سؤال سريع في بوست قصير معلّش

سؤال سريع في بوست قصير معلّش : هل لو ” صلاح ” كان بعد أحد أجواله الرائعة مثلاً .. قلع تيشرت ليفربول و طلع يتصور و هو لابس تحته صورة أبو عٌبيدة .. أو علم فلسطين .. أو أى حاجة تٌلهب مشاعر ملايين المتعاطفين … هل كان دلوقتي .. بعد ما ليفربول خد قرارات ضد مصلحة ” صلاح ” .. ملايين المٌتعاطفين دول حيعلنوا الحرب علي ليفربول مثلاً ؟ … بلاش السؤال ده … سؤال تاني : هل ( أى حد مشهور ) .. لما خد قرارات .. و قال تصريحات .. و عمل حاجات علي مزاج ملايين المٌتعاطفين .. هل ( ملايين المٌتعاطفين دول ) .. أفادوه بشيء ؟! .. أضرّوه بشيء ؟! .. منعوا عنه ضرر ؟! … هل .. إنت فعلاً شايف إن ( صلاح ) مش حيلعب ماتش ميلان .. لأنه مانصرش القضية ؟! 🤣🤣🤣 .. إنت متخيل إن ده هو ( الجزاء اللي من جنس العمل ) ؟!!!!! طب إنت بتنصر القضية .. عشان تلعب ماتش ميلان ؟! 🤣 أو .. إنت بتنصر القضية .. عشان هدف دنيوي ؟! .. حتي لو كان مٌجرد إنك تتفرج علي ماتش ميلان عالقهوة ؟! . … رجاءاً .. رجاااااءاً .. إتعلّم إنك ماتقيمش الدنيا بالدنيا .. و إلا حتعيش طول عمرك تايه و متسوح وراها .. . يعني إيه ؟! يعني .. لو كان ” صلاح ” حالياً في عكس الحال .. و بيلعب أساسي في كل ماتشاته .. و ماتشات الفرق التانية كمان 😅.. و كان تم تعيينه رئيس ليفربول مثلاً .. بل لو كان تم تكريمه ب لقب ( سير ) .. و حطّوا صورته عالجنيه الإسترليني .. هل ده كان حيغير في تقييمك له شيء ؟! .. كان حيغير في تقييمك لأفعاله إذا كانت حلوة ولا وحشة ؟! … الدنيا مش بتبوظ مع الوحش عشان هو وحش .. ولا بتحلو مع الحلو عشان هو حلو .. . الدنيا .. حقيرة .. باظت ولّا إحلوّت .. ماتشغلش بالك بيها … و ماتقيمش نفسك .. ولا غيرك .. بيها . و ركّز في طريقك .. و نيّتك .. … .. و الله أعلم .