{ ماتحكمش علي حد ,,, من كام منكم بلا خطيئة

{ ماتحكمش علي حد ,,, من كام منكم بلا خطيئة ,,, مفتاح الجنة مش فجيبك عشان تتكلم ,,, اللي بتقوله ده تفسيرك إنت .. حد تاني ممكن يفسر القرآن و الدين و يطلع برأى مختلف ,,, الله أعلم بخاتمة كل واحد فينا ,,, اللي بتتكلم عليه أو عليها ده ممكن يكون أحسن عند ربنا منك ,,, إن لبدنك عليك حق ,,, بلاش تشدد ,,, الصح و الغلط نسبيين ,,, الزمن غير الزم ,,,, آرائك لنفسك ,,, … و ما شابه } … العبارات السابقة دي لازم علي الأقل دلوقتي أشوف منها 10 يومياً متنطورين فبوستات و تعليقات مختلفة علي السوشيال ميديا فمواضيع مختلفة .. و بيزيدوا … 1- لو إنت من الناس المؤمنين إيمان تام بالعبارات دي .. و ماعندكش أى فضول تفكر فيهم شوية .. بلاش تكمل البوست .. كمل حياتك عادي .. و لو تعبت أو إتضايقت .. او حسيت إنك خلاص مش لاقي حلول لمشاكل كتير عادية عندك في الدنيا .. الله أعلم بقي حتكتشف ده بعد كام سنة .. أو حتموت من غير ما تكتشفه أساساً .. المهم .. لو تعبت .. و حابب تجرب شيء مختلف .. كمل قراءة البوست . .. 2- لو إنت من الناس اللي مش مؤمنين بالعبارات دي .. بس حاسس إنك مش عارف تتكلم حتي مع نفسك بسبب إن عقلك بقي بيردد العبارات دي بشكل تلقائي جواك .. و بقيت تسمعها فودانك لوحدك … زي أى أغنية بتتكرر كتير حواليك … فوجهة نظري كمل البوست . … 3- من كام سنة إنتشرت حملة ( me to ) فأمريكا و العالم .. و ساعد علي إنتشارها الضخم موضوع ( Harvey Weinstein ) .. و ده لو ماتعرفوش فهو واحد من أضخم أعلام أمريكا في الإنتاج السينيمائي علي مدار القرن اللي فات .. و من أعماله مثلاً : Pulp Fiction Good Will Hunting Shakespeare in Love The Lord of the Rings Gangs of New York و أعتقد مش لازم أكمل يعني .. ممكن تعمل سيرش بنفسك .. و تشوف إن معظم أعظم الأفلام علي مدار ال30 سنة اللي فاتوا .. كان هو جزء من إنتاجها .. او شركته اللي أنتجتها .. و طبعاً ده كان مخليه من أباطرة الصناعة فأمريكا .. و مركز قوة خرافي و أسطوري . … 4- طلع متحرش و مغتصب و إتحرش و إغتصب بنات و ستات كتيييييييييييييييييير .. و مصايب سودة .. و ممثلات و فنانات مشاهير جداً جداً .. أكيد تعرف ( سلمي حايك ) صح ؟ .. 5- المهم الدنيا قامت ما نامت .. و ماسورة ضخمة من المصايب و الفضائح ضربت في إعلام و صحافة العالم عن واينستين ده .. و غيره كتير جداً .. من اللي كانوا مستغلين مناصبهم و قوتهم و فلوسهم و نفوزهم فإنهم ( يتحرشوا و يغتصبوا ) ببنات من كل سن و لون و نوع . .. آه .. و ولاد كمان … ( كيفن سبايسي ) بتاع (house of cards ).. إكتشفوا إنه شاذ و كان بيتحرش و يغتصب ولاد ولامؤاخذة . … 6- الجنس بالأخص .. كان و ما زال .. و سيظل .. نقطة .. إحم .. حساسة عند ناس كتير جداً .. فبالتالي .. أى حاجة ليها علاقة بالحاجات الحساسة دي .. بتعمل دوشة كبيرة و صوت كبير .. لأنها سهل إنها تتفهم .. و سهل إنك تتخيل الضحية .. و لكن … و لكن لأن حاجات تانية أقل في الحساسية .. زي : النزاهة الإقتصادية .. الأمانة .. الصدق .. … … أو حاجات تانية .. بيبقي صعب فيها إنك تتبع الأذي اللي وقع علي الضحية .. زي : صناعات الأغذية السريعة و المصايب الناتجة عنها . صناعات البلاستيك و المصايب الناتجة عنها . صناعات البترول . صناعات السلاح . .. و هكذا و هكذا .. … الحاجات الضخمة دي .. احياناً بيبقي نتيجة إننا مانقدرش نستوعب معني إن ملايين الأطفال بيتإذوا سنوياً من الجوع أو المرض مثلاً … فعقلنا بيطنش .. و بننسي .. بسهولة .. و نركز مع التحرش و الإغتصاب . … … 7- علي مدار ال3 سنين اللي فاتوا … سؤال ضخم كان و ما زال بيحير العالم : حدود العلاقة الآمنة بين الراجل و الست إيه ؟! .. أصل زي ما إنت شايف دلوقتي .. أحياناً بيكون بمزاجها .. بس تضايق منك بعد سنين فتطلع تقول إغتصبتها .. طب مين اللي يثبت إنك ماعملتش ؟ .. أو العكس .. تبقي إنت سمعتك زي الصيني بعد غسيله … بس تطلع ولامؤاخذة طول الوقت .. و تتفضح فضيحة المغضوب عليهم .. و ينزل فيديوهاتك فكل مكان . مين اللي يثبت إنك متفبركلك ؟! .. … 8- طيب … أخبار الأسئلة التانية إيه … مابنسألهاش بصوت عالي ليه ؟ .. أسئلة زي :

• التجارة الصح إزاي عشان نعالج الخلل العالمي في توزيع الثروة ده .
• الصناعة الصح إزاي عشان نعالج المشاكل الفظيعة اللي مطنشينها معظم الوقت ده .. .. أسئلة زي : الصح فين ؟! .. الصح … فين ؟! مابنسألش .. لأن .. صوت فضائح السكس أعلي … و أسهل إنها تتفهم … بس مش أسوأ .. و مش أخطر … إطلاقاً … … .. 9- ناس زي المنتج السينيمائي ( واينستين ) .. أو الإمبراطور الإقتصادي ( إبستين ) .. و غيرهم .. كانوا عايشين حياتهم بالطول و بالعرض .. و بيمارسوا الإغتصاب بشكل روتيني .. و بسببهم إنتحر كتير و إتأذي كتير .. و مع ذلك ماغيرش ده حاجة فأفكارهم و حياتهم و أولوياتهم .. بل كانوا بيبرروا ده لنفسهم و لغيرهم من المحيطين بيهم .. و كان ردودهم كلها بتدور حوالين نفس الفلك بتاع عبارات أول البوست .. اللي ملخصها : ( مزاجي كده .. و ماحدش ليه حاجة عندي ) … 10- لكن اللي حواليهم .. اللي حواليهم من الناس اللي كانوا شايفين و عارفين إن ده حصل و بيحصل و حيحصل .. ليه فضلوا ساكتين سنين و سنين .. .. ببساطة .. لأن ماكنش في أى أرض ثابتة يقدروا يقفوا عليها عشان يواجهوا الأذي ده .. .. الكل كان بيتحرك فنفس الهلامية بتاعت : ( العالم كله كده , إيه البديل , إنتي إيه اللي وداكي هناك لوحدك , إنتي اللي إستفزتيه , طب إشمعني أنا ماحصلش معايا كده بس حصل معاكي إنتي , …) و هكذا .. .. اللي هي النوعية من المناقشات اللي تحس إنها مزفلطة و مالهاش حتة تتمسك منها .. … … 11- و ده هو الوضع الحالي حالياً .. .. العالم أصبح بالكامل مفتوح علي بعضه .. بحيث إن أى مشكلة تحصل فأى مكان .. الأطراف بيطلعوا و ينصبوا محكمة عالسوشيال ميديا .. إحنا فيها القضاة . .. و الحكم بيبقي بالكومنتات و اللايكات .. و الإيموجيز . .. بس القانون .. هو اللي مش موجود .. .. مافيش قانون واحد دلوقتي تقدر تقف تجادل بيه طرف أو خصم .. لأن كل طرف بقي بيخترع قوانينه علي مزاجه .. .. كل طرف بقي بياخد ( إلهه هواه ) . … … 12 -
• إطلع إتهم فلان إنه حرامي … حيتهموك إنك إستفزيته إنه يسرق .
• إطلع إتهمه إنه إستفزك إنك تسرقه … حيتهموك إنك حرامي و إنك كان المفروض تمسك نفسك .
• إطلع إتهمه إنه قتل .. حيتهموك إنك غلطان عشان ماعكش فيديوهات تثبت .
• إطلع وريهم الفيديوهات .. حيتهموك إنك إنتهكت خصوصيته و هو بيقتل . … … 13- عالم هلامي من الزفلطة … كل واحد واخد ( إلهه هواه ) .. فممكن جداً هواك و مزاجك يخليك تصدق و تؤمن بكلام إنفلونسر بتحبه ,, أو مزاجك يخليك تصدق و تؤمن بكلام حد بيغلط نفس غلطتك ,, أو مزاجك يخليك تصدق و تؤمن بكلام حد تعب و زهق فقرر يعتزل الدوشة كلها و يقفل علي نفسه باب أكاونته و يعمل بلوك لكل حد يضايقه . … … 14- و لكن .. و لكن ماذا عن الأذي و الألم اللي ماحدش بيتكلم عنهم .. اللي لسة ماطلعوش تريندات .. ..
• ألم و قلق الخوف من مستقبل فلوس مش عارف حتجيبها إزاي .. لأن لسة كتير بيشيروا صور عربياتهم علي إنستاجرام ..
• ألم و قلق يا تري حندرس لولادنا إيه .. و الدنيا اللي عايشين فيها حالياً حتي مش فاهمين هي عاملة إزاي عشان يتوقعوا هي رايحة فين .
• ألم و قلق أسئلة كتيييييير جداً .. و خوف كتيييير جداً … بس عشان لسة ماتحولوش لتريند و فضيحة .. بنطنش .. و نتعامل .. بالظبط زي ما كل اللي مخالطين لكل المفضوحين دلوقتي .. كانوا بيتعاملوا علي مدار سنين . … … 15- كبشر .. عينينا بتشوف جزء ضئيل جداً من الترددات اللي حوالينا .. و خلال آخر 50 سنة بس .. إكتشفنا قد إيه كنا جهلة و عمي . .. وداننا بتسمع جزء بسيط جداً من الترددات اللي حوالينا . و خلال آخر 50 سنة بس .. إكتشفنا قد إيه كنا جهلة و عمي . .. عقلنا بيعي جزء بسيط جداً من ألغاز و إعجازات الكون اللي إحنا فيه . و خلال آخر مليون سنة بس .. كل شوية بنكتشف قد إيه إحنا عقلنا بيخدعنا . .. مشاعرنا .. هههههههه .. كم ضخم من الأدب و الروايات عن مشاعرنا بتتخزوق قد إيه كل لحظة .. و مع ذلك لسة بندور علي العبط و الحب من أول نظرة . … … 16- لكن .. لكن عشان الإنسان جهول .. و مابيدورش علي خريطة إلا لما يتتوه .. و لما بيتوه بيكون فات آوان و وقت كتير كان ممكن يستعد فيه . و مابيحسش بأهمية الشيء .. إلا لما بيفقده .. لكن طول ما هو في وسط النعم .. بيكون جاهل و جاحد بيها . .. عشان كل ده .. إحنا بنعاند و نكابر .. و نكمل منتظرين إن غيرنا و اللي جنبنا هو اللي يتكلم و يبتدي .. منتظرين إن غيرنا هو اللي يطلع يقول ( في تحرش هنا , في مصيبة هنا , في أذي هنا ) .. .. و حتي لما ده بيحصل .. بنسكت .. و نستني .. نستني لما نشوف مين حيتجمع فين .. عشان يروح فأنهي إتجاه … .. كل ده .. لأننا مكابرين و معاندين إننا نمسك خريطة .. و شايفين إن ( دماغنا كفاية عشان نمشي وراها ) .. … … 17 - الكلام اللي مكتوب أول البوست .. موجود منذ بدء الخليقة .. من لحظة ما ربنا أمر الشيطان إنه يسجد لآدم .. و الشيطان … جادل .. ناقش .. برر ليه عصي .. ( خلقته من نار و خلقتني من طين ) … 18- الكلام اللي مكتوب أول البوست .. مش حينتهي إلي أن تقوم الساعة .. و حيفضل ناس كتير يكرروه .. كتيييييييييير جداً .. منهم اللي حيكرره بجهل و غباء وعند .. و منهم اللي حيكرره بمكر و تضليل و عن قصد .. … … 19- إختار .. تمسك خريطة و تبدأ تفهم … ولا ؟!! … … الخريطة اللي هي ( القرآن الكريم و السنة ) بالمناسبة لو ده ماكنش واضح يعني .. و الله أعلم