عن الفلوس بالحلمنتيشي ( الجزء الأول ) .. 500$ مقابل

1- إني أجيب قلم رصاص ب 3 جنيه .. و أرسم فراشة علي ورقة بيضاء A4 ب 2 جنيه .. و أعرضها عندي للبيع بمقابل ( 500 دولار ) و أشرح إن تكلفتها وقفت عليا ب 5 جنيه مصري .. و رسمتها في 30 ثانية بالعدد .. و لكني مسعرّها ب 500 دولار .. و حد يشتريها ..

AR 5 د

عن الفلوس بالحلمنتيشي ( الجزء الأول ) .. 500$ مقابل الرسمة دي . … 1- إني أجيب قلم رصاص ب 3 جنيه .. و أرسم فراشة علي ورقة بيضاء A4 ب 2 جنيه .. و أعرضها عندي للبيع بمقابل ( 500 دولار ) و أشرح إن تكلفتها وقفت عليا ب 5 جنيه مصري .. و رسمتها في 30 ثانية بالعدد .. و لكني مسعرّها ب 500 دولار .. و حد يشتريها .. إذن : أنا صح و ماعملتش حاجة غلط ولا حرام .. و اللي إشتراها و إرتضي السعر و دفعه .. صح و ماعملش حاجة غلط ولا حرام . … 2- إني تاني يوم .. أجيب ورقة بيضاء A4 تانية ب2 جنيه برضو .. و أرسم عليها فراشة تانية ( زي بتاعت إمبارح بالظبط ) .. بإستخدام نفس القلم الرصاص اللي إشتريته إمبارح .. و أوديها لسمسار … ياخدها هو .. و يعرضها للبيع مقابل 700 دولار .. و يشرح إن تكلفتها وقفت عليا ب 2 جنيه بس النهاردة .. و ياخد عمولته 200 دولار .. و يديني أنا ال 500 دولار .. إذن : أنا صح و ماعملتش حاجة غلط ولا حرام .. و اللي إشتراها و إرتضي السعر و دفعه .. صح و ماعملش حاجة غلط ولا حرام . و السمسار اللي خد عمولته في النص مقابل مجهوده .. صح .. و ماعملش حاجة غلط ولا حرام . … 3- إني تالت يوم .. أجيب ورقة بيضاء A4 جديدة ب 2 جنيه برضو 🤣 .. و أرسم فراشة تالتة .. بس المرة دي أصورها بموبايلي اللي الكاميرا بتاعته وحشة .. في إضاءة وحشة .. و تطلع صورة وحشة .. و أعرض الصورة دي علي النت ب 100 دولار .. و أشرح تكلفتها عليا .. و كل تفاصيلها .. و 50 واحد يشتروا الصورة .. إذن : أنا صح و ماعملتش حاجة غلط ولا حرام .. و اللي إشتروها و إرتضوا السعر و دفعوه .. صح و ماعملوش حاجة غلط ولا حرام . … 4- إني رابع يوم 🤣 .. أعلن عن كورس .. مدته 3 دقايق .. باشرح في أول دقيقة يشتروا القلم الرصاص منين .. باشرح في تاني دقيقة يشتروا الورقة البيضاء ال A4 منين .. باشرح في 30 ثانية يرسموا الفراشة إزاي .. و ال30 ثانية الأخيرة باغني فيهم نشيد ذهب الليل و طلع الفجر 🤣 . و أبيع الكورس ده ب 200 دولار للفرد .. و 1000 واحد يشتروه .. إذن : أنا صح و ماعملتش حاجة غلط ولا حرام . و اللي إشتروا الكورس و إرتضوا السعر و دفعوه .. صح و ماعملوش حاجة غلط ولا حرام . … 5- إني خامس يوم 🤣🤣🤣 .. أطلع أعلن عن كورس جديد .. مدته 50 ساعة .. باوعد فيه إني حاعلمك تعمل 500 جنيه بسهولة عن طريق العمل أونلاين في بيع رسومات الفراشات .. و أبيع الكورس ده ب 3 جنيه مصري .. و إتنين بس يشتروه مثلاً .. إذن : أنا غلط .. و عملت حاجة غلط و حرام . و اللي إشتروا الكورس ده .. و إرتضوا السعر ده .. مغفلين .. و عملوا حاجة غلط . … ليه ؟!! ليه بقي في آخر نقطة الدنيا إختلفت ؟! .. .. لأن : إدعائي و وعدي لك بإني حاخليك تعمل 500 جنيه .. إدعاء فارغ .. و مبني علي مُغالطة منطقية واضحة جداً .. و هي : إن طالما العملية مشت و إشتغلت معايا .. يبقي أكيد حتمشي و حتشتغل معاك .. و ده مش حقيقي إطلاقاً .. حتي لو عملت كل اللي أنا عملته بالمللي .. لأن ( و بعد 16 سنة من الشغل علي الإنترنت في أغلب المجالات المعروفة تقريباً ) آمنت بالله إن : الرزق بيد الله وحده .. … طيب .. أصلح النقطة الأخيرة دي إزاي ؟! .. الإجابة ببساطة : إني أغير عنوان و وصف الكورس ل : ( أنا عملت المبلغ ده .. بإستخدام شوية الطرق دي .. و في الكورس حاعلمك الطرق .. لكن ماضمنش لك أى نتيجة إطلاااااااااااااااااقاً ) . .. و أتأكد إن كل إنسان دفع مقابل الكورس ده .. إنه فاهم إن النتيجة قد تختلف 180 درجة عن نتيجتي أنا .. و إن ماحدش بيشتري ( الوهم ) مني . … يعني .. المبدأ الأساسي و الوحيد و الأزلي و الأبدي في أى شيء له علاقة بالفلوس هو : الشفافية الكاملة في المعلومات .. و إرتضاء البيعة لدي الطرفين .. أنا أوصف لك بكل أمانة .. و إنت يا ترضي .. أو ماترضاش .. و شكراً . … البوستات القادمة تحت نفس العنوان ( عن الفلوس بالحلمنتيشي ) .. حاشرح فيها تفصيلياً إن شاء الله عن :

** الرسمة حقيقية بالمناسبة و لسة راسمها حالاً و لو حد حابب يشتريها ب500 دولار .. أنا جاهز 🤣🤣🤣