ماشفهاش . .. و مع ذلك .. البحث عن ( the next big thing = الحاجة الكبيرة اللي جاية ) بيقود البشر إنهم يزقوا و ( push the boundaries = يشوفوا ممكن يعلوا علي بعض إزاي ) . .. و زي ما بيحصل في الأكل بالظبط .. و زي ما بيحصل في اللغة و الموسيقي و الأغاني بالظبط .. بيتم تجربة أفظع و أكثر الأفكار غرابة و شذوذ ( مش شذوذ جنسي أقصد ) و عشوائية .. .. و كقاعدة عامة في العقلية البشرية دايماً : أياً كان اللي حتجربه .. تقدر تعتاد عليه .. و اياً كان اللي حتعتاد عليه .. حتحبه و تدمنه .. و أياً كان اللي حتحبه و تدمنه .. حتدافع عنه بضراوة لو حد حاول يناقشك فيه . … … (11) فلاسفة كتير معاصرين و قدامي إتكلموا عن إن الأفكار نقدر نعتبرها كائنات طفيلية بتعيش و تنجو عن طريق إنها تدخل في عقل الإنسان .. و بعدين تتحكم فيه .. و بعدين تجند كل عناصر العقل البشري إنها تدافع عن وجودها فيه . حتي لو كان عن طريق إن الإنسان نفسه يفقد عقله ده و يفقد منطقه .. .. سورة النمل وَجَحَدُوا بِهَا وَاسْتَيْقَنَتْهَا أَنفُسُهُمْ ظُلْمًا وَعُلُوًّا ۚ فَانظُرْ كَيْفَ كَانَ عَاقِبَةُ الْمُفْسِدِينَ (14) .. سورة البقرة ۞ أَفَتَطْمَعُونَ أَن يُؤْمِنُوا لَكُمْ وَقَدْ كَانَ فَرِيقٌ مِّنْهُمْ يَسْمَعُونَ كَلَامَ اللَّهِ ثُمَّ يُحَرِّفُونَهُ مِن بَعْدِ مَا عَقَلُوهُ وَهُمْ يَعْلَمُونَ (75) … … (12) كل ما أشوف اللي بيُطلق عليهم ( رواد ) في مجالاتهم .. بافتكر النقطة اللي فاتت دي .. .. لما أشوف ( شيف طباخ ) متخصص في أعمق و أدق تفاصيل و كيفيات الطبيخ … و الطبق في المطعم بتاعه تمنه بيساوي مرتب إنسان محدود الدخل في سنة مثلاً .. … لما أشوف ( مخرج أو مخرجة ) مافيش إتنين عاقلين يختلفوا علي إنه أو إنها مرضى بالهوس الجنسي .. و أشوف إيمانهم التام ب “رسالتهم ” و ” هدفهم السامي ” 🤣🤣 . … لما أشوف مغني / ممثل / … أو غيرهم .. من الناس اللي في النهاية هما صرحاء جداً إن كل ما يقدمونه هو عبارة عن ( entertainment - تسلية - إمتاع ) .. و أشوف إزاي إنهم ” عبيد ” لحرفتهم .. و في سبيلها حرفياً بيضحوا بكل شيء .. بكل شيء .. حرفياً .. و بيكونوا شايفين إنهم ( كسبانين ) 🤣 … … (13) إلزم الصمت وحط مكياچ أنا عمك دهب أنط في الكاش Pool أنط في الـ عمَلِت Tattoo على الفخدة قالِت عاجبك؟ قولت sure ممكن نتعرف، لا ده مغرور (حصل) طب نتقابل، لا ده مشغول كاتب عليها لا ده كشكول دوري ممتاز ده لا ده مقبول وأنا متسستم خالص في جنبك ناس بلاستيك خالص شباب ظيطة بتأفلم خالص وأنا بصراحة مش هخرج خالص … … (14) تعمل إيه ؟! .. كإنسان عادي محدود القدرات لوحدك ماعندكش القدرة علي تغيير غير نفسك ؟! .. .. كان في بوست كتبته من فترة أعتقد إسمه ( إعمل الصح ) .. ممكن تكمل قراءة فيه هناك 🤣 .. .. و الله أعلم .

#إسلام_أسامه_الجويلي