إستفتاء عام من 3 أسئلة

إستفتاء عام من 3 أسئلة : ( و جاوب بصراحة فعلاً .. مش عايز مجاملات 😅 ) . … علي مدار الأربع سنين اللي فاتوا .. عدد من دور النشر متوسطة الحجم اللي بيستهدفوا معظم الناس اللي بيتابعها عدد معين من المتابعين ( أكتر من 10 آلاف ) علي السوشيا ميديا … تواصلوا معايا . ملخص الحوار كل مرة بيكون : ( إنت بتكتب كلام زي الفل .. و بيتابعك عدد كبير .. ما تكتب كتاب .. أو تجمع بوستاتك في كتاب .. و إحنا ننشر .. و ننزل معرض الكتاب ) . و علي مدار الأربع سنين .. كان ردي : ( تسلموا ربنا يبارك لكم .. بس فعلاً مش فاضي أعمل ده دلوقتي .. ممكن في وقت لاحق إن شاء الله ) . … من شهرين تقريباً .. لما فتحت باب التعيينات لعدد جديد من الناس معايا .. كلفت شخص ما بالمهمة دي :

• تجميع البوستات اللي كتبتها و تستحق النشر ” من وجهة نظره ” من الأربع سنين اللي فاتوا .. و قرائتها .. و فهرستها .. و مراجعتها . … النهاردة .. وصل عدد صفحات الكتاب ل 420 صفحة تقريباً … و لسة كان فاضل ما يقارب 10 شهور كمان 😅😅من البوستات . … … كده كده .. كل كلمة موجودة في الكتاب ده .. متاحة أونلاين مجاناً .. إما علي الفيسبوك .. او علي موقعي .. أو علي مدونات مختلفة كتبت فيها علي مدار السنين . … … أسئلتي هي : 1- لو حيتم طرح الكتاب ده بالفعل .. فوجهة نظرك .. يكون سعره كام ؟! 2- هل حتشتريه و تدفع فيه فلوس و إنت ضميرك مستريح و مش زعلان مني ؟! 3- هل أطرح الكتاب للنشر مقابل سعر أساساً .. ولا أعمل زي ما نفسي بتراودني .. و أنزله أونلاين مجاناً زي كل حاجة تانية باعملها ؟!