عقوبة خلع الكاسارولة في مكان عام

عقوبة خلع الكاسارولة في مكان عام . … … كل ده كان كومنت .. و قررت أنزله ك ( بوست برضه ) … … 1- ماذا لو بكرة الصبح طلع تريند إجتماعي جديد ( حرية إننا نمشي لابسين كاسارولات علي دماغنا في الشارع مثلاً ) .. 2- و بعدين أصبح من القوة إنه يبقي قانون فدول معينة .. و إن اللي يمشي من غير كاسارولاة علي دماغه يبقي خارج علي القانون . 3- و بعدين تضطر العلوم إنها تبحث تأثير إحتباس حرارة الشمس مع الكاسارولة علي الدماغ .. و تأثير ده علي وظائفنا الحيوية . 4- و بعدين يبدأ يظهر شركات ناشئة تهدف لبحث كيفية وضع تكييف جوة الكاسارولة عشان تكافح تأثير الإحتباس الحراري لآشعة الشمس جوة الكاسارولة . 5- و بعدين تظهر فتاوي عن إن التكييف جوة الكاسارولة .. بيضاد الحكمة من لبس الكاسارولة من الاساس و هو ( طبيخ الدماغ ) .. و إن الأجيال الأولي من آبائنا و أجدادنا كان عندهم حكمة من ( تسخين الدماغ و طبيخها ) جوة الكاسارولة .. … شايف أنا رايح فين ؟ … أصبح الموضوع عبارة عن ” خرم ” جديد فجدار الوعي البشري … بيسرب مجهود أجيال و أجيال و طاقتهم .. لمجرد البحث جوة ال ” خرم ” ده .. .. فبارجع و أسأل نفسي .. الخرم ده .. فتحناه ليه ؟ .. و بناءاً عليه .. باقرر أكرس للبحث جوة ال ” خرم ” ده .. قد إيه من طاقتي الشخصية و مجهودي الشخصي . … … من فترة صديق عزيز ليا أحترم عقله .. كان سألني علي حاجة ليها علاقة بال ( machine learning ) ..و السؤال ده كان برضه ممكن يدخلنا فنقاشات حلزونية كتير تنتهي من حيث ما تبتدي … و كانت إجابتي عليه ناتجة من مبدأ أساسي جداً في علم ال( خوارزميات و البرمجة ) .. و هي محدودية ال : 1- مساحة التخزين . 2- قدرة البروسيسور و الوقت . … الحدين دول ( مساحة التخزين ) .. و ( الوقت ) .. هما اللي بسببهم في علم كامل و منهج و طريقة ل( البرمجة ) .. … لأنك لو معاك قدرة تخزينية غير محدودة … و بروسيسور يعمل أى حاجة في نفس اللحظة .. و مابياخدش أى وقت عشان ينفذ الأمر .. فبالتالي حيبقي قدرتك هي إنك تقول للكمبيوتر ( أستغفر الله أكيد ) : كن … فيكون . … … و جاوبت عليه إن وجهة نظري العامة في الحياة هي : نتيجة للحدود اللي علي الإنسان … و أهمها هو وجود ال ( وقت ) … الإنسان عايش طول الوقت بين إختيارين .. يستثمر قد إيه في طاقته .. و يستثمر قد إيه في وعيه .. … المتع و ما شابهها كلها .. و التقدم البشري فيها .. عبارة عن إستثمار في ال ( طاقة ) ( أكل , شرب , زواج , … ) . .. الأسئلة الوجودية في الدنيا .. و العلوم الناتجة عنها و التقدم فيها .. ( إستثمار في ال وعي ) . … … لو قررت إني أطلع فوق جبل و أفضل أفكر فكل المسائل الكتيييييييير جداً اللي ( خروم اللي موجودة في الوعي البشري ) .. و أحاول أدور علي إجابات تريحني و تحسسني إني جبت ( آخر الخروم ) دي .. يبقي حاصرف كل طاقتي في البحث عن ال … ( وعي ) . و غالباً حاموت قبل ما أوصل لأى شيء .. … … و لو طنشت كل ال( خروم ) دي .. و قررت إني أعيش عشان أشتغل و آكل و أشرب و أتفرج علي التيليفزيون بعد ما أروح .. يبقي باصرف كل طاقتي في البحث عن ال … ( طاقة ) .. .. و بعد سنين .. حاكتشف إن أى طاقة باتحصل عليها في الدنيا .. مابقدرش أحتفظ بيها … و باموت و أسيبها تاني لل ( دنيا ) .. … … … تبقي النتيجة هي البحث عن ال ( توازن ) .. بين الإتنين .. و البحث عن منهج .. يخليني مش مضطر أعيد إختراع العجلة كل مرة من الأول .. و ده اللي البشر حاولوا يعملوه علي مدار أجيال و أجيال .. و آلاف من السنين .. و في كل مرة بيوصلوا إن الإنسان لوحده مستحيل يوضع منهج متوازن لحياته في الدنيا .. لأن الإنسان مخلوق ناقص .. ناقص ( زمن ) .. ناقص ( تقدم ) .. ناقص ( عقل ) .. و مهما وصلنا من تقدم في عمرنا لوحدنا .. بنموت قبل ما نوصل لل ( كمال ) … .. و مهما إتجمعنا ك ( بشر ) .. بنفضل ناقصين .. و الدليل إن الكمال في العلوم مستحيل دنيوياً . … … فبالتالي .. وجود منهج كامل .. وضعه ( كامل ) .. هو ده ال ( رحمة ) الحقيقية للإنسان … منهج يضمن للإنسان التوازن بين ( إستثماره في الطاقة ) .. و ( إستثماره في الوعي ) .. و يدي الإنسان ما يكفي من المبادئ اللي تؤهله للتفكير في ال ( خروم ) اللي ممكن تحصل في وعيه البشري دي .. … … كل شخص فينا يقدر يعيد البحث عن المنهج ده من البداية تاني .. و لكن هنا ييجي معني ال ( مرجعية ) .. وجود أرض ثابتة .. تسمح لي إني أفكر .. و لكن ب ( ستاندارد ) أقيس عليه .. … … ربنا خلقنا مختلفين .. أنا طولي 190 سم مثلاً .. فهل المفروض أسأل ( طيب ليه ؟! ) .. إشمعني ؟! .. حياتي كانت حتبقي إزاي لو كنت 150 سم ؟! .. .. لا .. أنا طولي 190 سم .. .دي نقطة بدايتي .. أبدأ أثبتها كنقطة بداية لسعيي في الحياة .. و أحاول أكون مفيد بناءاً عليها .. زي كل حاجة تانية إتولدت لقيتها عندي .. … … نفس الموضوع فإني إتولدت فأسرة مسلمة فمجتمع مسلم .. أقدر أقول طيب .. إشمعني ؟ .. طيب إيه اللي كان حيحصل لو إتولدت فنيوزيلاندا مثلاً .. .. و لكن ده حيبقي سؤال عبثي .. … نقطة بداية كل إنسان مختلفة .. و ربنا هو الوحيد اللي بيحددها .. .. لكن لو تجاهلت ال ( نقطة الأصل ) دي … حافضل دايماً فحالة سقوط حر .. كأني في الفضاء بدون أى جاذبية بالظبط .. او قوة دفع … أو بوصلة . … … … ده .. هو أحد أكبر توصيفات ال( إسلام ) جوة عقلي .. فوجهة نظري … و بالنسبة ليا .. 1- منهج و بوصلة 2- عقيدة 3- مرجعية 4- شريعة و دستور مجتمعي عام للبشرية … و الله أعلم