من الصبح و كمية بوستات لا حصر لها عن (

من الصبح و كمية بوستات لا حصر لها عن ( بلبن ) .. الموضوع فعلاً فكرني بحاجة كنت حاكتب عنها بوست .. و لكن قررت إني أحترم نفسي و أحترم عقلية أى حد في الدوشة دي … و أسكت . الحاجة اللي كنت إفتكرتها هي : شخصيات قهوة مصطفي حسين ( رسام الكاريكاتير ) . الشخصيات اللي نشأت في طفولتي و أنا باضحك و أبويا و أمي ربنا يحفظهم بيدردشوا عنهم و عن شغل مصطفي حسين زمان . ناس زي : كمبورة , عبده مشتاق , عباس العرسة , الكحيت 🤣🤣 و منين ما بيحصل تريند دلوقتي يخلي كل حد عنده أكاونت فيس عايز يمارس شهوة الكلام .. بافتكر منظر كاريكاتيرات مصطفي حسين الله يرحمه .. لما كان بعبقريته بيرسم الشخصيات دي و هي بتتكلم بنفس طريقة الناس علي الفيسبوك دلوقتي ( من لا يستطيع .. يتحدث عن ما لا يعلم ) . … المهم … اللي في البوست اللي أنا باشيره هنا ده .. معلومات مهمة لأى حد عايز فعلاً يفهم هي المية بتطرطش جوة مركبته الصغننة ليه .. و بيقعد يبص تحت رجليه يدور علي خرم في المركبة .. .. إرفع راسك فوق شوية .. بطّل تبص تحت رجليك .. شوف العالم و الحيتان الكُبار اللي فيه بيتحركوا إزاي .. تدريجياً .. حتفهم المية جاية منين . .. و الله أعلم .