5 نقط سريعة

يعني حاخد وقتي أوي .. و أقرا الرسالة مرة و إتنين و تلاتة .. و أسيبها لحين ما ييجي وقت أكون رايق فيه .. و أكتب بنفس الطريقة اللي في الصورة تحت دي 🤣

AR 6 د

5 نقط سريعة .. … كل فترة لما بوست من اللي باكتبهم ينتشر بشكل ( فيروسي = Viral ) … و ينضم أصدقاء جدد لل(فولورز - متابعين ) .. بييجي برضو عدد من الأسئلة اللي جاوبت عليها كتير علي مدار السنين اللي فاتت .. .. فبالتالي .. فيما يلي شوية ( أجوبة / حقائق و معلومات عني / نقاط عشوائية ) . … 1- إعتذاري المتكرر و الدائم لتأخيري في الرد علي الرسائل .. أنا عجووووز .. و ترعرعت في الجيل اللي كان وسائل الإتصال الإجتماعية بتاعته هي التيليفون الأرضي اللي بيشترك فيه أفراد الأسرة كلهم .. و باتعامل مع الماسنجر .. بنفس الطريقة اللي كنت حاتعامل فيها مع الجوابات الورقية .. يعني حاخد وقتي أوي .. و أقرا الرسالة مرة و إتنين و تلاتة .. و أسيبها لحين ما ييجي وقت أكون رايق فيه .. و أكتب بنفس الطريقة اللي في الصورة تحت دي 🤣 طبعاً ده ما لم يكون الموضوع عاجل و طارئ للغاية .. في الحالة دي ممكن نتواصل تيليجراف 😅 … 2- علي مدار السنين .. أنا فهمت و أيقنت إن مافيش ( وصفة سحرية , خلطة جهنمية , خطة خزعبلية ) للبيزنس و الفلوس و تحقيق الشغف و جلب الحبيب 😅.. أى أسئلة من نوعية ( عايز أعمل كارير شيفت و مش عارف أبدأ إزاي ) , ( مش عارف شغفي فين ؟ .. ما تيجي تدور معايا ) , ( عايز أى طريقة تجيب فلوس بسرعة مش قادر ) .. ماينفعش لها رد من نوعية ( أيون تمام إنت ممكن تشوف الفيديو ده و حتبقي زي الفل ) .. لا .. أنا أيقنت و فهمت إن كل إنسان حالة خاصة بتفاصيله المنفردة .. و إمكانياته الخاصة .. و مشاكله و تحدياته و سلطاته و بابا غنوجه .. فبالتالي .. أعذرني إني أتفادي الردود السريعة الجاهزة علي الأسئلة دي .. اليوتيوب مليان بالمئات من الفيديوهات الممتازة اللي ممكن تدي ردود سريعة .. رجاااااااااااااااء .. لو حتسألني أسئلة مشابهة .. تكون فعلاً حاولت كتييييير جداً تسأل يوتيوب و جوجل .. و شات جي بي تي كمان … و تقول لي .. النتيجة كانت إيه بعد ما حاولت ؟! … 3- أنا ماعنديش أدني مشكلة إطلاااااااااااااقاً إن بوستاتي / كلامي تتاخد كوبي بيست بدون نشر إسمي أو توضيح إني أنا اللي كاتبها مثلاً .. أنا مابعتبرش ده سرقة إطلاقاً .. بل باعتبره معروف و صنيع خير .. و بادعي ربنا اللي يعمل كده إنه يجازيه خير .. لأن : و العياذ بالله أحد أخطر آفات عصرنا اللطيف الحالي .. هو النفاق / الرياء .. و أنا زيي زي أى حد .. مريض بحب إعجاب الناس .. و لما باشوف التعليقات اللي بتمدحني أو تمدح كلامي و أفكاري .. باحس إني واقف قدام المراية و قاعد باتغزل أنا كمان في عبقريتي الفذة و جهبزتي .. و إني المفروض آخد جايزة نوبل تلات مرات مثلاً .. . و الحاجات / الأفكار اللي باكتبها هنا علي الفيس .. ما هي إلا عملي قدر إستطاعتي باللي أفهمه من ديني و عقيدتي .. و إطلاقاً ما باتكسب منها بشكل دنيوي .. و بادعي ربنا إني أقدر أخلص النية في كلامي ده . . فبالتالي .. رجائي لكل اللي دافع عن حقي بالغيب في تعليقات عند أى شخص أخد بوستاتي أو كلامي بدون شير .. هو إن ماحدش ينسب لهم تهمة السرقة .. و لكن لو ظننتم إن اللي مكتوب خير .. أنشره أو ذكر بيه .. بدون ما تنسبه ليا .. بارك الله لكم . … 4- إكمالاً للنقطة السابقة .. قدر إستطاعتي و إمكاني باحاول مافتيش ( لا أفتي في ما لا أعلم ) .. و في عالم السوشيال ميديا الظريف بتاعنا .. في جوع و عطش شديد جداً لسماع الفتوي من أى حد بيحب يفتي .. فرجائي التاني هو : لو حتاخد كلامي كوبي بيست بدون نسبه ليا و تنشره عندك .. بارك الله لك و جزاك كل خير .. لكن لو حد قرأه عندك .. و طلب فتوي منك ظناً منه إنك إنت اللي كتبت الكلام ده مثلاً .. نصيحتي .. إهرب .. صدقني .. ده من أخطر أمراض العصر الحالي .. حتي لو كلامك اللي حتفتي بيه يبدو جميل و حلو .. عدم تخصصك أو درايتك بما لا تدري .. أكيد حيكون سبب في مصايب كتيييييير أوي .. .. أى كلام ديني / فلسفي / منطقي بشكل مباشر بيلمّس مع مناطق الإحتياج النفسي للبشر .. و بتكون النتيجة إن ناس كتير بتلجأ لبروفايلات أمثالي طلباً للإستشارة النفسية .. و أنا و العديييييييييييد من أمثالي .. غير متخصصين إطلاقاً .. و لا يؤخذ مننا أى فتوي .. … 5- النهاردة بعد ما رجعت من الجري بعد الفجر .. و كنت واقف باعمل قهوة .. كالمعتاد دورت علي حاجة أسمعها أثناء إعدادي للقهوة .. و لقيت محاضرة لباشمهندس أيمن عبد الرحيم ماكنتش سمعتها قبل كده .. ده بقي عامل زي الكنز اللي لما بالاقيه باحتفل حرفياً .. المحاضرة دي اللينك بتاعها في أول كومنت .. فيها تقريباً طرق الإجابة علي عشرات الأسئلة اللي وصلتني في حاجات زي :