3 وجهات نظر عن رمضان في مصر

3 وجهات نظر عن رمضان في مصر . … 1- فرقعة الصواريخ مش تعبير إطلاقاً عن رمضان أو الفرحة أو العيد … الصواريخ دي لو بتعبر عن شيء , فهي بتعبر عن قلة تربية و تخلف أو غباء من الأهل إنهم سامحين لعيالهم بحاجة زي كده , و بتعبر عن تربية متخلفة غلط بيتعرض لها الطفل و بتطلعه متخلف زي أهله و بيستمتع بحاجة متخلفة زي دي , و بتعبر عن ( حرق و فرقعة ) فلوس .. بكل ما يحتويه ده من حرام و قلة بركة . … 2- برامج التيليفزيون في رمضان .. دي إطلاقاً مش تعبير عن رمضان أو الفرحة .. دي تعبير عن غباء و تخلف متغلغلين في أعماق ناس بتشغل التيليفزيون كنوع من أنواع ملء الفراغ اللي جوة البيت , لأن الفراغ ده لو ماتملاش بدوشة و قرف زي اللي موجودين في التيليفزيون , غالباً حيكتشفوا إنهم ( كأسرة و عيلة بتفطر مع بعضها ) المفروض يتكلموا مع بعض و يعرفوا بعض … و دي حاجة الناس اللي ملعوب فأساساتها بتهرب منها . … 3- سواقة المتخلفين اللي بييجوا في الساعة اللي قبل الفطار و يقرروا إنهم يعيشوا أحلام سباقات (need for speed ) في الشوارع عشان غالباً يلحقوا مناباتهم قبل ما حد تاني ياكلها .. دي مش بتعبر عن رغبة الشخص فإنه يشارك أسرته الفطار إطلاقاً … و لكن بتعبر عن تخلف و غباء إنسان أناني بيعرض غيره و نفسه للخطر بسواقة متخلفة متهورة زيه . و غالباً بيكون عايز يروح بسرعة فقط عشان يطفح قدام برنامج متخلف في التيليفزيون زيه .