2020-0091

( لو لقيت مصباح علاء الدين .. و طلع لك الجني ( بس جني غتت شوية ) .. و سألك إيه هما ال3 أمنيات اللي تتمناهم .. تختار إيه ؟! ) . … بس بشوية شروط : .. 1- تكون أمنية قابلة للتحقيق بقواعد عالمنا الحالي ( يعني ماتكونش قصير و تتمني تكون طويل مثلاً ) .. لكن تقدر تكون تخين و تتمني تكون رفيع . .. 2- طبعاً ماينفعش تتمني عدد لا نهائي من الأمنيات 😆 .. 3- ماينفعش تطلب حاجات عامة أو حالات عامة زي ( الستر و الصحة و … ) .. لازم تبقي حاجة ينفع إنها تتقاس ( إنت ماتقدرش تقيس الستر و الصحة و راحة البال و … ) . .. 4- القاعدة الرابعة … ( ماينفعش تطلب فلوس …) .. لكن ينفع تطلب اللي الفلوس تقدر تشتريه .. ( يعني ماتطلبش 32 ألف جنيه مثلاً .. لكن أطلب أيفون لو حابب ) . .. 5- ماينفعش تطلب حاجة مش واضحة ( يعني ماتقولش أتمني أبقي صاحب شركة ) و تسيب الموضوع عايم مش معروف الشركة دي بتبيع بامبرز مثلاً ولا مواد غذائية .. و لكن تقدر تحدد و تتمني إنك تكون صاحب شركة ( كذا ) .. و تحدد حجم الشركة .. و السوق اللي هي موجودة فيه .. و دخلها الشهري .. و عدد موظفينها .. و منافسينها .. و كل الكلام الحلو اللي بيبقي موجود فدراسات الجدوي ده .. … 6- ماينفعش تطلب إن شخص يحبك ( ماتقدرش تجبر أى شخص علي حاجة زي كده ) .. و لكن ينفع تطلب إنه يلاقي نفسه معاك فميعاد ما فمكان ما مثلاً .. و إنت اللي عليك بقي إنك تعترف له بمشاعرك و تحاول تخليه يحبك . … 7- ماينفعش تطلب تبقي عالم في (كذا ) … و لكن تقدر تطلب إن كتاب أو كتب معينة ( و لازم تسمي الكتب دي بأساميها ) تبقي فعقلك و كأنك قريتها ..