إمبارح و أنا باتمشّي في معرض الكتاب

إمبارح و أنا باتمشّي في معرض الكتاب .. و بالأخص عند جناح نهضة مصر .. و روايات مصرية للجيب .. رجل في نهايات ثلاثينياته و بدايات أربعينياته .. الشيب بيتسلل ب حذر بين سواد شعره .. معدّي من جنبي وسط الزحام مع أطفاله .. و بعدين شاور علي كل محتوي ( روايات مصرية للجيب ) و قال لهم : أنا إتربّيت علي القصص دي . . إلتفت فجأة .. و نظرت له .. أخد باله .. عمري ما شفته قبل كده … عمره ما شافني قبل كده .. . و لكن فجأة .. و فنفس اللحظة .. إكتشفنا إننا أصدقاء .. بتربطنا لغة مشتركة .. بتنتهي الجمل المشوقة فيها ب ثلاث نجوم ( *** ) 😅 . بتربطنا ذكريات خاصة جداً … بين الثقوب السوداء , و بجانب س 18 , و صوت أكرم و هو بيقول ( اللعنة ) و هو بيسدد مسدسه المٌعتاد و ليس الليزري .. في حين إن نشوي و سلوي تتقافز أصابعهم علي لوحة المفاتيح في محاولة لإيجاد محمود . و فجأة .. و كأن الغرفة أضاءت ب مصابيح قوية .. إلا إنها كانت فقط أعين نور إتسعت بتلك النظرة المعهودة .. مما يعني أنه إكتشف الحل 🤣. … في كل مرة علي مدار حياتي في المواصلات العامة .. عينيا كانت دايماً بتبحث عن أى بنت أو أنثي أو رجل عجوز عشان أترك له الكرسي اللي حصلت عليه بالعافية .. مهما شرحت إن جزء أساسي من السبب في ده .. هو ذكريات أدهم صبري جوة عقلي .. ماعتقدش حد حيفهم غير اللي تشرّب الذكريات دي هو كمان . . ذكريات إتحفرت في عقلي إن : الألم الجسدي أسهل و أهون ملايين المرّات .. عن ألم الجبن أو الخوف أو عدم التصرّف ب شهامة أو فروسية . . إن : مافيش تردد و لو للحظة .. و إن الصح .. هو إنك تختار الإختيار الصعب .. إختيار الرجل .. رجل المستحيل . … مهما شرحت سبب شبح الإبتسامة اللي بيرتسم علي فمّي في كل مرة كنت بامشي في الصحرا لوحدي بالليل أثناء الخدمة في الجيش .. و أنا باتخيّل كل ما يمكن تخيله من ( أشباح و رعب و مخلوقات تعوي في الأودية المقفرة ليلاً بإسم ليلي الدلجموني 🤣🤣🤣 ) .. ماعتقدش حد حيفهم ده غير اللي عاش ليالي سااكنة طوييييييييلة .. بين صفحات رفعت إسماعيل .. … ريحة كٌتيبات فلاش اللي كانت بتحسسني بالأمان في طفولتي .. مشاعري تجاه إسم ( مٌني ) بسبب ( مٌني توفيق ) .. مجال دراستي و تخصصي ( هندسة الإلكترونيات و الإتصالات ) بسبب سلوي و ملف المستقبل . كل خطوة جريتها زيادة , كل عدّة شيل حديد زيادة , كل ضربة ضربتها في ساندباج في حياتي .. بسبب ذكريات رجل المستحيل في عقلي .. .. سأظل مٌحتفظ ب مشاعري دي .. إلي أن تحترق النجوم .. و إلي … 🤣🤣