المواضيع التالية فدماغي و كل واحد منهم محتاج بوست طويييييييييييل

المواضيع التالية فدماغي و كل واحد منهم محتاج بوست طويييييييييييل فحت .. و عشان مانساش .. و عشان أفرغ الضغط اللي بتسببه المواضيع بوجودها فقط ك ( عناوين ) فدماغي .. حاكتب العناوين دي هنا .. و حاستخدم البوست ده ك فهرس للبوستات اللي حاكتبها في الأيام القادمة إن شاء الله . … 1- موضوع الأطفال في برنامج شارك تانك المصري .. و فرص النجاح في البزنس عموماً في مصر .. و خصوصاً للأطفال .. و شوية كلام كتير علي برنامج شارك تانك .. بما إني ماشفتش تقريباً ولا حلقة من المصري .. و لكن شفت 14 سيزون كاملين من الأمريكي الأصلي علي مدار سنوات نزوله . … 2- موضوع الكورسات و الأكاديميات و الدراما اللي كانت شغالة بين الراجل إياه بتاع المواقع المضادة للإختراق 🤣 .. و بين الباشمهندس اللي إخترقه .. و لكن كلامي حيكون مُركز علي ال ( طلبة ) .. الناس اللي بتدفع آلاف الدولارات في كورسات و أكاديميات .. بما إني عشت في العالم ده فترة محترمة . … 3- غالباً خلال أيام بسيطة .. المفروض حنزّل فيديو شرح ( حاتعب شوية في إني أعمله بشكل كويس ) ل لعبة ( Teamfight tactics ) .. و اللي حالياً بتُعتبر أكبر لعبة إستراتيجي أونلاين في العالم ( من حيث عدد اللاعبين .. اللي فاق 300 مليون ) .. الفيديو حيكون شرح بأسلوبي المُعتاد ( العربي المصري الحلمنتيشي الفصيح ) .. و حيكون موجه ليا بشكل خاص .. يعني حاشرح كل اللي كان نفسي إني أتعلمه بالشكل اللي باحب أتعلم بيه .. لما بدأت ألعب اللعبة دي من سنة .. أنا حالياً مستوايا فيها ( Diamond ) .. و ده يعني إني من أفضل ( 0.1 % ) من اللي بيلعبوا اللعبة دي حالياً علي مستوي العالم . كنت مستني أوصل ( Master ) عشان أعمل الفيديو .. بس وقتي مش مساعد إني ألعب عدد كبير من الجيمز عشان أعمل ده لسة 😅. . و في الفيديو .. ححاول أشرح أهمية اللعب عموماً كأحد وسائل ال ( نجاح ) في الحياة الحالية من وجهة نظر الناس ( بزنس و فلوس أقصد ) . … 4- و أخيراً و ليس آخراً .. للي فاكر .. من 6 سنين تقريباً .. شرحت في 32 فيديو عملتهم لايف علي الفيسبوك كل ما أعلمه حينها عن الفريلانس و طرق الشغل أونلاين بإختصار قدر المستطاع .. .. بقالي فترة باجهز النسخة المُحدثة من المواضيع دي .. و حيكون علي هيئة سلسلة محاضرات إن شاء الله .. بكل ما جد في العوالم دي ( من خلال معلوماتي و إشتغلت بيه و فيه ) .. و حيضم الشرح كلام كتير كالمعتاد عن ال ( أفيلييت و الإيكوميرس و أدوات ال AI و كل الكلام الحلو ده ) .. و المحاضرات حتنزل تباعاً .. الأغلب منها علي تويتش بإذن الله . … … يا رب أفتكر 😅