إمبارح و أثناء ما باتغدي .. شغلت البودكاست الجديد بتاع

إمبارح و أثناء ما باتغدي .. شغلت البودكاست الجديد بتاع ( باسم يوسف ) مع ( مهدي حسن ). لو ماتعرفش مين ( مهدي حسن ).. فشوية معلومات بسيطة سريعة عنه : ( صحفي شاطر جداً , مذيع و محاور مخضرم , إشتغل في الجزيرة و MSNBC و غيرهم , شيعي ) . … ما يلي .. عبارة عن نقطتين سريعاً إتقالوا في اللقاء و حاكتبهم زي ما هما قدر المُستطاع … نصيحتي هي إنك لو تقدر .. روح إتفرج علي اللقاء أحسن .. … 1- ( john hagee ) .. ده واحد من أشهر القسيسين الأمريكان .. و من أكبر المؤثرين في رأى السياسيين الأمريكان .. و مؤسس المنظمة المسيحية الصهيونية للمسيحيين المتحدين من أجل إسرال . و اللي إفتخر في أكتر من لقاء إنه كان أحد أكبر المؤثرين علي ( دونالد ترامب ) فإنه يقرر بنقل سفارة أمريكا في إسرال في القدس . في البودكاست بيعرضوا جزء من محاضراته و اللي قاعد قدامه مئات .. و هو بيتكلم إزاي إن إسرا**ل هي نني عين الإله 🤣( أستغفر الله العلي العظيم ) .. و إن اللي يضايقهم .. يبقي كأنه بيحط صباعه في نني عين الإله ( و لا حول ولا قوة إلا بالله ) . … 2- خلال البودكاست .. بيعرضوا إزاي إن أكتر من فصيل و مؤثر في الآراء ( سياسياً و عالمياً ) بيتكلموا علي موضوع ال ( بقرة الحمراء ) .. و دي حاجة ماكنتش أعرف عنها أى شيء تقريباً .. و لكن الخلاصة بتاعته إن في عقيدتهم ( اللي مايتسموش ) لازم يتم ذبح بقرا حمرا في الأقصي و ميعاد معين .. عشان يبتدوا العد التنازلي بتاع النهاية بقي .. و ليلة كبيرة و كلام أفلام .. الفكرة مش في الهري ده .. لا .. الفكرة إن كتير من اللي مؤمنين بالهري بتاعهم ده .. حالياً في مناصب و أماكن صنع القرار العليا .. مؤمنين بده جداً .. و بيتكلموا عنه في مؤتمرات شيك و هما لابسين بدل و علي الملأ .. بل إن في مزارع مخصصة لتهجين و توليد البقر الأحمر .. عشان يلاقوا البقرة الحمرا المظبوطة اللي زي اللي موجودة في قصصهم . … … … لينك البودكاست في أول كومنت ..