تلخيص لإجابات بعض الأسئلة من ( صراحة , التعليقات ,

تلخيص لإجابات بعض الأسئلة من ( صراحة , التعليقات , الرسائل ) .. … 1- هل باستخدم ( AI ) في الكتابة ؟! بإختصار .. لا .. ب شوية تفصيل : إستخدامي لأى أداة من أدوات ال AI المتاحة حالياً في أى شيء باكتبه .. بيكون لل ( Research ) بالشكل الأكبر .. ثم التدقيق العلمي ( steelmanning ) .

ف علي سبيل المثال فيما له علاقة ب سلسلة بوستات ( عصر النهضة ) .. أغلب النقاط الرئيسية في تاريخ أوروبا و العالم عموماً .. عرفتها من مصادر كتير علي مدار حياتي .. منهم مثلاً كتاب رائع ل ( بول ستراذيرن ) .. إسمه ( The Medici: Power, Money, and Ambition in the Italian Renaissance - Paul Strathern ) … كنت سمعته أوديو أيام كورونا لو متذكر صح ( الكتاب نفسه نزل سنة 2016 ) .. و كتاب ( الأمير = the prince ) ل مكيافيللي .. قرأته سنة 2015 برضو .. . سبب إهتمامي بالجزء ده نفسه من التاريخ .. هو إن أحد المشاريع اللي إشتغلت عليها لمدة أسبوعين تقريباً ك فريلانسر أيام بداية شغلي في الفريلانس و الترجمة سنة 2014 .. كان ترجمة رواية ( شفرة دافنشي ) ل دان براون .. اللي إتعملت فيلم زماااااان بتاع توم هانكس … و اللي أغلب أحداثها في أعماق الجزء ده من التاريخ .. . و في وثائقي رائع من أربع أجزاء علي يوتيوب .. إكتشفته إمبارح بالصدفة أثناء ما باعمل سيرش علي بعض تفاصيل الحكاية .. و حاسيب الرابط له في التعليق التاني إن شاء الله . . لكن التفاصيل و التواريخ و الأسامي .. بالتأكيد مش محتفظ بيها في عقلي .. ف مثلاً .. أنا كنت عارف كويس إن في عيلة إسمها ( ميديتشي ) هي اللي كانت مسيطرة علي رعاية أغلب الفنانين المشهورين في عصر النهضة .. لكن الأسامي و التواريخ بالظبط .. بالتأكيد كنت نسيتها . . ف لما بابدأ كتابة عن الموضوع ده مثلاً .. باطلب من ( شات جي بي تي ) إنه يديني ال ( timeline = الخط الزمني ) ل كل عائلة ميديتشي من البداية خالص .. و بعدين بابدأ أفتكر التفاصيل اللي قرأتها و عرفتها علي مدار حياتي .. . و بعد ما باخلص كتابة البوست بالكامل .. لو شاكك في إني ممكن أكون شطحت في أفكاري أو ذاكرتي خانتني في بعض الأماكن .. باخده كوبي بيست في شات جي بي تي .. و بعدين باطلب منه إنه ي ( steelman my thoughts ) .. . يعني إيه الجملة اللي فاتت دي ؟! هي جملة من عالم البحث العلمي و مجلات الأبحاث العلمية .. و معناها بالحلمنتيشي : شوف يا باشا الكلام ده .. و لو دماغي سوحتني بعيد عن المنطق و العلم و الحقائق التاريخية .. عرّفني و خد بإيدي الله يبارك لك 🤣. . و زماااااااااااااان .. قبل ( شات جي بي تي ) .. لو كنت حاتنشر كلامك في مكان خايف تتهزق لو فيه حاجة غلط .. زي إنك عايز تنشر بحث علمي في مجلة علمية مثلاً .. كنت بتبعت كلامك في إيميل ل حد متخصص في المجال .. و تطلب منه هو اللي يعمل معاك الحركة دي . … 2- لية مش باجاوب علي التعليقات : .. طبعاً إحترامي و تقديري لأى حد يعلق علي أى حاجة .. شكراً جزيلاً جداً .. و لو كان تعليقك مديح .. جزاك الله خيراً .. و لو كان تعليقك نقد سلبي .. جزاك الله خيراً برضو .. .. أما لو كان تعليقك ب سؤال معين فيما كتبت .. فحقاً أعتذر للغاية .. أنا بابقي عايز أجاوب عليك .. و لكن لو جاوبت عليك .. ف ينبغي إني برضو أجاوب علي البقية .. ( أو هكذا أظن في عقلي ) .. فبتكون النتيجة هي إني بأجل الرد علي التعليقات ل حين ما أجد الوقت و الطاقة ل هذا .. و في الأغلب .. لما بتتواجد الطاقة و الوقت .. بالاقي نفسي بانشغل في شيء آخر .. أو باكتب بوست جديد 😅🤣 .. . و لكن .. بعد كل فترة ( أسبوع مثلاً ) .. بارجع أجاوب علي أكبر قدر أستطيع من التعليقات .. و الرسائل . … ** ملحوظة : بدأت أسجل بعض البوستات ب صوتي ك ( قراءة فقط ) .. و لما بيكون البوست ده عليه تعليقات ماكنتش رديت عليها .. باشرح وجهة نظري ك رد و إجابة .. و خلال أيام بإذن الله .. حانشر رابط قناة اليوتيوب اللي حاتكون مخصصة فقط للموضوع ده . . و للتوضيح .. برضو مش باستخدم ai في القراءة 🤣🤣 .. لأن حتي أعلي التقنيات المٌتاحة منه حالياً .. ما زالت مش ( حلمنتيشي ) بما يكفي 🤣 … *** بمناسبة ( صراحة ) .. أنا باشوف كل الرسائل اللي بتوصل هناك .. و لكن برضو باحاول كل فترة إني أجمع عدد مشابه من الأسئلة مثلاً .. و أجاوب عليهم كلهم في بوست واحد مرة واحدة ( زي البوست ده كده ) . . و رابط ( صراحة ) في أول تعليق .