من 2013 ل 2015 كنت مبهور بال( بيتكوين ) و

من 2013 ل 2015 كنت مبهور بال( بيتكوين ) و البلوك تشين .. و كل ما هو عن عالم ال(cryptocurrency ) .. و 90% من إهتماماتي كان فيه … أصدقاء كتير ليا خدوا بالهم من العالم ده و أهميته بعد كلامي معاهم ب3 أو 4 سنين تقريباً … ده مش غلط أو هما كده متأخرين مثلاً .. إطلاقاً .. و لكنهم كان ممكن يدوروا شوية بدري .. ماكانوش حيخسروا حاجة .

من 2015 ل 2017 .. كان معظم إنغماسي فعوالم التصميم و الموشن جرافيكس و الثري دي و ما شابه .. و 90% من إهتمامي كان فيه … أصدقاء كتير ليا خدوا بالهم من العالم ده و أهميته بعد كلامي معاهم من سنة أو إتنين تقريباً … ده مش غلط أو هما كده متأخرين مثلاً .. إطلاقاً .. و لكنهم كان ممكن يدوروا شوية بدري .. ماكانوش حيخسروا حاجة .

من 2017 ل 2020 (و ما زال حتي الآن أكيد ) .. كان معظم إهتمامي بعوالم ال(ecommerce ) و ال ( affiliates ) .. أصدقاء كتير ليا خدوا بالهم من العالم ده و أهميته بعد كلامي معاهم من سنة أو إتنين تقريباً … ده مش غلط أو هما كده متأخرين مثلاً .. إطلاقاً .. و لكنهم كان ممكن يدوروا شوية بدري .. ماكانوش حيخسروا حاجة .

حالياً .. ( و بقالي علي كدة داخل علي سنة تقريباً أو أكتر ) .. أعتقد إني لو عايز أدي محاضرة .. أو كورس .. أو tedx talk تاني مثلاً .. أو أتكلم مع أى حد مثلاً ك ( تبادل معلومات ) .. … حاتكلم عن ال ( mindfulness ) و ال ( mindfulness meditation ) .. … و لو حارتب أهمية الموضوع ده ( من وجهة نظري ) .. فحارتبه إنه : أهم .. أهم من البيتكوين حتي أيام ما وصلت لأكتر من 20 ألف دولار . أهم من عوالم التصميم و الموشن جرافيكس .. حتي لو بيكسار نفسها متعاقدة معاك . أهم من عوالم البيزنس و التجارة أونلاين و الأفيلييتس .. حتي لو أمازون بتفكر تشتري شركتك مثلاً . … … لنفس النوعية من الأصدقاء اللي بتيجي كمان (تلات ل 5 سنين ) و تسأل عالحاجات دي .. أشوفكم علي خير سنة 2023 😆