زماااااااااااان ... أيام الكلية .. كان في ( تيمة =theme

زماااااااااااان … أيام الكلية .. كان في ( تيمة =theme ) مشهورة بيكررها معظم الدكاترة أثناء الشرح لما يلاقوا نفسهم فاضيين شوية فنص المحاضرة أو يلاقوا طالب عمل شيء مش علي مزاجهم .. و هي تيمة ال : ( إنتوا جيل منيل بستين نيلة , و البلد بتضيع بسببكم , و شوف لعيبة الكورة بياخدوا كام و أنا باخد كام ) .. و كل الكليشيهات المعتادة دي . .. فاكر كويس إني فأكتر من مرة رديت بصوت عالي و سألت الدكاترة .. ” طيب إيه الحل ؟! ” .. .. و علي مدار سنين الكلية .. و علي مدار السنين اللي بعدها .. سمعت عشرات بل مئات الإجابات المختلفة .. زي : ( الإهتمام بالتعليم , النضافة أولاً , الضمير يا سيادنا , شوف اليابان حلوة إزاي , نقفل التيليفزيون , شوف أمريكا حلوة إزاي , ننافس بقي , … ) و غيرها من الإجابات اللي لو وقفت عند كل واحدة منهم .. تكتشف إنها مش إجابة إطلاقاً .. و لكن مجرد ” Pain Point = نقطة مؤلمة ” حاسس بيها الشخص اللي بيجاوب .. و مركز عليها فقط . .. يعني الدكتور اللي كان متضايق من طالب لابس كاب جوة المحاضرة .. فاكر كويس إنه رد و قال ” الحل إن الطلبة ترجع تلبس قميص و بنطلون زي زمان جوة الكليات .. و يتمنع الجينز و التيشيرتات و الكابات 🤣😁🤣 ” . و طبعاً مش محتاج أشرح هزلية النقطة دي .. خصوصاً إنه الدكتور نفسه كان في الكلية في السبعينات .. و ما أدراك السبعينات في مصر كانت عاملة إزاي . … … ما علينا .. .. الصورة بتاعت نتنياهوو في الكونجرس دي اللي مالية الفيس .. و ردود الناس عليها ..و الإبتهال في الدعاء عليه في الكومنتات .. كلها حاجات فكرتني بردود الدكاترة في الكلية زمان دي .. .. و بعدين التعليق اللي في الصورة علي البوست الأخير اللي نزلته .. هو كمان أثار أفكاري اللي باكتبها في البوست ده . … … 1- أحد أكثر النقط العبقرية اللي شرحها باشمهندس أيمن عبد الرحيم في دورة تأسيس وعي المسلم المعاصر بجزئيها ( الأول و التاني ) .. هي نقطة : ” فانتازيا اليوتوبيا الإسلامية ” .. 🤣 . اللي هو : بصو يا جماعة .. إحنا نجمع المسلمين .. و نطلع طلعة راجل واحد علي الكفار ناخدهم علي سطح الواد حمادة .. نخلص عليهم .. و بعدين نغسل الكوكب بقي غسلة نضيفة بصابون و فنيك .. و نقعد علي نضافة بقي في يوتوبيا إسلامية حلوة مستنيين يوم القيامة 🤣 . . و ده بكل المقاييس الشرعية و المنطقية .. مستحيل بالكامل .. بل ربنا الله عز و جل … قال العكس تماماً في القرآن .. و بقمة الوضوح .. و فأكتر من مكان . إن الدنيا دار شقاء , إن البشر في الدنيا بعضهم لبعض عدو , إن الشيطان مستمر حتي يوم القيامة , … . هممممم ؟! .. طب ليه فانتازيا اليوتوبيا الإسلامية دي متغلغلة أوي في نفوسنا كده ؟! .. اللي هو إنت دايماً منتظر الحل الأسطوري الواحد الأوحد الناهي اللي يخلص كل شيء … ببساطة لأن دي أحد أكثر وسائل الشيطان فاعلية فإنه يخليك تبطل شغل .. تبطل حركة .. تبطل .. تفكير .. و هو إنه ” يعدك و يمنيك بالمستحيل ” … ربنا مارزقش الشيطان بالعقل الإبداعي .. العقل الإبداعي ده أحد المكونات الأساسية للإنسان وحده .. اللي هو الإنسان يقدر يجيب جديد .. يبتدع و يفكر و يكتشف .. لكن أدوات الشيطان هي هي ماتغيرتش و مش حتتغير منذ بدء التاريخ . .. في أكثر من مكان في القرآن تقدر تشوف الأدوات دي بوضوح .. زي ( العُري , تغيير خلق الله , السخط , … ) .. و في سورة النساء .. بداية من الآية 117 : 117- إِن يَدْعُونَ مِن دُونِهِ إِلاَّ إِنَاثًا وَإِن يَدْعُونَ إِلاَّ شَيْطَانًا مَّرِيدًا

118- لَّعَنَهُ اللَّهُ وَقَالَ لَأَتَّخِذَنَّ مِنْ عِبَادِكَ نَصِيبًا مَّفْرُوضًا

119- وَلأُضِلَّنَّهُمْ وَلأُمَنِّيَنَّهُمْ وَلآمُرَنَّهُمْ فَلَيُبَتِّكُنَّ آذَانَ الأَنْعَامِ وَلآمُرَنَّهُمْ فَلَيُغَيِّرُنَّ خَلْقَ اللَّهِ وَمَن يَتَّخِذِ الشَّيْطَانَ وَلِيًّا مِّن دُونِ اللَّهِ فَقَدْ خَسِرَ خُسْرَانًا مُّبِينًا

120- يَعِدُهُمْ وَيُمَنِّيهِمْ وَمَا يَعِدُهُمُ الشَّيْطَانُ إِلاَّ غُرُورًا … … … 2- النقطة التانية و هي موجودة في بداية الآية 119 .. و هي نقطة ال ” ضلال ” .. لاحظ إن الشيطان لما توعد الإنسان .. توعده بال ” ضلال ” .. مش بال ” هلاك ” .. لأن الشيطان مايقدرش يهلك الإنسان بشكل مباشر .. إطلاقاً .. يعني مايقدرش يطلع عليك يثبتك و يغزك بمطوة و شكراً خلاص الموضوع إنتهي .. .. لا .. الشيطان بيتوعدك بال ” ضلال ” … اللي هو ” يتوهك ” .. يلففك حوالين نفسك .. و يخليك طول الوقت مش عارف تروح فين و تيجي فين .. .. الضلال هنا حتلاقيه بيشمل الضلال في الدنيا .. و في الدين .. الضلال اللي في الدين واضح و مفهوم ( إنك تشرك بالله ) .. .. الضلال اللي في الدنيا .. هو بقي اللي إنت شايفه فكل حتة علي الفيس ده .. ( نعمل إيه فإيه ؟! , نروح فين يا جدعان ؟! , الحل إيه يا بشر ؟! , حد يخرجنا من هنا يا جدعان … ) .. و كل الحاجات المعبرة عن حالتنا الحالية دي … .. فبالتالي .. لما تلاقي نفسك وصلت فأى وقت في حياتك لمرحلة ال : ” أنا تُهت مني أنا مش فاهمني أنا مش أنا ” بصوت عبد الباسط 🤣 .. أو بتقرب منها بأى شكل . تعرف إنك و العياذ بالله بيتلعب عليك من الشيطان .. و ده طبيعي و معتاد و دي سُنة الحياة الدنيا … طيب .. تعمل إيه ساعتها ؟ .. أولاً - تحمد ربنا إنك بتحس أو حسيت إن في حاجة مش مظبوطة .. و دي نقطة مهمة جداً .. لأن و العياذ بالله في مرحلة بيعمي الله قلوب البشر فيها .. و مش بيبقوا حاسين أساساً إنهم ضالين . . ثانياً - ترجع تفهم تسلسل الرسالة اللي ربنا أنعم علي الإنسان بيها : 1- تفكر و تتدبر .. ( سيدنا محمد صلي الله عليه و سلم , و من قبله كل الأنبياء و الرسل .. كانوا بيتبدروا و يفكروا في الحياة و كل شيء قبل أن يُرسل لهم العلم ) .

2- تتعلم … ( القرآن بدأ ب ” إقرأ ” .. التفكير بدون تعلم .. بيؤدي للمهالك .. لأنك عقلك ناقص و هواك حيقودك .. فبالتالي حتروح لسكة كل ال ” مفكرين الإسلاميين ” اللي لو كانوا تعلموا .. ماكنش حصل لهم كده 🤣) ..

3- تنفذ .. ( أحب الأعمال إلي الله أدومها و إن قل ) .. العلم بدون عمل .. جنون … و زي ما قلنا .. الشيطان دايماً بيحاول يمنيك و يوعدك بالمستحيل .. عشان يولد اليأس جوة عقلك و قلبك .. فلما تيجي تعمل و تنفذ أى شيء .. إبتدي دايماً بالأقل و الأدوم .. و مرة تانية أستعين بجملة الباشمهندس أيمن العبقرية ( سقف الممكن مذهل ) .. … … … فبالتالي .. نرجع لسؤال : ( أعمل إيه ؟! ) .. بس نجاوب عليه دلوقتي في ضوء الكلام اللي فوق … 1- نفكر . بما إن الله خلق الكون و لن ينمحي من عليه الكفر و العصيان إلا بأمره في آخر الزمان .. فبالتالي .. إنزع من قلبك إحساس اليأس و العجز المستمر ده .. لأنه بشكل كبيييييييير مفيد للشيطان .. مش ليك .. مافيش حد بيشتغل / يتحسن و هو طول الوقت حاسس إنه يائس عاجز .. و إفهم إن وعد ال ( فانتازيا اليوتوبيا الإسلامية ) .. ده و العياذ بالله غلط و مش حيحصل و من الشيطان .. .. 2- إتعلم . الرسالة ( خير العلم و خير الهدي ) مانزلتش في يوم .. أو جملة واحدة ( زي ما الكفار كانوا عايزين ) .. الرسالة نزلت علي مدار سنين و سنين … و اللي تعلمها من الرسول محمد صلي الله عليه وسلم .. كانوا خير البشر ( الصحابة ) .. كان عندهم مقومات عقلية ( prerequisites ) قوية جداً .. يعني : لما سيدنا محمد صلي الله عليه و سلم دعا الله إن ربنا يعز الإسلام بأحد العُمرين .. الدعاء كان واضح .. إن سيدنا ” عمر بن الخطاب ” رضي الله عنه كان عنده من المقومات العقلية و البشرية .. اللي يخلي سيدنا محمد يدعي الدعاء ده .. فلما دخل سيدنا عمر بن الخطاب في الإسلام .. و تعلم الرسالة .. أصبح الفاروق .. و صحابة كتير تانيين قصص نشأتهم قبل الإسلام أساساً يتحكي فيها حكايات كتير . فبالتالي .. ال” علم ” .. مش مجرد إنك تبدأ تحفظ قرآن … القرآن بدون فهم ( عقيدة , عزيمة , حرية , … ) و كل المفاهيم البشرية الأصيلة دي .. حيفضل في أذهان كتير من اللي حافظينه .. لا يؤدي لعمل إطلاقاً .. و ده الغلط . … 3- العمل . زي ما وضحت .. أى لحظة تحس فيها إن ال ” عمل ” اللي إنت عايز تعمله .. يدخل في دائرة ال” مستحيل ” .. تفهم علطول إن الشيطان بيوسوس لك .. الشيطان ” بيوعدك و يمنيك ” .. بكل شيء عندك علم و إستعداد نفسي له .. .. يعني : الشيطان مش حيوعك و يمنيك ب إنك تدوق أكلة ماسمعتش عنها مثلاً 🤣 . الشيطان بيشوف نفسك تتوق لإيه .. و يوسوس لك بيه .. و لو نفسك تتوق للخير و العمل الصالح .. برضو حيجيلك في النقطة دي .. و يوسوس لك بإن نفسك تتعلق بالعظائم من الأمور و أصعبها و المستحيل منها .. حتي لو كان إنك تطلع زي سوبر مان عالكونجرس تتعامل مع نتنياهو و ترجع تاني 🤣 .. .. فبالتالي .. العمل .. دايماً بيبتدي من نقطة : أحب الأعمال إلي الله أدومها و إن قل .. .. لما سيدنا محمد صلي الله عليه و سلم سئل سيدنا بلال بن رباح ( سيدنا بلااااااااااااااال ) .. عن : ” يا بلال حدثني بأرجى عمل عملته في الإسلام، فإني سمعت دف نعليك بين يدي في الجنة!” قال ما عملت عملاً أرجى عندي أني لم أتطهر طهوراً في ساعة ليل أو نهار إلا صليت بذلك الطهور ما كتب لي أن أصلي. .. إنت متخيل ؟! .. سيدنا بلاااااااااااال .. ( أحدٌ أحد ) , سيدنا بلال المؤذن … العمل اللي هو بيتكلم عنه هو إنه لما بيحدث .. بيتوضأ .. و يصلي بالوضوء ده 😅 . … … … … … فاكر تجربة تحويل مسمار لمغناطيس اللي كنت بتعملها في إبتدائي زمان ؟! عن طريق إنك تحكه في مغناطيس تاني عشر مرات ؟! . قطعة الحديد اللي مالهاش أى تأثير .. بتتكون من عدد ضخم من حاجة إسمها ( دايبول = Dipole ) .. الدايبولات دي .. كل واحد منها باصص في حتة و في إتجاه بشكل عشوائي . .. لكن لما بتتعرض لمجال مغناطيسي عدد كبير من المرات .. بإستمرار و بإنتظام .. تدريجياً بتتوجه كلها لإتجاه واحد .. و عند مرحلة معينة .. لما عدد كافي من الدايبولات بيكون في نفس الإتجاه .. بينشأ لهم مجال مغناطيسي قوي .. بيكون لهم تأثير .. و يقدروا يمغنطوا قطعة حديد تانية .. و هكذا … و الله أعلم

#إسلام_أسامه_الجويلي