من أكتر الحاجات اللي بتستفذني فنفسي لما باتفرج علي فيديوهات

من أكتر الحاجات اللي بتستفذني فنفسي لما باتفرج علي فيديوهات الراجل ده .. هو إني عندي من المعلومات و المهارات ما يكفي إني أعرف عناوين و أماكن 75% تقريباً من كل حاجة و كل تفصيلة بيتكلم عنها .. و فأنهي كتاب أو حرفياً كمان ” أنهي فصل فأنهي كتاب فأنهي مجال ” … و لكن ماعنديش ال “TENACITY ” أو ال قدرة إني أكمل بروجكت واحد من دول لحد آخره إطلاقاً .. يعني أنا حرفياً فاكر مناظر الصفحات اللي مشروح فيها تفاصيل حركات المقذوفات في المنحني البارابوليك .. و لو ححاول أ ( Intercept ) مقذوف من دول .. حاعمل إيه .. و معادلاته التفاضلية بكل جمالها و حلاوتها .. و فاكر ما يكفي من الماتلاب إني عارف حاخبط فين لحد ما أوصل لل ( proof of concept ) .. و عارف لو حابب أخبط في ال ( سيرفوهات و الأكتشويتورز ) .. حاتصرف إزاي لحد ما يطلعوا قماش برضو .. بس عارف أكتر إني بمجرد ما حاطلع ( proof of concept ) .. و أول سهم يطلع … حازهق من الليلة كلها وو أفقد كل شغف و حماس ليها .. و أقرر إني أكملها بعدين . … و ده مستفذ … جداً .. إني فنص المسافة .. لا جاهل كل الجهل بالمجال ده فماتخاطبنيش نفسي بيه … و لا متمرس خبير مخضرم مكتمل المشاريع فيه ..