( جد مش هزار )

( جد مش هزار ) … محتاج من كل اللي شافوا الماتش بتاع إمبارح .. لو يقدروا .. يعرفوني اللي حصل .. أنا شايف شوية بوستات متفرقة علي الفيس هنا إن كان في ماتش تقريباً .. و كلام عن صلاح برضو و أجوان .. و الموضوع كان تقريباً فبطولة أفريقية .. صح ؟ .. محتاج كل اللي شاف الماتش ( و عنده القدرة و الإستطاعة ) .. إنه يعرفني بالتفصيل اللي حصل .. مش باتكلم في إنك تكتبلي في كومنت .. لا .. باتكلم إنك تنتج محتوي عن اللي حصل .. لاحظ مرة تانية إني قلت ( لازم يكون عندك القدرة و الإستطاعة ) .. يعني عندك وقت و قدرة إنك تعمل ده . … خليني أشرح .. .. أنا علي مدار سنين حياتي اللي فاتوا .. فضلت أهري و أقول كلام كتير عن إن إزاي إن الفٌرجة علي الكورة دي ( المصري خصوصاً ) تفاهة .. و إن المفروض الناس تكون عاقلة و الكلام اللي مالوش طعم ولا ريحة ده .. .. أنا كنت غلط .. أنا كنت غلط جداً كمان .. .. الناس مابطلتش فٌرجة علي كورة .. ولا مسلسلات عربي و أفلام عربي و أغاني عربي .. و لا أى هري فأى تفاهة .. .. طيب .. علي الأقل .. إستفيد من الموضوع .. .. يعني إيه ؟! . .. يعني مش بس تتفرج علي كورة و تبقي مجرد حافظ أسامي ناس مليونيرات في عشرينات عمرهم .. كل واحد منهم ربنا يبارك له في ثروته اللي كونها من الكورة .. في حين إنك كنت مستني تفول عربيتك قبل الماتش عشان خايف من إرتفاع سعر البنزين . .. لا .. حاول تعمل التالي : 1- جرب تعمل قناة يوتيوب و تشتغل محلل .. و بعد كل ماتش .. تنزل فيديو مدته ساعتين تحلل فيه الماتش اللي مدته ساعتين .

2- جرب تنزل بوستات علي صفحة فيسبوك مخصصة للموضوع ده ز

3- إعمل جروبات تشارك فيها أخبار لاعيبة الكورة أول بأول . .. والله باتكلم جد مش باهزر ولا باحاول أثير مشاعرك .. .. إنت لو كنت بدأت حاجة زي كده من 14 سنة مثلاً .. كان زمانك دلوقتي ليك صوت و مسموع و الناس بتستهلك المحتوي بتاعك إنت كمان . .. و ساعتها .. كان حيبقي في إستفادة حقيقية بالنسبة لك من قعدتك ساعتين بتتفرج علي اللاعيبة دول .. في حين إن علي بعد كيلومترات منك .. في ناس حرفياً ممنوع عنها المياة و الأكل و العلاج و الأمن … و الفُرجة علي الماتشات كمان . .. متخيل ؟! .. متخيل ناس ممنوع عنها الفٌرجة علي ماتشات كرة القدم ؟! … تقدر تساعدهم ؟! .. ماتقدرش .. تقدر تعمل أى حاجة لهم ؟!. . ماتقدرش .. .. عشان كده باقول لك .. لو عندك وقت و إستطاعة .. إنتج محتوي تافه يعتمد علي التفاهة اللي بتستهلكها .. .. و عند مرحلة معينة .. ساعتها ممكن يبقي عندك صوت عالي بما يكفي إنك فوسط التحليل بتاعك للماتش اللي حصل إمبارح ده .. تقول فجزء صغير كده علي جنب أى حاجة عن أهالينا … طب لو مش حتعمل كده .. حتعمل إيه ؟