ألاقيش عندك ساعتين تنوير و إلهام ؟!

ألاقيش عندك ساعتين تنوير و إلهام ؟! … إتخيل سوق لل ( خبرات و التجارب = Experiences ) .. يعني تدخل تشتري خبرة و تجربة تسلق جبل إيفيرست مثلاً .. مش مجرد تتفرج علي المناظر أو VR .. لا .. تحس بالخبرة نفسها .. يعني تحس بكل ألم التجربة و معاناتها .. تحس بالسقعة .. بألم التنفس فإرتفاعات عالية جداً عن سطح البحر .. كل ما حس و شعر به اللي قام بالتجربة نفسها .. إنت كمان تحسه .. تختبره بالظبط زي ما هو إختبره .. … متخيل ؟! .. ولا دماغك راحت أوتوماتيك و بشكل مباشر و سريع لتخيل إنك بتشتري ( خبرة و تجربة ) شخص كان متجوز ملكة جمال مثلاً 🤣😅 .. ما علينا من ده .. لأنه كده كده حيحصل .. الإباحية للأسف هي أحد المحركات الأساسية جداً للتقدم التكنولوجي خلال القرنين اللي فاتوا أساساً .. و لكن دعنا نتخطي ده .. و نتخيل إن الموضوع ( شراء التجارب و الخبرات ) أصبح شيء واقعي و معتاد و طبيعي في عالمنا ده .. خصوصاً و إنه مش صعب تخيل ده .. لو تركنا العنان لخيالنا مع حاجة زي (نيورالينك = neuoralink ) بتاعت إيلون ماسك . … … المهم .. عايزك تتخيل بقي شكل السوق ده حيبقي عامل إزاي .. يعني .. بعد ما يبقي متاح لأي شخص إنه ( يبيع ) خبراته و تجاربه .. في حاجات بسبب كترتها حتبقي مالهاش أى قيمة إطلاقاً .. مثلاً .. زي ما دلوقتي ممكن جداً تلاقي كابل شاحن مرمي في الشارع .. و تكسل توطي تجيبه .. لأن حرفياً كل الأجهزة بلا إستثناء بقي فيها كابلات شواحن .. و أرخص شيء ممكن تشتريه من أى محل مثلاً .. بيكون كابل شاحن .. و غالباً بيديهولك هدية . .. نفس الشيء .. تخيل مدي الرخص المادي لتجارب زي :

• ركوب مواصلات من الموقف !! ..
• تمشية وسط البلد في القاهرة الساعة 2 الظهر فعز الحر و التراب !! .
• زنقة ليلة إمتحان ثانوي عام !! .. .. و تجارب تانية كتير جداً جداً .. بتشكل جزء كبير جداً من وعي الأغلبية حالياً .. و لكن ده هو اللي هما يمتلكوه .. صح ؟ .. .. بتقضي مثلاً 80% من وقتك جوة أوضتك بتسكرول عالسوشيال ميديا .. حتبيع إيه من التجربة دي ؟! .. و مين حيشتريها ؟! . و ليه ؟! .. … … و لكن .. إتخيل بقي لو ممكن تبيع التجربة أو الخبرة المعينة .. بس تشرح إزاي هي كانت مفيدة بالنسبة لك .. و إزاي اللي حيشتريها ممكن يستفيد منها هو كمان .. … يعني .. بالظبط زي تجار الخُردة .. أو الأدوات و العدد .. إنت ممكن تشوف قطعة معدن أو خشب .. و ماتفهمش قيمتها .. لكن لو حد شرح لك إنك ممكن تصلح بالقطعة دي جهاز أو آلة و ترجعها جديدة .. ساعتها حتجري تشتري القطعة اللي ماكنتش فاهم لها إستخدام من الأساس .. صح ؟ … … نفس الموضوع .. إتخيل لو حابيع لك ( تجربة / خبرة ) ركوب قطر الصحافة الساعة 6.10 الصبح من دمنهور لإسكندرية فعز التلج سنة 2006 .. أنا عندي من التجربة دي أكتر من 400 ذكري و قطعة حرفياً .. عدد المرات اللي خضت فيها التجربة دي خلال سنة إعدادي و أولي هندسة . .. بالنسبة ليا .. جزء كبير جداً من أفكاري و فلسفاتي في الحياة و عن البشر أعتقد إتعلمته خلال مشاهدتي للناس في الرحلة اللي مدتها ساعة و نص يومياً دي . … و ممكن أبيع لك ساعة و نص تجرب .. و تفهم منها اللي أنا فهمته منها .. … ساعتها .. حتشتري ؟! .. خصوصاً لو كنت من العدد القليل من البشر اللي متابعني من زمان مثلاً و معجب بطريقة تفكيري أو بعض مظاهر نجاحي في حياتي ؟! . … … … سبب تفكيري في كل الهري اللي هريته فوق ده .. هو بحث عقلي الدائم عن مقياس و معيار للقيمة .. .. جالي عدد من الأسئلة عن ( ليه بدأت تنزيل فيديوهات كتير عن الجيمينج ) مؤخراً .. و إني باطلع بث مباشر يومياً علي (twitch) و حتلاقي لينك قناتي فأول كومنت .. و كل الكلام ده .. .. أنا شرحت ده كذا مرة فأماكن متفرقة .. و أعتقد إني حافضل أشرحه كتير لحد ما تكتمل الصورة عندي و عند اللي بيسأل الأسئلة دي . … إيه الفرق بين بيع المنتجات الإستهلاكية المادية ؟ .. و بين بيع المنتجات الإستهلاكية المعنوية ؟! .. خصوصاً في عالمنا الحالي ده . .. يعني .. من خلال شركتي بفضل الله علي مدار ال4 سنين اللي فاتوا .. أقدر أقول إن عملنا أكتر من 3 مليون مبيعة تقريباً .. في عدد مختلف من الدول . .. سؤالي هو : إيه الفرق بين اللي إشتري ماكينة قهوة إسبريسو من أحد متاجري .. و بين إنه يتفرج علي أحد فيديوهاتي أثناء ما بأعاني مع لعبة زي (death stranding ) ؟! . … أو إنه يشتري لمبة بتعمل أشكال نجوم علي السقف ؟! .. أو إنه يتفرج علي فيديو ليا بأعاني مع حمقي في فريقي في League of Legends . … … و الأكثر .. إيه الفرق بين إني أكسب من بيع ( ماكينة قهوة أو لمبة بتعمل نجوم ) .. و بين إني أكسب من بيع وقتي أثناء ما بالعب ؟! . … … الأسئلة دي كلها مش نهاية التسلسل الفكري للموضوع ده .. إطلااااااااااقاً .. بل هي البداية .. و خصووووووصاً في وقتنا الحالي و الأحداث اللي بتحصل دي كلها .. و إزاي إنها بتوضح لك كويس جداً جداً جداً .. إن تأثيرك حرفياً يكاد يكون لا يُذكر .. مهما كانت ثروتك .. و مهما كانت قوتك .. مقارنة بكتير أشجع قرروا يدفعوا تمن إنت ماتقدرش تدفعه . … … … الكام جملة الأُخاري دول مش دعوة لليأس … إطلاااااااااااقاً .. و لكن دعوة لإعادة التفكير و التقييم .. و حساب مقاييس و معايير القيمة بشكل مختلف .. .. لأن ( و علي حسبتي ) مهما كنت حاولت أحل المسائل المهمة في حياتي بناءاً علي عقيدتي من خلال تجارة الماديات .. ماكنش حيؤدي لأى شيء أكثر من مجرد زيادة بسيطة جداً علي قدرتي الحالية . … … و عالمنا الرأسمالي الحالي .. عبارة عن موجة ضخمة جداً جداً جداً جداً جداً .. الطريقة الوحيدة إنك تسبح ضدها .. هو إنك تطلع من المية من الأساس .. … … … و الله أعلم .