لو حد مش متابع .. في موضوع كبير بقاله فترة

لو حد مش متابع .. في موضوع كبير بقاله فترة ( كبير نسبياً يعني بين الناس اللي متابعين المواضيع دي ) .. عن ( هي الكهربا بتشتغل إزاي ؟ .. و يعني إيه أساساً تيار كهربي ؟ .. و هل الإلكترونات بتمشي في السلك ولامؤاخذة ولا بتاخد توكتوك ؟! ) . أنا متابع معظم تفاصيله و معظم اللي بيتكلموا فيه من ساعة ما ديريك ( بتاع فيريتاسيوم ) عمل الفيديو الأولاني .. خصوصاً بعد ما ( ميهدي سداغدار - بتاع إليكتروبووم ) رد عليه .. المهم .. لو تعرف مين الناس دي .. و ليك مزاج تتفرج علي شوية حاجات تشرح لك كواليس الدنيا الهندسية و الفيزيائية شوية .. خد جولة .. و تقدر تبتديها من الفيديو ده بالمناسبة .. و بعدين إتفرج علي الفيديوهات و القنوات اللي هو بيرشحها في الآخر . لو ماتعرفش مين الناس دي .. مش قصة .. مش حاتفرق معاك .. بس يا ريت يبقي في ناس تانيين بنفس المبدأ و الدماغ بتتابعهم في مجالات تانية علي الأقل