بسبب البوستات اللي عمّال أنزلها بقالي شهر تقريباً عن (

بسبب البوستات اللي عمّال أنزلها بقالي شهر تقريباً عن ( زالفول - zalfol) .. و قبله عن ( cellcella- سلسلة ) .. و الفيديو الأخير اللي عملته مع أصدقائي باشرح إيه اللي ممكن يتعمل حالياً بالأدوات المتاحة المجانية من الذكاء الإصطناعي . أكثر من صديق كلّمني بشكل مباشر يسألوني في تفاصيل خاصة بمشروعاتهم .. و هل ممكن تتبني ولّا لا ؟! .. و مدي السهولة .. .. و لقيت نفسي باكرر غلطة باكرهها جداً جداً .. و هي إني أفقد السيطرة علي ردود فعلي .. و يبان إني ( مستغرب !!!! ) من إن الشخص اللي بيسألني مش عارف المعلومة اللي باجاوبه بيها . .. باكره الغلطة دي و التصرّف ده جداً .. لأنهم كانوا أحد أكثر الحاجات اللي عملتها كتييييييييير و أنا صغير .. و بسبب ده كان مشهور عني إني مغرووووووووووووووووووووووور أوي بين أغلب الزملاء ففترة الدراسة .. و ماكنتش فاهم سبب وجهة النظر دي .. و اللي كان بيترتب عليها من ( عدم إستلطاف ) ليا .. أو فأحيان كتير كان بيصل لعداوة بين الشخص اللي شايفني مغرور ده و بيني 🤣 . .. و لما كبرت .. و درست كل ما أقدر عليه عن ال ( adhd ) .. إكتشفت إن دي أحد أكبر الصفات المميزة له .. و مٌشتركة في أغلب اللي إتكلمت معاهم في ( ASP ) .. . إنه الشخص ( اللي زيي ) بيبقي أساساً عنده مشكلة ضخمة في الثقة بنفسه نتيجة طفولة مليانة بالإتهامات و التقصير طول الوقت . و لكن برضو .. أغلب اللي حواليه بيكونوا شايفينه مغرور جداً جداً 🤣 .. … طب إزااااااااي ؟!!!! إزاي الشخص اللي كان أحد أحلام حياته في طفولته إنه يكون ( غير مرئي ) عشان مش عايز حد يشوف هو إزاي مٌقصّر و غلط و مٌختلف .. يكون برضو مشهور عنه إنه ” مغرور ” ؟! … ال ( إستغراب إن إزاي إنت مش عارف المعلومة الساهلة التافهة البسيطة اللي بتسألني عنها دي ) ده هو .. كان أحد أكبر الأسباب .. … بس ده والله عمره ما كان ( تنطيط ) علي الشخص اللي بيسألني .. و لكن فعلاً لأني ( و أمثالي ) بننسي .. بننسي تماااااااااااااااااماً مدي الصعوبة و المجهود اللي بنبذله في تعلّم شيء ما .. و بمجرد ما بنتعلمه .. بيبقي بالنسبة لنا شيء ساااااااااااااااااااااهل , تاااااااااااااااااافه , بسييييييييييييييييييط .. و بنظن إن كل الناس حوالينا عارفين الحاجة دي .. و كانوا عارفينها من زمان .. و إن إحنا بس عشان أغبيا و متأخرين و كسالي و مقصرين … اللي جينا متأخّر 🤣 . … يعني : اللي الناس بتفكّره ” غرور ” .. ما هو في الحقيقة إلا : إننا شايفين نفسنا فعلاً أقل .. أسوأ .. أغبي .. أبطأ … . … أحد الجٌمل الأيقونية اللي في تكوين عقلي هي : إنت مش عارف إنت مش عارف إيه = You don’t know what you don’t know . أى حد إشتغل معايا أو حضر حاجة باشرحها أو درّستها .. أكيد سمع الجٌملة دي مني أكتر من جملة ( صباح الخير مثلاً ) 🤣 . … و ده لأن الجٌملة دي تأثيرها ملحمي … و بالنسبة للناس اللي زيي .. التأثير بيكون ملحوظ بشكل أكبر بكتير جداً من الإنسان العادي . .. و ده لأن عقلي ( أنا و اللي زيي ) مابيتحمّلش وجود سؤال مش متخربش فيه .. مش متحاول فيه .. أى سؤال بالنسبة لنا يعني مسار ممكن طاقة الإنتباه الضخمة اللي بتيجي فجأة تمشي فيه .. و بتمشي فيه .. في مسارات بتكمّل و بنوصل فيها لإجابات .. و في مسارات أكيد مش بتكمّل .. و بنفهم إن لسة .. لسة محتاجين مثلاً أدوات جديدة أو علوم جديدة عشان نفهمها .. … و ده اللي بيحصل معايا لما أشوف مثلاً تيكتوك سريع فيه حد بيشرح إزاي قدر يبني تطبيق معين أو فكرة مٌعينة مثلاً .. و يبدأ يذكر شوية مصطلحات عمري ما أكون سمعتهم قبل كده .. . في اللحظة دي .. باعرف .. باعرف أنا مش عارف إيه .. باعرف مثلاً إني مش عارف يعني إيه ( تبني تطبيق كامل saas خلال يوم واحد بإستخدام supabase و vercel ) .. آه والله العظيم .. من سنة واحدة .. ماكنتش أعرف أى حاجة عن الكلام ده .. و الأهم .. ماكنتش أعرف إني مش عارف عن الكلام ده . . بعد كام يوم من التيكتوك ده السنة اللي فاتت .. عرفت بقي .. عرفت أنا مش عارف إيه .. عرفت إني مش عارف يعني إيه ( مونجو دي بي , سوبابيز , باين كون , ,… ) . عرفت إني مش عارف يعني إيه ( فيرسيل و أخواته ) .. عرفت إني مش عارف أى حاجة عن عوالم ال ( saas ) عموماً .. و إني كنت رامي كل الحمل ده علي الديفيلوبرز اللي كنت باتعاقد معاهم . … بعد كام يوم تانيين السنة اللي فاتت.. كنت عرفت آخر الحاجات دي إيه أيامها .. و دفعت وقت و مجهود و فلوس … و ماجابش أى نتيجة أقدر أوّريها للناس ك منتج . … السنة دي .. بفضل الله خلال 3 أسابيع .. زالفول تحول لمنتج ذو أولوية في شغلي .. و داخلين علي 1700 مستخدم ( خلال 3 أسابيع ) .. منهم ( 180 علي النسخة المدفوعة ) .. و ال 180 دول كانوا قبل حتي ما يكون في وسيلة دفع مباشرة .. و كان أغلبهم مصريين فقط ( لأني ماكنتش فاتح وسائل مدفوعة من خارج مصر لسة ) . .. إمبارح ب فضل الله أصبح في وسيلة دفع مباشرة خلاص … و تقدر تشتري النسخة المدفوعة من داخل التطبيق مباشرة من أى مكان في العالم . و بالطريقة اللي تريحك . … النهاردة بقي كمان بفضل الله 🥳🥳🥳 .. تم بناء بلوج زالفول ( لينك في أول تعليق ) .. و اللي بيضم و حيضم إن شاء الله كل البوستات اللي إتكلمت فيها عن ال( adhd ) علي مدار السنين اللي فاتت . و البوستات مش حتكون ( بالحلمنتيشي ) .. اللي هي اللغة اللي باكتب بيها هنا دي .. و لكن بالإنجليزي و العربية الفٌصحي .. إستجابة لمطالب الأصدقاء غير المصريين اللي بيحتاجوا لغة عربية فصحي . و دي خطوة متأجلة من سنين برضو بفضل الله .. .. لكن نفس البوست بالحلمنتيشي المٌعتاد حيكون هنا عالفيس 🤣 . … و فأحد المكالمات مع أحد الأصدقاء النهاردة .. و اللي كان شايف تفاصيل أغلب ال3 أسابيع اللي فاتوا عن قرب .. و أنا باشرح له شوية حاجات تقنية .. باجاوبه علي أحد أسئلته بنفس طريقتي المٌستفزّة .. و باقول له : يا راجل ؟!!! موضوع الدفع و الفلوس ده أسهل حاجة يا جدع .. بٌص .. إنت تعمل ( واحد إتنين تلاتة … 😎 ) .. . شتمني 😂 .. مش لأنه شايفني مغرور .. هو عارفني كويس .. . و لكن لأنه كان شاهد مباشر علي مٌعاناتي لمدة 72 ساعة في إصلاح كم من المشاكل و ال bugs و الإعدادات اللي تطلّبها عمل الموضوع ده في زالفول بشكل مناسب .. . لكن بالنسبة ليا … ال72 ساعة دول إختفوا .. إنتهوا .. مالهومش وجوج .. و إن المعلومات اللي أنا عارفها دلوقتي و أصبحت مٌعتادة بالنسبة ليا .. دي كلها أكيد معلومات عامة بيعرفها أى طفل في حضانة .. . أنا بس اللي كنت سرحان .. متأخر .. كسلان .. غلطان .. مٌقصّر .. 🥲 . … أحد أكبر الحاجات اللي باحاول إني أقدمها في زالفول بالمناسبة .. و خصوووووووووووصاً في موضوع قوالب المشاريع ( Project templates ) .. هو كسر المرحلة الأولي من الجهل ده .. .. يعني .. لو حتدخل تحمّل مشروع ( كيفية بناء تطبيق saas ) خلال 24 ساعة مجاناً بإستخدام أدوات الذكاء الإصطناعي .. و اللي حيكون موجود النهاردة إن شاء الله لمدة ساعة واحدة فقط .. من الساعة 11 مساءاً لل ساعة 12 مساءاً بتوقيت مصر . و بعدين حيتشال تاني من مكتبة قوالب المشاريع . .. حتلاقي كل اللي أنا شرحته ده .. مش حتلاقي إجابات .. دي مش وظيفتي .. و في الحقيقة هي مش وظيفة أى حد في الحياة غيرك إنت شخصياً .. إنت تدور عالإجابات . . و لكن حتلاقي خطة واضحة عن الحاجات اللي تسأل عنها .. حتبقي المفروض عارف تسأل عن إيه يعني .. .. أو ب معني آخر : لما قال سيدنا عبد الرحمن بن عوف : دلّوني علي السوق . . ده بالظبط اللي أنا باحاول أقدمه … إني ( أدلّك علي السوق ) .. دورك بقي إنك تروح تعيش و تتاجر و تبيع و تشتري و تبني و … … و الله أعلم .