الذكاء الإصطناعي بالحلمنتيشي 😅

1- هو في إيه ؟! .. و إيه موضوع البريف في رغيف ده ؟! .

AR 5 د

الذكاء الإصطناعي بالحلمنتيشي 😅 . المحاضرة الأولي - البريف في رغيف -لو مشيت معاها مظبوط .. المفروض تشوف الصورة اللي في البوست دي . … عناصرها المحاضرة : 1- هو في إيه ؟! .. و إيه موضوع البريف في رغيف ده ؟! . 2- إيه هو ( N8N ) .. و إيه هو ال (Ai agent ) و الفرق بينه و بين شات جي بي تي . 3- كيفية تسطيب N8N مجاناً علي جهازك . … 1- هو في إيه ؟! .. دي المحاضرة الأولي من كورس حاشرح فيه اللي أقدر عليه عن ( الذكاء الإصطناعي - ال ai agents - ال Vipe coding - إستخدامهم في الحياة عموماً و البيزنس خصوصاً ) . ..

لازم يكون عندك شرطين أساسين علي الجهاز: Node.js (إصدار حديث شوية يعني 18 وطالع). و npm (بييجي مع Node.js تلقائي غالباً). يعني لو Node.js موجود، npm هيبقي موجود أوتوماتيك .. حتسطبهم إزاي ؟ : تسطيب Node.js: خش علي الموقع ده: 👉 https://nodejs.org إختار النسخة الـ LTS (إحنا ناس بنحب الإستقرار مش بندور علي المغامرات). نزّلها .. دوس Next Next Finish .. زى أي برنامج محترم بيتسطب وخلاص.

اتأكد إن كل حاجة إتركبت:

بعد كده .. روح للفولدر اللي عايز تسطب فيه البرنامج (N8N) و أغلب الشغل بتاعك .. و بعدين Right click = أنقر نقرة لمين عالماوس يعني 🤣 .. و إضغط علي (Open in terminal ) . . ماتتخضش لو أول مرة تحتاج تتعامل مع الويندوز بالكتابة .. في #فالرحرحة .. حتلاقيني شارح قد إيه الموضوع بسيط إن شاء الله .. المهم .. إنت كل اللي محتاجه هنا هو : إكتب السطرين دول واحد واحد:

node -v المفروض يرد عليك بحاجة شبه كده: v18.17.1 يعني الرقم مش شرط يبقي بالظبط كده .. بس المهم يطلعلك رقم .. مش يشتمك 🤣.

وبعدين: npm -v لو برضه رد عليك برقم .. يبقي انت باشا مُؤهل تكمّل. … بعد كده .. تسطيب N8N نفسه بقي:

في نفس الـ Terminal، إكتب:

npm install n8n -g (خلي بالك من “-g” دي .. يعني تنزله عالجهاز كله مش بس في فولدر واحد.)

حيبدأ ينزل .. حبة وقت كده (مش بطال يعني)، وبعدين خلاص.

تشغيل السيرك بقي: بعد التسطيب، عشان تشغل ال (N8N)، تكتب بس:

n8n حيطلعلك صفحة كده فيها رابط: 👉 http://localhost:5678

دوس عليه .. وافتحه .. تلاقي الدنيا فتحتلك لوحة تحكم نضيفة زي وش القمر. مبروك عليك يا وحش 🏆 كده انت سطّبت ال (N8N) .. وجهزت أرض المعركة لل Ai Agents بتوعك. ملاحظات سريعة لزوم الكيف: لو الجهاز قالك إن في أوامر مش معروفة أو حاجات غريبة حصلت ➔ غالباً نسيت تسطّب Node.js أو حصل لخبطه في الـ PATH. … … **** ملحوظة نسيت أكتبها و أنا باكتب البوست : عشان أعرف بس مين متابع و مين وصل ل فين .. رجاءاً لو تقدر .. لو وصلت للصورة اللي في البوست .. خُد سكرين شوت و حطها في الكومنتات ( عشان أعرف مين عمل الواجب يعني 😅 ) . … … … **** المحاضرة الأولي بنفس المحتوي .. بس تحت هاشتاج (#فالرحرحة ) حتنزل النهاردة ليلاً مثلاً أو بكرة إن شاء الله .. و حتبقي فيها شرح كل الكلام اللي فوق ده .. أسبابه و بداياته .. و مين اللي فكر فيه .. و لما فكر فيه كان بيشرب شاي بالنعناع ولا بالقرنفل .. و كان لابس إيه ساعتها 🤣 .. و كل الكلام الحلو للناس اللي زيي دول إن شاء الله . . و لسة ماقررتش حتكون فيديو ولا كتابة زي ده .