فى حاجة فى أساليب التعلم إسمها ( getting thrown in

فى حاجة فى أساليب التعلم إسمها ( getting thrown in the deep end) .. أو بالعامية .. إرميه فى الغميق .. و يا يعوم .. يا إما إفتكروا أخوكوا بالخير .. .. كطالب علم .. دايماً كانت طريقتى المفضلة هى إنى أمطر المدرس بوابل من الأسئلة اللى إما كانت متحوشة من زمن .. أو تمت ولادتها لحظياً بناءاً على معلومات جديدة المدرس قالها .. .. و كباحث .. أسلوبى المفضل برضو هو نفس الأسلوب اللى فوق .. نط فى الغميق .. و التعامل مع الأسئلة - اللى أساساً عندى أو اللى بيتم ولادتها لحظياً بناءاً على كل معلومة جديدة باشوفها برضو - بفوضى بناءة جداً .. فوجهة نظرى .. بس فى الحالة دى بيحل محل المدرس .. جوجل .. و كمدرس أو محاضر .. إكتشفت قد إيه الأسلوب ده ممتع لو لقيته فى طالب من اللى قدامى .. بس مؤذى جداً للطلبة ذوى ال short attention span اللى حواليهم .. و ما أكثرهم .. .. الأسلوب ده سلاح ذو حدين خطر جداً .. لو إنت ماعندكش وسيلة تدوين و تسجيل عقلية (mental palace ) زى بتاع شيرلوك .. أو طريقة تقدر تفتكر بيها على الأقل عناوين المواضيع اللى بتدخل فيها .. او ترمز المعلومات اللى بتحصل عليها .. ممكن بكل بساطة تتوه بعد نص ساعة بس و عقلك يبنى حاجز من الخوف و التشتت مايدخلكش الموضوع ده تانى . .. و لكن لو عندك الوسيلة دى .. أو لو كونتها بشكل غير واعى بعد عدد ضخم من المرات اللى كسرت فيها حاجز الخوف ده .. و أصبح على عقلك خريطة من الجروح الملتئمة و ال (scars) .. اللى بتميزك قدام نفسك كباحث مخضرم .. حتلاقى إن عائد الطريقة دى فعال جداً فإنك خلال فترة قصيرة تمتلك مهارات قيمة جداً .. .. فى مزية إكتستبها خلال سنين دراستى الأكاديمية و ما يليها .. و هى إحتفاظى بإستخدام المعلومة .. و عدم الإهتمام بالإحتفاظ بالمعلومة نفسها .. على سبيل المثال اللى دايماً باضربه .. قانون حل المعادلة التربيعية .. قانون أخدته لأول مرة فأولى ثانوى .. و المفروض إنى إستخدمته بشكل مستمر تقريباً خلال سنين ثانوى و سنين كلية .. و مافتكرش إنى عمرى حفظته أبداً أو كان عندى الإستطاعة إنى أكتبه من الذاكرة .. بغض النظر عن تكرار مرات المحاولة .. إلا إنى بمجرد وقوفى قدام معادلة تربيعية فأى وقت .. بالتأكيد حاكون عارف أستخدمه ليه و إزاى و أجيبه منين .. .. المزية دى بتساعدك إنك تحتفظ بكم ضخم من الأدوات اللى بتساعدك تنفذ أسلوب getting thrown in the deep end .. بس عيبها إنك ممكن تتعذب فى التعليم المصرى للأسف :( :( .. .. أبسط تشبيه للموضوع ده ممكن تفهمه لو إنت جيمر محترف .. إنك تبقى ليفل قليل .. و فجأة تدخل فمستوى عالى فى اللعبة .. و هى على هارد أو إكستريم مثلاً .. ال thrill بتاعت فتح أماكن جديدة فى الماب .. متعة لا تقاوم .. .. نفس الكونسبت ممكن يتم تطبيقه على ديناميكيات أنشطة جماعية كتير .. و ده اللى فعلاً عملته الكاتبة اللى مش فاكر إسمها فكتاب creative conspiracy .. ..