قصتين من أشهر القصص اللي بتهدّيني شوية لما أفتكر ذكرياتي

قصتين من أشهر القصص اللي بتهدّيني شوية لما أفتكر ذكرياتي في الكلية .. أولهم بإختصار شديد فحت .. هي قصة ( ماكس هاويل ) راجل عبقري .. عمل آداة عبقرية في بساطتها و فاعليتها ( خصوصاً بالنسبة للناس أمثالي اللي بيتوهوا في طٌرقة بيتهم ) .. بدون الدخول في تفاصيل تقينة .. هو عمل آداة إسمها ( Homebrew ) .. تخليك لو محتاج حاجة صغننة خالص مثلاً في الكود بتاعك أو الحاجة اللي إنت بتبنيها أو تصممها .. بدل ما كنت تقعد تتوه لمدة ساعات بتحاول تنزّل و تركّب و تسطّب و تشغّل حاجات لها علاقة بالحاجة الصغننة خالص دي .. لأ .. هي بتعمل كل ده لك بشكل تلقائي .. .. أفضل تشبيه ممكن أفكر فيه .. هو إتخيل مثلاً إنك بتطبخ رٌز بالشوكولاتة و البصل ( والله طبختها زمان 🤣) .. و إحتجت فجأة مثلاً شوية كٌركم و فانيليا و ورق لاوري و لمون .. الآداة دي بتعرف مباشرة إنك كمان حتحتاج ( عصارة لمون , و فلفل أسود عشان يطلّع أقصي فائدة من الكٌركم , و يختار لك أحسن نوع فانيليا .. سائل ولا باودر .. و كمان يقترح عليك حاجة أحسن من ورق اللاوري عشان شوربة الرز بالبصل و الشوكولاتة دي 🤣 ) . … المهم .. الآداة دي إنتشرت بشكل ضخخخخخم .. و أصبح في ملايين بيستخدموها .. منهم أساساً مهندسين كتير جداً في مناصب ضخمة جوة جوجل .. و لما الراجل الطيب ده راح يقدّم علي وظيفة جوة جوجل .. و متوقع إنهم حيكونوا فارشين له الأرض ورد .. هٌما ماكانوش يعرفوا هو مين .. و إمتحنوه عادي زي أى حد .. و سقط في إنترفيو في مسئلة في اساسيات أساسيات الخورازميات .. . الراجل اللي بني آداة عبقرية .. و حرفياً هو برنس في الخوارزميات أساساً .. سقط في مسئلة تافهة في بدائيات العالم ده 🙂 . … القصة التانية المشهورة فحت برضو .. بتاعت : كايل سيمبسون .. الراجل اللي حرفياً كتب الكتاب و اللي كتير بيعتبروه مرجع عن ال ( جافا سكريبت ) .. إسمه ( إنت ماتعرفش حاجة في الجافا سكريبت - you don’t know js ) .. و اللي بيٌعتبر الخبير المخضرم في عالم الجافا سكريبت .. راح إنترفيو علي وظيفة .. و اللي بيمتحنه ماكنش يعرف هو مين .. و سأله سؤال في الجافا سكريبت .. سؤال من بدائيات و أساسيات العالم .. من نوعية مثلاً : أذكر 6 أنواع للمفكّات الصليبة .. و مين اللي إخترعهم 🤣 .. . إتخيل إنك بتسأل السؤال ده لأجدع ميكانيكي بقاله 60 سنة خبرة .. و اللي بيفك و يركّب عربيات في وقت فراغه مثلاً .. . بالظبط كده … لما ماعرفش يجاوب .. إترفض من الوظيفة و سقط في الإنترفيو .. و السبب : إنه مايعرفش جافا سكريبت كفاية 🤣🤣🤣🤣 . … و الله العظيم لسة فاكر زعيقي و كلامي أيام الكلية .. و دي كانت من المرّات النادرة اللي زعقت فيها و علّيت صوتي علي دكتور .. و أنا باسألها : أنا ليه ساقط في المادة ؟! .. مادة مٌستحيل أكون ساقط فيها .. و هي رافضة إنها ترد عليا .. و بعد ما ألحّيت و كنت خلاص مستبيع .. علي مضض طلّعت ليا ورقة إجابتي .. و بكل عنجهية قالت لي : شايف ؟! .. شايف إنت مجاوب إزاي ؟! .. .. أنا والله ماكنتش فاهم فين المشكلة !! . ردّت : أنا كتبت لكم الإجابات دي علي هيئة جداول في المٌحاضرة .. و إنت كاتب الإجابات علي هيئة شجرة .. زي ما المٌعيدين اللي بتروحوا تاخدوا كورسات عندهم علمّوكوا .. عشان تبقوا تتعلموا بقي و ماتحضروش محاضرات .. .. !!!!!!!!!!!!!!!!!!!!!!!!!!!!!!!!!!!!!!!! .. قسماً بالله أنا كنت حاتجلط .. أنا عمري ما خدت كورس واحد في الكلية .. أنا كاتب نفس الإجابات صح .. و مطلّع النتائج صح .. و سبب إني كاتبها بالمنظر ده .. هو إن دي الطريقة الوحيدة اللي ممكن أفتكر بيها المعلومات اللي مالهاش أى لازمة ولا علاقة ببعضها أساساً .. .. صوتي وصل للمكاتب برّة .. و دخل دكتور المشروع بتاعي يوضّح لها إني مش إنسان سيء .. . و بعد مفاوضات .. قررت تدّيني درجة النجاح بالعافية .. ( مش الدرجة الكاملة .. لا .. درجة النجاح ) .. و إن : خلاص بقي يا إسلام .. عوّض في الفاينال 🙂 . … أنا شٌفت من ده كتير جداً في الكلية .. كنت باشيل موّاد زي ( الرياضة ) مثلاً .. و أنا قسماً بالله كنت باشتغل بنفس المعادلات دي برّة في فريق بحث إيبيجينيتكس .. بس الفرق هو إني في الفريق ده ماكنتش بابقي محتاج ( أحفظ ) المعادلات و الإثباتات عشان ( أكٌبّها ) زي ما هي في ورقة إجابة . … بعد ما خلصت كلية أخيراً بفضل الله .. و علي مدار ال14 سنة اللي فاتوا .. و أنا أصبحت عندي حساسية ضخخخخخخخخخخخمة .. من أسلوب التعليم و الإمتحانات و الإنترفيوهات و الكورسات .. اللي بيعتمد علي إنه يخليك تعرف مين اللي إخترع المفك مثلاً .. و طه حسين كان بيحب تتبيلة الفول بتاعته بالزيت الحار ولّا الطحينة 🤣 . و يحاسبك علي ده .. … من أكتر من 3 سنين .. و أول ما طلع شات جي بي تي للعامة .. شرحت في بوستات كتير إن أهم مهارة المفروض يتم تدريسها و التركيز عليها خلال السنين اللي جاية هي : الخيال . .. إنك تحلم .. مش إنك تدرس و تفكّر إزاي الحلم ده ممكن يتحقق .. تتخيل و تحلم فقط .. تحلم ب حل مشاكل .. تتعلم إزاي أساساً تشوف المشاكل اللي حواليك حتي لو ماحسيتش بمعاناة بسببها قبل كده .. تحلم ببناء حاجات أساساً مش موجودة .. .. يعني مثلاً .. ماحدّش أبداً قبل إختراع السيارات عمره شاف إن الخيل مقصّرين معاه في حاجة .. ماحدش كان شايف إن في مشكلة في المواصلات .. … سبب البوست ده .. هو إني شايف إعلانات عن كورسات كتيييييييييييييييير أوي بتستغل ( الجهل بالمعلومات و اللغة و المصطلحات و الزراير ) .. كورسات من نوعية مثلاً : تعالي أعلمك كل الزراير اللي ممكن تضغط عليها في الآداة دي .. تعالي أعلمك كل المصطلحات اللي إنت جاهل بيها في العلم ده .. تعالي أعلمك الكورس المٌتقدم بقي .. و أشرح لك كل قائمة الأوامر السرّية في الآداة دي . … كل ده حلو .. جميل ماشي .. زي الفل 😅 .. لكن .. ده مش هو المهم دلوقتي .. زمااااااااااااااااان .. ده كان مٌهم .. لأن ماكنش في أدوات تساعدك علي التنفيذ و تحفظ المعلومات دي بدالك و تتحرك في المساحات ال ( معروفة ) دي بدالك . . لكن دلوقتي خلاص .. يكفي جداً واحد من كل 10 أشخاص يكون عارف مين اللي إخترع المفك .. و طه حسين كان بيحب تتبيلة الفول بتاعته إيه .. . ال 9 التانيين .. لازم يتعلموا إنهم ( يحتاجوا أساساً المفك ) .. يتعلموا إنهم ( يحاولوا يفكّوا مسمار صليبة ب مطواة مثلاً ) .. لحد ما عقلهم يتعلم يشوف المشكلة .. يفكّر في حلها .. و بعدين يصنعوا حلهاا بنفسهم .. … … إن شاء الله بعد ما أكتب البوست القادم ( عن آخر حاجة في بوستات الإدمان .. عن إزاي تدمن حاجة مملة .. أو إزاي تخلي أى حاجة تسبب لك إدمان لها عموماً ) .. . تركيزي حيكون بعد كده علي الموضوع ده بالذات إن شاء الله .. عن : مش عن إزاي تجرب تطبخ رز بالشوكولاتة و البصل 🤣 .. .. لا .. عن الخياااااااااااااااااااااااااااال .. ..

و الله أعلم .