إكتشفت من أكتر من أسبوع تقريباً إن الفيلم ده (

إكتشفت من أكتر من أسبوع تقريباً إن الفيلم ده ( hunter x hunter the last mission ) نزل في سنة 2013 ( السنة اللي كنت فيها في الجيش ) .. و زي كل الحاجات اللي حصلت في السنة دي من أحداث و أفلام و مسلسلات و تفاصيل .. باكتشف إن بالرغم من أهميتها بالنسبة ليا .. إلا إني ماعرفتش عنها أى بلح في البتنجان .. .. سنة كاملة إنعزلت فيها تماماً عن كل حاجة في الحياة 😅 .. ما علينا .. كنت مجهز الفيلم ده من أسبوع ك ( هدية العيد ) لنفسي .. اللي هو حرفياً لو كان بس ب 1 علي 10 من مستوي الأنيمي .. كنت خلاص كدة .. أنا عيدت و مش عايز حاجة تاني .. … بس للأسف .. بالرغم من كل المكونات اللي كانت فإيد المؤلف ( مش توجاشي طبعاً .. واحد تاني إسمه نوبواكي كيشيما ) .. ماعرفش الصراحة سقف إبداعه و خياله واطي كده ليه .. اللي هو إنت معاك مكونات ممكن تخليك تعمل أجمد وليمة في الحياة .. و إنت تروح ماسك بيضتين سالقهم حتي مش قاليهم .. و كمان يطلع طعمهم وحش 😭😭