الروعة اللي بتحصل في ( arcane ) دي فعلاً حاجة

الروعة اللي بتحصل في ( arcane ) دي فعلاً حاجة مخلياني مستمتع .. علي مدار العقد و نص اللي فاتوا تقريباً كتير من المحاولات المشابهة في عمل مسلسل عن لعبة .. او من نسيج لعبة .. أو محاولة نقل نجاح لعبة لمسلسل أو فيلم … أو العكس .. إن فيلم أو مسلسل ناجح يتعمل لعبة .. كان دايماً بيكون إما قمة في السوء و التخلف .. أو بيكون مجرد سبوبة معتمدة الناس اللي حيكون عندها فضول تشوف إيه اللي حيحصل . … لكن اللي عملته ( league of legends ) ده .. طبيخ علي نار هادية .. جداً .. و بمزاااااااااج .. و من غير إستعجال خااااالص .. اللعبة بقالها أكتر من 10 سنين .. و كان ممكن يعملوا المسلسل ده من زماااان .. لكن لا .. إتقل تاخد حاجة نضيفة … أوي .. .. يعني أول حاجة طبعاً حافتي فيها شوية .. هو ال ( art ) .. (ليج أوف ليجيندز ) قماشة عجيبة جداً من ناحية ال (art) .. اللي هو لو عايز تمشيها ( realistic ) تيجي معاك .. لو عايز تمشيها ( disney style ) تشد معاك و تبقي مظبوطة جداً و حلوة … لو عايز تمشيها ( anime style ) حتحس إنك في بيتك و واخد راحتك و مستريح عالآخر .. و غيرهم .. الناس علي مدار 10 سنين تقريباً .. مافيش نوع من أنواع ال ( art ) غير و راحوا جربوه .. و نفع .. و طلعوا عليه skins و أنظمة لعب و شغل عالي أوي .. بل إن اليوتيوب مليان بفيديوهات ( short ) كانوا بيطلعوا بيها بين الحين و الآخر .. و كان كل واحد منهم بيكون نجاح مختلف في حد ذاته .. .. فبالتالي إختيار ال( look ) اللي يتعمل بيها المسلسل .. كان كإنك عايز تختار زوجة من 30 واحدة متقدمين لمسابقة ملكة جمال العالم مثلاً .. اللي هو “عمو عمو .. ينفع كلهم يروحوا معايا البيت 🙈😅”.. و مع ذلك .. إختيار النوع ده بالذات .. جه بالظبط زي قصة الحب اللي بقالها سنين مع الشركة الباريسية الفرنسية المسئولة عن النوع ده من الأنيميشن .. و اللي إختتم بالجواز .. حاجة تحس إنها طبيعية و مش غلط .. و صح .. و كلنا هنا بنسقف و نقول ألف مبروك و إحنا فرحانين . … … تاني حاجة و هي القصة … ال ” lore = قصص ” بتاعت شخصيات ليج .. كم ضخم جداً من المحتوي بيتكتب بقاله 10 سنين و أكتر .. 110 بطل أساسي .. و كل واحد منهم ينفع شخصية رئيسية في مسلسل لوحده .. إزاي تعمل قصة تضيف فيها المكونات دي .. من غير ما طعم شخصية يغطي علي التانية .. أو إن يطلع الموضوع يخني عجب في الآخر .. بل إن تطلع من المسلسل بشخصيات جديدة الناس دلوقتي مستنياها تبقي شخصيات متاحة في اللعبة .. حقاً برافو . يعني المسلسل بالكامل لحد دلوقتي .. مايتقالش فيه كلمة ” noxians ” غير مرتين بالعدد .. و المرتين يحملوا وزن ضخم جداً .. بس إنت عارف من اللعبة إن noxia فيها كم ضخم من الأحداث و الأكشن … بجد شغل علي مية بيضا .. و مافيهوش إستعجال إطلاقاً .. … … طبعاً بقي حاجات زي الموسيقي .. و imagine dragons اللي ماعتقدش كان حينفع غيرهم في الإنترو أساساً .. و كل الحاجات التانية الكتير أوي … .. و الأهم من كل ده .. البرنس الكبير أوي اللي أنا حاطه صورة لواحده ..هايمردينجر .. تلاتة من أكتر الشامبيونز اللي أنا محترف فيهم و بافضلهم في ليج بالمناسبة كالتالي : jayce - himerdinger - ekko ففكرة إنهم عناصر بناء رئيسية في arcane كان بالنسبة ليا سبب سعادة ضخم .