" في ناس .. بيصحوا كل اليوم الصبح .. و

” في ناس .. بيصحوا كل اليوم الصبح .. و يحلفوا بالله إن كل الأيمانات اللي حيحلفوها النهاردة حتكون كذب 🤣🤣🤣🤣 ” … الجٌملة العبقرية اللي فاتت دي .. قالها ليا أحد الأصدقاء اللي عارفين نفسهم كويس 😅.. و هو بينصحني إني ماصدقّش معلومات لمجرّد إن اللي قٌدّامي أقسم عليها !! .. حتي لو أقسم بالله , و بحياة أولاده , و بالطلاق من زوجته , و علي عينيه كمان . … و الحقيقة إن كلامه فعلاً كان صح !! .. الكلام و المعلومات اللي كانت إتقالت ليا وقتها .. و تم القسم عليها بكل الأيمانات .. كانت كذب بالكامل .. و مع ذلك .. و لحد يومنا هذا .. أنا ما زلت باشكك نفسي .. و أحاول أحسن الظن .. أصل .. إزاي في إنسان ممكن يكدب بالأريحية دي ؟!! … أنا شٌفت حلقة باسم يوسف الأخيرة مع بيرس مورجان .. و الكائن ( آلان دورشويتز ) .. إمبارح .. و تصادف إن إمبارح برضو .. شُفت الفيلم اللي أخد جوائز كتير ( مارتي سوبريم ) .. علي أساس إني باحب ألعب بينج و ياما قطّعت ناس مٌحترفة 🤣 . … و كمية الإشمئزاز اللي أنا حسّيت بيها علي مدار الفيلم المٌقرف ده .. لم يضاهيها إلا كمية الإشمئزاز اللي حسّيت بيها و أنا باشوف الكائن ( آلان دورشويتز ) .. لأن .. ببساطة .. بطل الفيلم .. و آلان دورشويتز .. مٌحترفين كدب . و سبحان الله يا أخي .. الإتنين ( ي8ود ) .. … الأسلوب اللي هٌمّا بيتبّعوه في حياتهم .. أحد أفضل الأفلام اللي شرحته تفصيلياً .. هو فيلم ( The Apprentice ) .. اللي نزل من سنة و نص تقريباً .. و اللي بيحكي عن حياة ترامب .. لحد ما وصل لأول أعتاب إمبراطورية الثروة الفاحشة بتاعته .. و الأهم .. هي علاقته ب ( روي كون ) .. … مين بقي هو ( روي كون ) ده ؟! . ده هو المٌحامي اللي ترامب بيتعرّف عليه في شبابه .. و حرفياً بيتتلمذ تحت إيده تلمذة كاااااااااااااملة .. مٌحامي أسطورة .. من أشهر الأسامي في عوالم البيزنس و السياسة فأمريكا علي الإطلاق .. و علّم ترامب التلات قواعد الأساسيين جداً .. و اللي هما يٌعتبروا دين ترامب الوحيد .. و عقيدته الأولي و الأخيرة .. و دستوره الأوحد في الحياة . … التلات قواعد هما : 1- هاجم هاجم هاجم : إوعي أبداً تلعب دفاع .. لو حد حدفك ب طوبة .. إضربه بالنار .. و لو حد ضرب عليك نار .. ولّع ف كل عيلته بالكامل .. هاجم طول الوقت .. و ب قوة أعلي بكتير جداً جداً من اللي إتهاجمت بيها . . 2- ماتعترفش بأى شيء , و إنكر كل شيء : إوعي تقول إنك غلطان فأى شيء أبداً .. الإعتراف بإنك غلطان فأى شيء .. هو أول محطة في رحلتك للضعف و الهزيمة . . 3- إدعّي النصر و إحتفل بيه طول الوقت , حتي لو إنت المهزوم : يعني حتي لو بتلعب ماتش شطرنج علي قهوة .. و إنت و خصمك و المٌجتمع و الناس كلهم شافوك بتتغلب .. روح أجّر عربية بميكروفون و زعّق فكل مكان إنك إنت اللي غلبت . بعد فترة .. الناس حتصدّق اللي صوته أعلي . … في فيلم ( The apprentice ) بيتم شرح التلات قواعد دول بكل دقّة .. و الممثل الرائع ( جيريمي سترونج ) قام بدور ( روي كون ) بشكل عبقري .. بالمناسبة .. ( روي كون ) كمان كان بسكلتة ولامؤاخذة .. و كان لا يتواني عن فعل أى شيء مٌشين أو غلط أو حرام أو غير قانوني أو شرير إطلااااااااااااااااااقاً .. و زي ما شرحت .. قواعده التلاتة دول .. و عدم إلتزامه بأى معيار أخلاقي أو ديني أو قانوني إطلاقاً في الحياة .. حوّلته لأحد أقوي الشخصيات السياسية و القانونية في أمريكا بالكامل . … ترامب .. تتلمذ تماماً علي إيده .. و شرب منّه ( حرفياً 🤣 ) الصنعة دي .. و بعدين أحاط نفسه ب كل الشخصيات اللي بتعتنق نفس الدين ده .. شخصيات زي مثلاً : ( رودي جولياني - المٌحامي و اللي كان ماسك مٌحافظ نيويورك أيام أحداث 11 سبتمبر ) و اللي هو شخصية قمّة في العبط و الكاريكاتورية .. و لكنه كان مٌناسب جداً كأفضل أراجوز أيامها .. إنهم يستخدموه و عملوا منه بطل أسطوري فعلاً .. و إتعمل عنه أفلام ك أحد أشهر أبطال أمريكا في عز محنتها و أزمتها .. و بعدين بعد سنين .. و بعد ما كل حاجة إنكشفت زي دلوقتي .. الناس كلها أصبحت عارفين هو قد إيه عبيط و أهطل .. … باقي إدارة ترامب بالكامل .. من نفس النوعية .. … و الفكرة هنا : هل هٌمّا غلط ؟! … يعني إيه السؤال العجيب ده ؟! .. أكيد هٌمّا غلط .. صح ؟! … لا .. غلط .. خليني أشرح : … معايير ال ( صح ) و ال ( غلط ) .. معايير هزلية وضعية لا مكان لها في العالم الحقيقي الواقعي إطلاااااااااااااقاً .. يعني .. دي معايير و مٌصطلحات بشر بيوضعوها .. و بيعيشوا و يموتوا بيها .. و لكنها هشّة جداً … غير منطقية جداً جداً .. و بتتكسر بأسهل ما يمكن .. بمجرد ما يظهر أى ( روي كون ) . … الصح و الغلط .. تاريخياً .. هٌمّا دايماً و دائماً مع الأقوي .. الأقوي .. هو اللي بيحدد إيه الصح .. و إيه الغلط .. و بيفرض الإلتزام بالمعايير دي علي كل الضعفاء اللي تحته .. و لكنه هو نفسه مابيلتزمش بيهم … .. ف مثلاً : السرقة مش غلط .. إطلاقاً .. السرقة صح جداً .. و طول الوقت .. أقوياء بيسرقوا بدون أى مشكلة .. أو عقاب .. أو ضمير يضايقهم مثلاً .. لأنهم عارفين إن مافيش حاجة إسمها غلط و صح .. و لكن في حاجة إسمها ( مصلحتي ) . … لكن .. إنت لو ضعيف .. بكل تأكيد إنت شايف إن السرقة غلط .. و ده لأنك ( خايف ) يتسرق منك حاجة .. لأنك مش حتعرف ترجعها .. أو تسرق غيرها . … أو الكذب : الكذب مش غلط .. إطلاقاً .. الكذب صح جداً جداً .. و طول الوقت .. أقوياء بيكدبوا بدون أى مشكلة .. أو عقاب .. أو ضمير يضايقهم .. لأنهم برضو مش شايفين غير ( مصلحتهم ) .. .. لكن لو إنت ضعيف .. الكدب بالنسبة لك بكل تأكيد غلط .. لأنك عارف إنك لو إتكشفت .. مش حتقدر تحمي نفسك .. أو تتمادي في كدبتك .. … فهمت ؟! … العالم الحقيقي مافيش فيه ( صح أو غلط ) إطلاااااااااااااقاً .. مافيش فيه غير القوة . … و بالتالي .. لما تنظر للإسلام .. حتلاقي إن مٌصطلحين ال ( صح و غلط ) .. مش موجودين إطلاقاً .. و لكن في ( حلال , حرام ) .. الكدب .. حرام .. حتي لو صح .. السرقة .. حرام .. حتي لو صح .. .. و حتلاقي حاجات كتير تانية … حلال .. و لكنها بالنسبة للمجتمع ( المادي الرأسمالي المضروب فأساسات تفكيره مفكّات حالياً ) … غلط .. . مثلاً في أمريكا … غلط جداً و غير قانوني إنك تتجوز إتنين أو تلاتة أو أربعة .. غلط جداً إنك تدبح ب نفسك .. غلط جداً فأماكن كتير في فرنسا إن البنت تلبس حجاب .. غلط جداً فأمريكا أو أوروبا إنك ترفض تتعامل بتعاملات البنوك المٌعتمدة علي القروض الربوية .. … و عشان كده .. أحد أكثر الآيات اللي دايماً باتذكّرها في الموضوع ده هي : سورة النمل ( 14 ) : و جحدوا بها و إستيقنتها أنفسهم ظلماً و علواً .. فانظر كيف كان عاقبة المٌفسدين . .. الآية اللي بتوصف حال الكٌفّار طول الوقت مع المؤمنين .. إن الكافر مشكلته مش دايماً بتبقي إنه ( مش عارف ) .. إطلاقاً .. كتير منها بيكون عارف .. و فاهم .. و متأكد من الحق فين .. . و لكن .. بيجحد بيه .. طب ليه بيعمل كده ؟! ظلم ( يعني بيقيس بمقياس فاسد .. بيشوف الدنيا أهم من الآخرة ) .. علوا ( يعني طول الوقت شايف مصلحته أهم من أى حاجة تانية في الحياة ).. . و النوعية دي هي : المٌفسدين . ( اللي في سورة البقرة بتلاقيهم بيجادلوا ب كل الأشكال إنهم شايفين نفسهم هما ال : مصلحين ) . … تعمل إيه بناءاً علي ما سبق في البوست الطويل أوي ده ؟! .. مش الصح 😅.. و لكن ال ( حلال ) .. … و الله أعلم .