حاجات سريعة عشوائية مالهاش علاقة ببعضها

حاجات سريعة عشوائية مالهاش علاقة ببعضها : .

• ال ( deepseek) هنج و تعب مني , و بدأ يعتذر كتير 😅 , و هو اللي بدأ يفقد ذاكرته بعد تعامله معايا كام يوم 🤣🤣 .. و ده بعد ما (chatgpt ) بنسخه المدفوعة و المجانية كان فقد الأمل و دخل في ( loops ) مش عارف يطلع منها بقاله أسبوعين . .
• في فيديو ظريف كنت باتفرج عليه دلوقتي أثناء ما باعاني عشان أطلع لرانك ( grandmaster ) في (teamfight tactics ) .. الفيديو عن النصاب المحترف العجوز المشهور أوي أوي فحت جداً : روبرت كيوساكي = Robert Kiyosaki اللي هو كتابه ( الأب الغني , الأب الفقير = Rich dad poor dad ).

من زماااااااااان .. و من أول مرة قريت الكتاب ده أيام الكلية .. و أنا شميت خلطة روايح عفنة فيه لا حصر لها .. الراجل الصراحة ماسابش .. هو عمل كوكتيل ( إخيي ) محترم .. و لكن أيامها كانت معلوماتي مش كفاية إطلاقاً إني أفهم ما يكفي من عناصر الكوكتيل ده .. ولا أتكلم عنه .. و نسيت الموضوع الصراحة ..

و كل ما كنت أسمع أو أشوف حد ( من رواد الظرب التنموي البيزنسي البشري ) علي السوشيال ميديا بيذكر الكتاب ده ك مرجع لأى حاجة مفيدة في البلح أو البتنجان .. كنت بافهم بشكل مباشر إن رائد ال( ظرب ) التنموبيزنسبشري ده .. إما مش فاهم و بيظرب بدون فهم عشان يلم شوية فولورز و فلوس .. أو فاهم .. و برضو بيظرب بنصب عشان يلم شوية فولورز و فلوس .

المهم .. أنا مش حاترجم الفيديو أو أعيد كتابته هنا في البوست .. و إلا البوست حيطول مني كالمعتاد و الناس حتدخل تشتم 😅 فعشان أوفر المجهود بتاع الناس اللي بتشتم دي .. لينك الفيديو في الكومنت الأولاني .. حقاً أنصح بالفرجة عليه … .

• زمااااااااااااااان .. كان وزير الدعاية و الإعلام بتاع ألمانيا أيام ( أبو شنب ) .. كان إسمه ( جوبلز ) .. كان له جملة مشهورة هي : كلما سمعت كلمة مثقف .. تحسست مسدسي . . أنا أقتبس هيكل الجملة دي و أعيدها بالشكل التالي فعلاً : كلما سمعت أحداً يتحدث عن تعليم البورصة و الأموال و البيزنس للمبتدئين بمقابل مادي … تحسست سيفي الخشب 🤣 . . و الله أعلم .