لسة باسمّي الله و بافتح اللاب عشان ألعب كام جيم

لسة باسمّي الله و بافتح اللاب عشان ألعب كام جيم رانكد ( valorant و Teamfight Tactics ) , و بما إن عقلي مدمن دوبامين و إثارة بكل أشكالها .. الدقيقة اللي بياخدها جهازي تقريباً عشان يفتح و البرامج كلها تشتغل و ما شابه .. ده بالنسبة ليا وقت أكتر من اللي عقلي يستحمله في صمت و سكون . فبالتالي .. فتحت تيكتوك في الدقيقة دي .. و أول فيديو ظهر قدامي .. هو اللي الصورة دي منه .. و الفيديو نفسه لينكه في التعليق الأولاني . … الفيديو عن سلحفاة بحرية جميلة .. بتاكل قنديل بحر جميل .. بس كده .. مشهد معتاد من الحياة الطبيعية زي ما ربنا خلقها منذ بداية الكون .. … التعليقات اللي علي الفيديو .. و بالرغم من إني فاهم إن كتير منها هزار أكثر منه جد .. و لكنها شدت إنتباهي جداً .. حاجات زي :

• يا رب يكون قنديل البحر مات بعد اول قضمة خدتها السلحفة .
• هو قنديل البحر بيشعر بالألم ؟!
• هو السلحفاة البحرية ماينفعش تاكل حاجات تانية مش حية .. طحالب مثلاً ؟
• أنا متضايق جداً و حابدأ أندم إني كنت بطلت أستعمل بلاستيك عشان أحافظ علي نضافة المحيط من النفايات و أحمي الكائنات البحرية المتوحشة دي 🤣😁 … و غيرهم . … … نفس العقول اللي كتبت التعليقات دي , حتشوفها كتيييييييييير أوي خلال اليومين تلاتة اللي جايين .. و إزاي حيفضلوا حاسين بالألم و المعاناة تضامناً مع البهائم و الخرفان و الجديان و المعيز اللي المسلمين بيضحوا بيها في عيد الأضحي … و نفس العقول دي .. هي اللي إنت لو متابع الرأى العام العالمي .. كنت حتشوفها هايجة خلال نصف الشهر اللي فات ده .. لأن ” و العياذ بالله ” .. قرر بعضهم إن شهر 6 هو اللي حيتم الإحتفاء بيه ك شهر ال (شواذ 🤣) . و إزاي إن كل اللي بيحتفلوا و بيدعموا حقوق الكائنات دي .. كل آرائهم و أفكارهم نابعة من :
• ” ما تسيبوا كل واحد يعمل اللي عواطفه بتنقح عليه يعملها يا جماحة .. إنتوا إزاي ماعندكوش عواطشيف كده ” . … … و نفس العقول دي .. دي اللي إنت لو متابع العالم خلال آخر 13 سنة بالأخص .. كنت تلاقيهم بيقوموا بأوسخ دور ” فوجهة نظري ” في أى نقاش أو خناقة أو عركة أو حتي مشادة كلامية بين أهلاوي و زملكاوي .. .. أوسخ دور ده اللي هو : يا جماحة كله صح و كله حلو و كل حاجة مقدسة و يلا نروح كلنا الجونينة نلعب مع بعض . و إن أى حد بيموت في أى حتة .. ممكن يبقي ” شهيد ” طالما إحنا ك ” رأى عام ” حابّين كده و علي مزاجنا !! .. و إن أى حد مشهور حتي لو كان شهرته قائمة علي نشر الإنحلال و الفساد بكل أشكاله الموثقة .. و مات .. نكتب له في الكومنتات ” الله يرحمه ” .. و ” لا تجوز عليه غير الرحمة ” !! . … … و لما تيجي تتكلم مع أشكالهم .. و تشرح لهم إن : مافيش حاجة إسمها ” كله صح ” .. مافيش حاجة إسمها ” كله حلو ” .. مافيش حاجة إسمها الحياة البمبي المسخسخ اللي إنت عايش فيها دي .. ده مش منطقي و مش طبيعي … و إن دماغك إتلعب في أساساتها من زمان عشان تبقي بالميوعة دي . يرد عليك : إنك متطرف و متشدد و مكشّر و بتزعق و محتاج تروح تغير طاقتك السلبية من عند عمو اللي بيغيروا من عنده الطاقات !! . … … … الكائنات اللي من النوعية دي .. أوسخ من أعدائك .. لأنهم لو في صفك .. صوتهم بيطغي بسرعة .. خصوصاً لو عدوك فهم يستغلهم إزاي . دول بينطبق عليهم قول الله : لَوْ خَرَجُوا فِيكُم مَّا زَادُوكُمْ إِلَّا خَبَالًا وَلَأَوْضَعُوا خِلَالَكُمْ يَبْغُونَكُمُ الْفِتْنَةَ وَفِيكُمْ سَمَّاعُونَ لَهُمْ ۗ وَاللَّهُ عَلِيمٌ بِالظَّالِمِينَ (47) … أجيال كتير تم تربيتها و تنشئتها عشان تطلع بالمنظر ده .. تطلع لما تشوف الأسد بياكل الغزالة .. تضايق و تنفعل و تكره الأسد .. و تتعاطف مع الغزالة !! . تطلع دايماً شايفة التعلب مكار .. و الأرنب برئ .. تطلع مدمنة للبرجر و الكنتاكي .. لكن قلبها بيرفض أُضحية المسلمين . تطلع فرحانة بالكريسماس و بتستناه و تحس بالسعادة فيه .. لكن بتكتئب في عيد الفطر و عيد الأضحي .. و بتحس إنه عادة قديمة جاهلة ” فلاحين ” !! . تطلع مدمنة للشوكولاتة بكل أنواعها .. لكن ماتعرفش بتيجي منين .. و لا مين بيتم إستعباده من البشر عشان تفضل أمبراطوريات الشوكولاتة مسيطرة . .. أجيال كتير تم إنتزاع قوتها منها .. و أصبحوا ” خيخة ” .. آلهتهم هي عواطفهم و أهوائهم . .. أجيال كتير إتربت علي ” ميكي ماوس و والت ديزني ” .. و كل أحلامهم كفتيات هي ” علاء الدين ” اللي حياخدها ولامؤاخذة علي الإحم الفرشة السحرية 🤣😆 … .. هل كلامي ده ” أفورة ” .. ممكن بكل تأكيد .. و لكن إحصائيات و أرقام الحياة علي مدار ال100 سنة اللي فاتوا .. بكل أشكالها .. مذهلة بكل الطرق .. من تحركات رؤوس الأموال علي مستوي العالم .. من تحركات الشعوب و حرياتها و مواردها .. من معدلات الخصوبة و الإنجاب .. من معدلات النمو العقلي و التعليم .. و غيرهم … ... لكن المهم .. ممكن نعمل جمعية خيرية لحماية قناديل البحر من السلاحف البحرية المتوحشة ؟! .