( الشرع بيقول إن الراجل من حقّه يتجوّز تاني و

( الشرع بيقول إن الراجل من حقّه يتجوّز تاني و تالت و رابع من غير ما يقول ل حد ولا يبلّغ ولا يستأذن ) .. بس : ( فإن خفتم ألّا تعدلوا فواحدة ) .. و بعدين : ( هي الستّات كمان مش لها حقوق و مش مُلزمة تطبخ و تكنس و تغسل ؟! ) .. بس : ( مشكلة الكلاب الضالة في الشارع لازم يتم التعامل معاها بكل حزم و حسم ) . لكن : ( دول أمم أمثالكم .. و فين الرحمة ؟! .. و راجل دخل الجنة في كلب ) . بس : ( في أطفال و رجّالة بتتعض كل يوم بسبب الكلاب دول ) . أيوة لكن : ( التحرّش أحد أكبر أسبابه هو إن الجواز صعب و في كبت جنسي ضخم في المجتمع ) . إنت مجنون ؟! .. ( يعني الحيوانات المٌتحرشين و المٌغتصبين دول ضحايا ؟! ) يعني : ( هي الست ينفع تمشي في الشارع لابسة بشكل مستفز و مثير لكل الغرائز .. و تطلب إن ماحدش يعاكسها ؟! ) . أصلك : ( جاهل و مٌتخلف و رجعي .. ما الستّات بيمشوا بالمنظر ده في دول أوروبا كلها و عادي خالص ) . ثانية واحدة : ( إحنا بنتكلم علي نفس دول أوروبا اللي نسب الإعتداءات الجنسية و التحرشات و الشذوذ فيها .. أضعاف أضعاف النسب دي في المجتمعات الشرقية ؟! ) .. ولّا إحنا بنتكلم علي شوية مشاهد أفلام عن نوادي ليلية .. و بيتم التركيز عليها كإن هي دي المجتمعات كلها ؟! . … معلش .. أنا آسف والله لو الكلام اللي فات ده ضايقك .. دايماً في الحوارات اللي زي دي بافتكر النكتة الشهيرة جداً بتاعت اللي إتمسك في طريق و طلع عليه مُلثمين سألوه : إنت معانا ولا مع الناس التانيين … قال لهم بكل سرعة : معاكم أكيد . راحوا قايلين له : إحنا بقي الناس التانيين .. و قتلوه 🙂 . لأن الكلام اللي فات ده كله .. يخلي أى حد يتهمني إني : ( علماني رجعي متشدد ليبرالي يساري يميني مٌتطرف مٌناصر لحقوق القطط و الكلاب و باناشد بتسميمهم ) 🤣🤣🤣 … و لكن .. البوست ده مش عن النكتة .. و لكن فزّورة 🤣 .. آه والله العظيم .. فزّورة من أشهر الفوازير في العالم علي مدار ال 100 سنة اللي فاتوا . … الفزّورة ( زي ما قالها ليا أحد أعز أصدقائي في الحياة أيام ثانوي … يعني من أكتر من 20 سنة ) : معاك 12 كورة .. كلهم متشابهين في كل حاجة .. إلا كورة واحدة بس .. مٌختلفة في الوزن .. و مانعرفش الكورة دي أتقل ولّا أخف . و معاك ميزان بكفتين . و لك إنك تستخدم الميزان ده 3 مرّات بس .. و بعد التلات مرّات دول .. تبقي عرفت الكورة المٌختلفة هي أنهي واحدة . … ماتقلقش .. أنا مش حاقول الحل في البوست هنا .. مافيش حرق يعني 😅 … علي مدار ال 21 سنة اللي فاتوا ( من 2004 ) .. ماعرفتش حد حل الفزورة دي فعلاً .. غير 3 ( بما فيهم العبد لله 🤣 ) .. أول حد .. هو صديقي العبقري ( و اللي حامنشنه في التعليقات لو هو أعلن عن نفسه 🤣 ) اللي قالها ليا .. و اللي أبوه ( شافاه الله و عافاه ) هو اللي قالها له . . تاني واحد .. صديق عبقري آخر عرفته في الكلية .. و آخر معلوماتي عنه إنه مٌبرمج في كندا حالياً ( و برضو حمنشنه لو حب يعلن عن نفسه 🤣 ) . . و عشان يكون واضح معني الكلام ده .. خليني أوضح: إني علي مدار ال ( 21 ) سنة اللي فاتوا .. ربنا رزقني إني أقابل عدد ضخم جداً من الناس ال (Over achievers ) في مجالات هندسية و علمية و عملية متقدمة جداً .. جداً .. جداً … و كنت تقريباً مٌحاط بالنوعية دي من البشر طول الوقت . . و قابلت عدد كبير جداً منهم ( أساتذة دكاترة ) في مجالاتهم .. حتي بعد ما شرحت لهم الحل .. لم يفهموه 🙂 … بالصٌدفة إمبارح .. و لأول مرة من سنوات .. إفتكرت الفزّورة دي .. ( أثناء ما كنت بارتّب إني أبدأ أتفرج علي مسلسل ميد تيرم ال ” تريند ” حالياً ) . . فقررت أعمل عنها سيرش سريع مع شات جي بي تي .. و من المعلومات اللي عرفتها إن : 1- الفزورة قديمة جداً .. لدرجة إن في الأربيعينيات .. كان بيتم مناقشتها ك أحد الفوازير القديمة المشهورة 🤣 . 2- الفزورة فعلاً صعبة و مٌعقدة .. لدرجة إن في إشاعة ” أو حقيقة ” .. إن كان حيتم نشر الفزورة دي بالطائرات فوق ألمانيا في الحرب العالمية التانية .. عشان يشغلوا بيها القادة الألمان و الإستراتيجيين هناك 🤣🤣🤣 . … و بعدين بدأت أتسائل .. ليه بالرغم من العدد الضخم جداً من الناس اللي ( بيتقال عليهم أذكياء ) .. إلا إن اللي حلّوها فعلاً قٌدّامي .. هما إتنين بس . . و إتضّح إن النسبة دي .. منطقية تماماً .. أو زي ما شات جي بي تي حسبها : إن النسبة المنطقية إنك تلاقي واحد من كل عشرين ألف تقريباً .. هو بس اللي يقدر يحلها . يعني في 20 سنة تقريباً .. وجود 3 أشخاص بس في نفس المحيط تقريباً يحلوها .. ده منطقي للغاية .. … طيب ليه ؟! إيه المٌختلف ؟! … عشان تحل الفزورة دي .. إنت محتاج تحط في حٌسبانك و إعتبارك علي الأقل خااااااااااااااااالص ( 24 ) فرضية في نفس الوقت .. .. يعني إيه ؟! يعني .. في ناس كتير بتبدأ تحل الفزورة بالغشومية المٌعتادة ( بعد ما يقولوا : سهلة 🤣 ) .. و يقولوا : حنحط 6 كور قٌدّام 6 كور .. . و بعدين أرد عليهم إن : أيون .. و بعدين ؟! .. إنت ماتعرفش الكورة أتقل ولّا أخف .. يعني .. بعد ما تحط 6 قُدّام 6 .. إنت ماتعلمتش أى شيء جديد .. هي إما فوق و خفيفة .. أو تحت و تقيلة . .. و عند النقطة دي .. بيبدأ الشخص يدخل في كم ضخم من الحسابات و الإحتمالات .. و عدد ضخم من اللي بيحاولوا يحلوها .. بييأسوا عند النقطة دي . … و لكن .. في ناس بتكمّل .. و توصل لتسلسل من الخطوات ( علي الميزان اللي ب كفتين ) .. يؤدي فعلاً إن بعد 3 وزنات .. يكتشفوا الكورة المختلفة .. . و لكن .. التسلسل ده بيكون تسلسل ( مٌحدد ) .. مبني علي فرضية واحدة ضمن كل الفرضيات المٌحتملة . . و بمجرد ما تراجع حلّه .. و تسأله : طيب ماذا لو كان العكس مثلاً .. . تلاقيه إما بيدافع عن حلّه بكل ضراوة و يقول : لااااااااااا .. ما هو أصل .. لكن .. و بعدين .. بس .. . أو تلاقيه بيتراجع في يأس .. و يستسلم . . أو تلاقيه بيتراجع في تواضع .. و يحاول تاني .. و تالت .. و عاشر .. . لحد ما يوصل للحل الجامع .. الحل اللي بيتوافق و يتقبل و يتحمل كل الفرضيات .. . الحل المٌعقد .. الطويل .. و لكنه .. الوحيد . … العالم مليان بحلول كتيييييييييييييييييييييييييييييييييييير أوي .. كلها صح ( في ظروف و إفتراضات محدودة جداً ) … و لكن .. كلها غلط .. علي النطاق العام للبشرية . … حل رقم 1 مثلاً : الست تلبس اللي هي عايزاه فأى وقت و أى مكان .. و الراجل اللي يتحرش بيها هو اللي ينضرب بالنار وقتي في مكانه. . ده حل بيفترض قدرة المجتمع علي تنفيذ عقاب رادع بكفاءة كاملة .. ده حل بيفترض قدرة المجتمع علي إيجاد إشباع جنسي لأفراده بشكل طبيعي .. ده حل بيفترض إلتزام نساءه و رجاله ب معايير وهمية للغاية و متغيرة دائماً عن ( إيه المقبول و إيه اللي مش مقبول ) . … حل رقم 2 مثلاً : الكلاب و القطط اللي في الشوارع نأكلهم و نشربهم و نحمّيهم و نعتني بيهم .. و ممنوع المساس بيهم إطلاقاً . . ده حل بيفترض وجود موارد فائضة عن حاجة البشر في المجتمع .. ( مش فائضة عن رفاهياتهم .. .لا … عن حاجتهم ) .. اللي هو في ناس أساساً مش لاقية بقايا الأكل عشان تاكله .. ف إنت بتطلب إنهم يوفروا أكل للحيوانات .. . في قاعدة بشرية أساسية أحب أذكرها هنا .. و هي : لا تٌبني الأخلاق إلا علي دين أو إكتفاء . . يعني : الشخص اللي مش مكتفي ( جسدياً , عاطفياً , نفسياً , … ) ماتتوقعش منه أى أخلاق إطلاقاً .. إلا لو كان عنده دين . . لكن كفّيه .. و خٌد منه أخلاق عادي .. حتي لو كان ماعندوش دين . … و حلول تانية كتيييييييييييير بقي .. كلها بينطبق عليها نفس الوصف .. إنها ( غير كاملة ) .. و أى حل غير كامل .. ف هو مش حل … و لكن هروب . هروب من محاولة الحل الكامل .. … الحل الكامل بالمناسبة .. ماينفعش يبقي كامل .. إلا لو إتطبّق بالكامل .. . يعني .. في الفزورة دي .. ماينفعش تبدأ أول وزنة و تاني وزنة ( ضمن الحل الكامل ) .. و بعدين في الوزنة التالتة .. تاخد شورط كاط 🤣 .. لا .. .. و برضو .. في الحياة .. ماينفعش تنادي مثلاً بأهمية تقبّل المجتمع للتعدد .. و المجتمع أساساً مش عارف يلبّي إحتياجات أفراده الأساسية فأى مجال ( جسدي , عقلي , نفسي , … ) .. . يعني : إزاي حتطلب إن المرأة ماتحسش بالألم النفسي نتيجة تعدد زوجها .. لو هي أساساً مافيش أى وسيلة تانية لطمئنتها نفسياً في المجتمع اللطيف اللي إحنا فيه ده ؟! . فاهم ؟! يعني زواج المرأة بالنسبة للمرأة في 99.9999999% من المجتمع حالياً .. مش زواج فقط إطلاقاً .. و لكنه وسيلة لإشباع أدوار كتيييييييييييييييييييير جداً .. أكثر من مجرد دور الزوج في مجتمع عادي و طبيعي .. . و كل ما تم بناءه في الوعي الجمعي و العقل الإجتماعي علي مدار ال100 سنة اللي فاتوا من ( مسلسلات و أفلام و قصص ) .. كلها ضد فكرة التعدد أساساً . … فبالتالي .. قبل ما تقول نطبّق الجزء ده من الحل الكامل .. لازم تشوف هو مٌتطلبات تطبيقه أولاً .. تمت ولا لا .. … و لو لسة مش واخد بالك إيه هو اللي أقصده بالحل الكامل ؟! .. إقرا البوست من الأول تاني .. من أول كلمة 😅 . … و الله أعلم .