عمرو سلامة صح ... و مش باهزر .. و مش

عمرو سلامة صح … و مش باهزر .. و مش باتريق .. مافيش مصري ( حتي الآن) حقق في مجاله أكثر مما حققه محمد صلاح في كرة القدم . … الصورة بتاعت البوست ده أنا مجمع فيها شوية حاجات .. معلش إستحملني شوية لو حتقرا .. البوست ده حيبقي طويل فحت غالباً .. … 1- Oden - أودين … من ( One piece ) . … ده صورة الباشمهندس اللي قالع كله ولامؤاخذة ولابس فوطة حمرا .. مكتوب عليها بالياباني ( أجنحة دجاج .. بيض .. و شوية مكونات تانية .. لأكلة مشهورة في اليابان .. ) إسمها ( أودين - Oden ) . .. أودين ده شخصية في مانجا (One piece ) .. قصته كالتالي ( بكل إختصار ) .. هو رئيس بلده .. عادل جداً .. قوي جداً جداً جداً .. إبن حلال جداً .. بيحب الكل و الكل بيحبه .. و بيحترم الكل .. و الكل بيحترمه .. و بعدين .. بيتم إحتلال بلده .. من قوة غاشمة .. ظالمة .. مافيش وسيلة إطلاقاً إنه يقاوم بالقوة .. حاول .. و ماقدرش .. و أحقر من في القوة الغاشمة دي مسكوا حكم البلد مكانه .. و ساوموه .. لو عايز يحمي أهل البلد من القتل و التدمير .. يهزأ نفسه .. يقلع بلبوص .. و يمشي في الشارع كل يوم يرقص .. رئيس البلد المحترم اللي كان الكل بيعمل له مليون حساب .. يمشي كل يوم فوسط أهل البلد بلبوص .. يرقص .. بس مايقولش لحد السبب .. و كل يوم يعمل ده .. القوة الغاشمة الحقيرة اللي إحتلت بلده .. حيعفي عن عدد من أهل البلد .. و مش حيقتلهم . … و كل يوم .. أودين بقي يقلع بلبوص و ينزل يرقص .. و نفذ وعده و نزل و رقص كل يوم لمدة طويلة جداً .. جداً .. لحد ما كل أهل البلد صدقوا إنه باعهم و خان .. لأنهم أثناء ما كانوا بيشوفوه بيرقص و يهزأ نفسه .. الإحتلال كان بيسرقهم عيني عينك .. و ينهبهم .. و لما كانوا بيستنجدوا ب( أودين ) إنه ينقذهم .. كان بيضحك و يقلع و يرقص قدامهم كلهم .. من جواه كان بيبكي بالدم .. و هما مش فاهمين .. لكنه كان بينقذ كل يوم منهم عشرات و عشرات .. … بعد ما نفذ أودين وعده .. و أنقذ كل أهل البلد .. القوة الغاشمة الحقيرة خانت وعدها .. و قررت إنها تعدمه .. بإنهم يسلقوه في ميدان عام في زيت مغلي ( زي ما أكلة الأودين اليابانية بتتعمل ) .. و مش بس لوحده … لا .. يسلقوا معاه كل أعوانه ال10 اللي فضلوا مدينين له بالولاء و ماسابوهوش .. و بالفعل تم .. أودين وقف في وسط الزيت المغلي .. و سأل القوة الغاشمة الحقيرة .. هل لازم إن الزيت يلمس أعوانه كمان ولا لا ؟! .. قالوا له إن طالما أعوانه جوة الإناء الضخم اللي مليان زيت .. خلاص كفاية .. أودين قال لهم ماشي .. و شال أعوانه بالكامل .. شال ال 10 فوق دماغه … لوحده .. و فضل واقف .. مدة الساعتين .. المدة اللي تم الإتفاق عليها .. فضل واقف لوحده في زيت مغلي لمدة ساعتين .. شايل أعوانه فوق دماغه من غير ما يلمسهم نقطة زيت واحدة … … أودين مات .. و ماحدش فهم أسطورته و عظمته غير بعد سنين طويلة أوي .. بعد ما القصة إتعلنت .. و علي مدار السنين الطويلة أوي دي … الكل كان مصدق إنه خان .. و إتجنن ..و رقص .. و مات مسلوق بالزيت من غير سبب . … … 2- ساكاتا جينتوكي … من ( Gintama ) . الصورة اللي فوق أودين .. اللي هو شخص لابس أبيض و بيضحك ضحكة مستفزة .. ده واحد من أشجع و أقوي 4 ساموراي في اليابان .. تم إحتلال اليابان بالكامل من جيش خارجي دمرها بالكامل .. كل الشعب الياباني إستسلم .. و حكومة الشعب الياباني إستسلمت و وافقت إنها ترضخ لحكم الإحتلال .. و تم أمر كل الساموراي اليابانيين المحاربين إنهم يكسروا سيوفهم .. و أصبح حمل أى سيف .. جريمة يُعاقب عليها القانون .. … ساكاتا جينتوكي .. كسر سيفه .. و لبس سيف خشب لعبة .. و قرر إنه يقضي حياته عواطلي بيشتغل أى شغلانة تكسب فلوس كل شوية و خلاص .. … ساكاتا جينتوكي شاف الشعب الياباني بيبيع قدام عينه .. بيتخلي .. بييأس .. بيستسلم .. و قرر إنه الموت و المقاومة بلا هدف مالهاش تأثير خلاص .. و إنه لحد ما ييجي يوم .. و يبقي في حد عنده إستعداد يموت جنبه .. مش يتفرج عليه و هو بيموت لوحده .. إنه حيفضل يعيش .. و مش بس كده .. لا .. ده حيعيش أوي .. يستمتع أوي .. .. و علي مدار القصة .. الصراع الأقوي في القصة .. بين الشخصيتين دول .. شخصية المحارب اللي جواه .. و شخصية الناقم علي الضعف و الخذلان … جينتاما بالمناسبة معناها ( الفضة ) .. معدن لو شفته .. تفكره حديد مصدي .. مالوش قيمة .. ماتعرفش قيمته فقط .. إلا لو حاولت تتفاعل معاه .. … … 3- صورة الإحصائيات .. دي صورة إحصائيات قناة اليوتيوب بتاعتي .. القناة اللي عملتها لأول مرة زمااااااااااان سنة 2015.. و كانت مجرد تجربة عبيطة نشرت عليها شوية الفيديوهات اللي شرحت فيهم يعني إيه ( كريبتو .. و بيتكوين ) .. و من ساعتها تقريباً ماعملتش بيها شيء . .. علي مدار سنين شغلي اللي فاتوا .. تواجدي الشخصي علي السوشيال ميديا إنحصر في الهري اللي باهريه هنا علي الفيسبوك .. .. بين الحين و الآخر .. تيجي في دماغي شوية أفكار .. باكتبهم بالحلمنتيشي الفصيح ( زي لغة البوست ده كده ) .. و شكراً .. .. و بين الحين و الآخر .. بوست منهم ينتشر فيروسياً بشكل نسبي .. و يجيلي شوية متابعين جداد .. و شكراً .. .. أغلب متابعيني علي الفيس هنا .. من مصر و الوطن العربي .. … … أنا بطبعي أقرب للإنطوائية و الخجل .. زيي زي أى حد عنده ADHD .. التواجد تحت الأضواء بأى شكل بيسبب ليا عدم إتزان نفسي نسبي .. لأني بافضل أركز و أتسائل علي كل حرف و كل كلمة قلتها و إتقالت ليا .. يعني … مش سهل إني أتجاهل تعليق أو كلام قرأته أو محادثة مع أى شخص .. عقلي ممكن يركز علي كلمة أو كلمتين .. و يقضي عدد من الساعات في دوائر مغلقة حواليها … … … و علي مدار سنين تواجدي علي السوشيال ميديا خصوصاً .. أو في الحياة العامة عموماً.. إتعلمت إزاي أتعامل مع الموضوع ده بأكثر من شكل و طريقة . … … … بعد اللي حصل لأهالينا شهر أكتوبر اللي فات .. بدأت أقرأ أكتر .. أقرا عن أشخاص معينين ماكنتش قرأت عنهم قبل كده .. أشخاص لو كتبت أساميهم هنا .. البوست ده غالباً مش حينتشر لأكتر من 10 أشخاص .. و بعدين الفيس حيدخله حظر .. قرأت عنهم .. و قرأت كتبهم .. .. و حسيت إني بعييييييييييييييييد أوي .. بعييييييييييييييييييد جداً .. ضعيييييييييييييييييف لأقصي درجة .. … مهما إتبرعت من فلوس .. حابقي باستعبط .. لأن اللعبة مش لعبة فلوس .. إطلاقاً .. مهما كتبت بالعربي .. حابقي باستعبط .. العرب أغلبهم عارف و فاهم .. .. مهما عملت ( زي ما كنت باعمل طول حياتي ) … اللهم إلا الدعاء و الإخلاص في العبادات .. حابقي بافضل أدور في نفس الدواير … و مستني .. مستني إن حد ييجي من برة ياخد ليا حقي . … … … الزمان اللي إحنا فيه ده مش أشد من الزمان اللي الحجاج هدم فيه الكعبة .. إنت متخيل ؟! .. إنت مفكر إن العملية دلوقتي صعبة .. لا .. في زمان عدي علي البشر .. كانت المعركة فيه بالسيوف .. مش بالدبابات ولا القنابل .. و مع ذلك الكعبة تم هدمها .. فاهم ؟ .. … يعني ماينفعش تيجي دلوقتي و تقول ( أقفل عليا بابي .. و أعبد ربي في الخفاء .. و شكراً ) .. لأن أكيد زمااااان .. أيام ما تم هدم الكعبة .. ده اللي تم عمله .. و الزمن ماكنش إنتهي أيامها .. … … … 4- قوة محمد صلاح مش الفلوس .. محمد صلاح الناس بتلومه لأنه مش بيستغل ( تأثيره ) .. تأثيره نتج من ( تواجده و تميزه في مجال معين .. المجال ده تافه ) .. أيوة .. كرة القدم في حد ذاتها كلعبة .. تافهة … جداً جداً .. و لكن .. إهتمام البشر بيها .. بيديها قيمة و قوة .. أقوي من مليارات الدولارات .. و مئات الأسلحة .. … … 5- أنا مش حالوم علي صلاح .. و لو كنت ألقيت عليه لوم قبل كده .. يبقي انا كنت غلط .. أنا حالوم علي نفسي إني ماسعيتش لقوة التأثير دي من زمااان .. .. و إني كنت ( باخجل .. باتكسف .. باتردد ) أتواجد و أسعي للقوة دي و أسعي لإمتلاكها .. … أنا مش حالوم علي صلاح .. أنا ححاول أعمل اللي عليا .. عشان أحصل علي قوة مشابهة في مجال أتفه .. و هو ( الفيديو جيمز ) .. … … أنا عدد الساعات اللي لعبتها ( فيديو جيمز ) في حياتي .. بكل تأكيد أكتر من عدد الساعات اللي لعبها صلاح في الملاعب .. .. و الفيديو جيمز حالياً لها جمهور أكبر بكتير من جمهور كرة القدم .. خصوصاً من الفئة العمرية اللي لسة فكرها بيتكون .. .. و الجمهور ده بيدور علي أى محتوي يتفرج عليه .. … … … الإحصائيات اللي في الصورة دي .. إحصائيات قناة اليوتيوب بتاعتي من يوم ما بدأت أنزل عليها فيديوهات جيمز .. .. و الجيوجرافيز اللي موجودة دي .. هي اللي أنا باستهدفها .. و مش حاعمل قناة بالعربي إطلاقاً إلا بعد حين إن شاء الله .. و حافضل أتكلم بالإنجليزي الحلمنتيشي بتاعي ده .. لحد ما أبقي باتكلم أحسن إن شاء الله .. .. و حاسعي .. حاسعي إني يكون عندي أى آداة للتأثير .. غير فلوسي اللي مهما زادت مش حتكون أكتر من التبرعات اللي الدول إتبرعت بيها .. و حاسعي إني أعمل أى شيء أكتر من دعائي و عباداتي … اللي أنا متأكد إن في ناس أفضل مني بمراحل دعوا الله و عبدوا الله أحسن مني .. .. و حاسعي إني أمتلك التأثير ده .. رغماً عن خجلي .. رغماً عن إنطوائيتي .. رغماً عن كسوفي .. .. رغماً عن ضعفي … و الله أعلم . … … … اللي في نص الصورة ده .. صورتي .. ب(Headband ) أكاتسوكي كونوها .. لو ماتعرفش يعني إيه أكاتسوكي كونوها .. و يعني إيه إيتاتشي … جرب تتفرج علي ناروتو 😅 .. … … و لينك القناة في الكومنت الأول ..