شوية هابينس صغننين بسرعة

شوية هابينس صغننين بسرعة .. الأغنية دي كانت توب البلايليست بتاعتي سنة ٢٠٠٨ .. و لأن السنة دي (٢٠٠٨) ماكنتش من الذكريات السعيدة بالنسبة ليا .. مسحت كل شيء منها بعدها مباشرة .. و تمر السنين .. و اتعالج تدريجياً من ذكرياتي السيئة .. و أتعلم أفصل بين اللي فعلا كان وحش من ذكرياتي .. و بين اللي ظلمته بشوية ارتباطات شرطية .. و أشوف من اسبوع صورة تفكرني بالأغنية دي .. و اخد سكرين شوت علي امل إني افتكر ادور عليها .. و كالمعتاد أنسي .. و بعدين دلوقتي و أنا ماشي أسمع زمارة عربية تفكرني بيها .. و أقعد اجوجل أثناء ما أنا ماشي بكل الكلمات اللي ممكن تخليني الاقيها … و أفشل .. لحد ما اكتب .. one piece song 2008 و الاقيها اول نتيجة .. و اتنطط حرفياً شوية أثناء ما أنا ماشي دلوقتي .. … و حالياً في عركة ضخمة و نسوان كتير لسبب ما بتصوت عالبر التاني من الكورنيش بدمنهور 🤨🤨🤨 فحابطل كتابة لحد كدة