بتفتح الفيديو بتاع ( المٌحاضرة , المادة , الكورس ,

بتفتح الفيديو بتاع ( المٌحاضرة , المادة , الكورس , الحاجة اللي محتاج تدرسها و تذاكرها ) .. و تقعد تتفرّج عليه لمدة ساعة .. ساعتين .. و تقفله .. و شكراً .. تحاول تفتكر إنت كنت بتتفرّج علي إيه .. تلاقي نفسك فاكر إنك فاكر .. لكن لمّا تحاول تعرف إنت فاكر إيه فعلاً .. تلاقي نفسك كإنّك بتحاول تمسك شوية من بخار الميّه اللي طايرين في الحمّام بعد ما خدت دٌش سخن 😅 .. إنت شايف البٌخار قٌدّام عينيك .. بيلعب و يتحرّك بوضوح تحت اللمبة أهه .. لكن تيجي تمسكه ؟!!! تلاقي نفسك مش ماسك حاجة .. … تطلع من الحمّام … أقصد من الكورس أو المحاضرة 🤣.. الناس تسألك .. ذاكرت ؟! تقول لهم : آه . فهمت ؟! تقول لهم : آه . لكن تروح في ( الإمتحان , الإنترفيو , لحظة التنفيذ الحقيقية , .. ) .. تلاقي نفسك مش فاكر أى حاجة إطلللللاقاً .. و تقول : آآآآآآآآآآآآآآآآآآآآآه 😅 … عشان تفهم سبب المٌعاناة الدائمة المٌستمرة طول عٌمرك دي بقي .. ممكن تتفحت و تدرس سنين ( neuroscience, psychology, neurodivergence , … ) و شوية حاجات تانية كتير .. أو ممكن تجرّب تقرأ الشوية اللي جايين .. و ده برضو من مٌنطلق المبدأ الخالد ” ضربوا الأعور علي عينه 🤣 ” .. … بالتلخيص الحلمنتيشي المٌخل جداً جداً جداً : . عقلك .. في الحقيقة .. مش عقل واحد .. و لكن إتنين .. عقل واعي . عقل غير واعي . . العقل الواعي : ده بيتعامل بشكل مٌباشر مع ( الذاكرة قصيرة المدي - Working memory ) .. اللي هي فيها : ( أولويات الشغل و الدراسة و الحياة عموماً , التفكير الإستثماري , الوقت , التاريخ , … ) . يعني .. ( محتاج تشتري قهوة عشان خٌلصت , و محتاج تبعت إيميل شغل مهم , محتاج تحجز تذكرة طيارة من أبو حٌمّص ل كفر الدوار , محتاج تفتكر ميعاد حجز طيارة أبو حٌمص ل كفر الدوار , … ) كل ده .. هو شغل الذاكرة قصيرة المدي .. و عقلك الواعي . … عقل غير واعي : ده بيتعامل بشكل مباشر مع ( الذاكرة طويلة المدي - Long term memory) .. اللي هي فيها : ( ذكريات الطفولة و المراهقة و الشباب و الأحلام و الطموحات المٌستقبلية , و الآمال المٌستحيلة زي إنك تطير زي سوبر مان .. أو الأكثر فانتازيا زي إن الزمالك يغلب الأهلي مثلاً .. , فيها مشاعرك و أحاسيسك و مخاوفك و آلامك و معاناتك و كل كوكتيل التروما المشكّل اللي مضروب فخلّاط أعماقك … ) كل ده .. هو شغل الذاكرة طويلة المدي .. و عقلك الغير واعي . … الإنسان ال ( Neurotypical ) يعني اللي ماعندوش ( ADHD ) .. عقله الواعي : شغّال طول ما هو صاحي تقريباً .. و لكن بكفاءة و سرعة عادية .. يعني زي عربية ماشية جوا وسط البلد مثلاً .. دايماً دايرة .. بتنزل بسرعتها لحد 5 مثلاً .. لكن آخرها توصل ل 50 بالكتير أوي .. … و عقله الغير واعي : شغّال طول ما هو صاحي برضو .. لكن في الخلفية .. صوته واطي أوي .. مش ماسك دركسيون العربية .. قاعد عالكنبة اللي ورا و بيدندن بصوت واطي مع نفسه كدا .. . لكن أثناء النوم .. بيطلع قٌدّام .. و يسوق هو .. و يسيب العقل الواعي يريّح عالكنبة ورا 😅 .. عشان تعبان طول اليوم من السواقة .. … الإنسان ال ( ADHD ) بقي .. مٌختلف .. عقله الواعي : أغلب الوقت .. نايم عالكنبة اللي ورا .. و بيشخّر 🤣 .. و عقله الغير واعي .. هو اللي سايق العربية .. مٌتحكم .. مٌتنكر في هيئة العقل الواعي .. و لابس نضّارة شمس .. و فأى كمين بيطلّع رٌخص العقل الواعي يوريها للظابط .. و ماشي عاااااادي بيتمشّي كده في الحياة .. قاعد طوووووول الوقت سرحان في الذكريات و اللي كان و اللي ممكن يكون و الفانتازيا و الأحلام و ال ( day dreaming ) . . لحد ما أحياناً .. فجأة و بدون مٌقدمات .. و بدون أسباب معروفة أو مفهومة .. العقل الواعي بيصحي من النوم .. و يشوف حاجة مٌعينة ماشية عجبته و شدّت إنتباهه جداً .. و بيمسك دركسيون العربية .. و يفتح عالرابع .. و يسوق علي 200 .. فوق الإرصفة و بين الناس اللي قاعدين عالقهاوي و يتنطط عالحيطان كمان .. .. و أثناء النوم .. عشان عقلك الواعي أساساً طول اليوم كان نايم !! … بتلاقيه مفنجل و مفتّح و مش عارف يتخمد .. و عقلك الغير واعي أساساً مش بينام أبداً .. ربنا خلقه صاحي طول الوقت .. ف تلاقي نفسك أثناء ما كل الناس نيام حواليك .. إنت جوا دماغك في حفلة سمر بين عقلك الواعي و عقلك الغير واعي و قاعدين يدردشوا 🤣 . … العقل الواعي : مسئول عن كل ما هو ( تنفيذي ) في الحياة . العقل الغير واعي : مسئول عن كل ما هو ( إبداعي ) في الحياة . .. و الفرق ده .. هو الفرق الوحيييييييييد اللي تقدر تستخدمه ك ظابط في كمين .. عشان تقفش تنكّر العقل الغير واعي و هو سايق العربية .. 🤣 .. يعني إيه ؟! .. الأنشطة التنفيذية .. من تعريفها .. لازم و لابد يكون طالع منها ( output - إنتاج ) ما .. بدون ما يكون في شيء تم إنتاجه .. إفهم إن أياً كان اللي إتحرق فيه بنزين .. كان نشاط إبداعي .. حتي لو كان مٌتنكر علي هيئة نشاط تنفيذي . … يعني .. أثناء ما إنت بتذاكر أو بتتفرج علي كورس أو محاضرة .. لو إنت ( adhd ) .. حتلاقي نفسك صاحي فعلاً .. فاكر إنك مركّز فعلاً .. فاهم المعلومات اللي بتتقال جداً .. لكن في الحقيقة اللي بيكون شغال هو عقلك الغير واعي .. يعني … قاعد بتسمع معلومات .. و تربطّها في ذاكرتك طويلة المدي بعلاقات طويلة جداً .. معقدة جداً .. و حاسس إنك فرحان و مستمتع .. .. لكن .. ذاكرتك قصيرة المدي .. فاضية .. و عقلك الواعي .. كان نايم و مش شغّال .. الكهربا ( حرفياً ) مش واصلة له .. لما بيتعمل (brain scans و EEG ) للناس ال ( ADHD ) .. بيكون أجزاء معينة في عقلهم طافية .. بالظبط أكنهم نايمين .. و أجزاء تانية صاحية و منورة .. بالظبط متطابقة مع الناس ال ( Neurotypical ) أثناء نومهم . . يعني : إنت لو ( adhd ) بتبقي صاحي بجسمك و مشاعرك و أحاسيسك .. لكن نايم بعقلك الواعي … و عقلك الغير واعي .. قاعد بيوهمك إنك .. صاحي .. و فاهم .. و مركز .. و بتحاول . … طيب … تعمل إيه يا صديقي ال (adhd ) ؟! عشان فعلاً تصحّي عقلك الواعي .. و تتأكد إنه هو اللي صاحي .. و مش إن عقلك الغير واعي بيوهمك أو مٌتنكر علي هيئة عقلك الواعي . .. ببساطة .. تختبره ب حاجة .. عقلك الواعي فقط هو اللي يقدر يعملها .. … عمرك سمعت عن حد بيكتب و هو نايم ؟! 🤣 .. . يعني .. أكيد سمعت عن اللي بيمشوا و هما نايمين .. أو اللي بيتكلموا و هما نايمين ( زي حالاتي 😅 ) .. لكن .. عمرك سمعت عن حد .. قام و مسك ورقة وقلم و بدأ يكتب .. و هو نايم ؟! . مستحيل .. ( إلا في حالات نادرة جداً جداً جداً ) . … ليه ؟! . لأن الكتابة .. نشاط تنفيذي ( يعني له مٌخرجات و إنتاجية واضحة علي هيئة كتابة ) .. عقلك الواعي فقط هو اللي يقدر يعملها . .. فبالتالي .. أبسط طريقة تختبر بيها إنت أثناء ما قاعد بتتفرج علي محاضرة أو كورس مثلاً .. تعرف بيها إنت صاحي فعلاً ولّا نايم ؟! .. بإنك تحاول تكتب مٌلخًص آخر 5 دقايق سمعتهم مثلاً .. .. أول ما حتعمل كده .. حتحس كإنك إتحولت ( حرفياً ) .. حتحس ( فعلاً ) كإن حد صحّاك من النوم .. و تحس ب دٌفعة من الأدرينالين بتتحرك في جسمك و مٌخك بينور . … أو … لو الكتابة نشاط صعب و مٌرهق بالنسبة لك مثلاً … إفتح كاميرا الموبايل فيديو .. و سجّل لنفسك 3 دقايق مثلاً و إنت بتشرح ملخص اللي إنت ذاكرته أو إتفرجت عليه ال20 دقيقة اللي فاتوا .. . حتلاقي نفسك بتحس برضو كإن حد بيصحيك .. . و كل تلت ساعة تتفرج أو تذاكر فيها .. لازم يعقبها 3 دقايق تسجّل فيهم فيديو ل نفسك بتشرح المٌلخص .. و بعدين تتفرج عليه و تشوف إنت قلت إيه . … لاااااااااااااحظ هنا .. إن الفيديو ده لازم تعامله كإن حد حقيقي غيرك حيشوفه .. حيعتمد عليه فقط عشان يفهم .. يعني ماتتكلمش ب لغة عقلك بس اللي يفهمها .. ماتساعدش عقلك الغير واعي إنه يهرب من الكمين . … ال (adhd ) في الكٌتب .. إسمه ( Executive disability ) .. يعني إعاقة تنفيذية .. مٌش ( learning disability ) … مٌش ( Cognitive disability ) .. يعني مٌش إعاقة في التعلم ( زي الديسليكسيا مثلاً ) .. ولا إعاقة ذهنية .. . و لكن .. إعاقة في القدرة التنفيذية .. عشان كده .. القاعدة العامة و اللي تقدر تختبرها بشكل مباشر النهاردة … . لو مافيش تنفيذ / إنتاجية ( خلال أى نص ساعة من الشٌغل أو المذاكرة أو … ) .. يبقي اللي كان شغّال هو .. عقلك الغير واعي .. و بالتالي .. إنت ماتعلمتش تنفذ ( مش حاتعرف تمتحن و تعدّي يعني ) .. و لكن إتعلمت تفهم .. تبدع .. تتخيل .. تسرح .. . و بين الإثنين .. فرق عظييييييييييييييييييييييييييم . … … سبب إني كتبت البوست الطويل فحت ده .. هو إن الموضوع ده تلخيص مٌخل و سريع جداً جداً .. للي شرحته إمبارح 3 مرّات في 3 مكالمات مع 3 مشتركين مختلفين في ال (ASP ) . . و بالتالي .. مع المشتركين الجٌدد .. حاقدر بكل بساطة أبعت لهم لينك البوست يقرأوه .. أسهل ما أضطر أشرحه بالكامل من جديد كل مرة . . إن شاء الله حابتدي الدٌفعة الجديدة من ( ASP ) بداية من شهر فبراير .. في التعليقات .. حانسخ بعض ال( Reviews ) ل بعض المٌشتركين اللي كمّلوا أول 20 مكالمة حتي الآن علي مدار الشهور اللي فاتت . . و علي مدار ال6 أيام القادمين إن شاء الله .. حاستقبل الطلبات الجديدة للإنضمام خلال فبراير و أحدد مواعيد المكالمات الأولي ( اللي بتكون مجانية بالمناسبة 😅 ) . … و الله أعلم .