في قاعدة كونية ثابتة و لا تتغير إطلاقاً علي مدار

في قاعدة كونية ثابتة و لا تتغير إطلاقاً علي مدار الزمن .. و هي : كل شيء إن زاد عن حده .. فسد … و أفسد . … الإحتفاء المُبالغ فيه ب ( فتاة كيس الشيبسي ) .. مزعج جداً … و خطر جداً .. و مؤلم جداً . … 1- الإنسان مأمور ب فعل الخير .. بدون إنتظار أو توقع النتيجة في الدنيا .. لأسباب كتيييييييير أوي لا حصر لها .. دينية و عقلية و منطقية و إجتماعية . … 2- لما بيتم الإحتفاء بالشكل ال ( مُبالغ ) فيه ده .. ب فعل خير طلع من فطرة بنت سليمة .. نفوس كتير من الأغلبية بتختل .. و بتبقي بتتسائل ( طيب .. و أنا في الإحتفاء بيا في الخير الكتير اللي عملته و باعمله ؟! ) … و نتيجة لده و العياذ بالله .. بيتحول فنفوس ناس كتير فعلهم من ( خير في الخفاء ) .. ل ( رياء و مَن و أذي ) . … 3- نفس البنت نفسها .. لا تتحمل القدر ده من الإهتمام و الإحتفاء .. ال( عامة ) من مجاميع البشر علي مدار التاريخ .. دايماً بيدوروا علي حد يكون هو محط الأنظار .. و البطل .. و الرمز .. و أحيان كتير رغبة العقل الجمعي دي .. بتؤدي لتدمير ناس كتير جداً كان بدايتهم خير .. و لكن نتيجة للوضع اللي المجتمع فجأة حطوه فيه .. بيفسدوا . و أمثلة كتير علي كده .. من روساء دول .. لمذيعين ( زي باسم يوسف مثلاً ) .. ل لعيبة كورة ( زي صلاح ) .. و مفكرين و أدباء .. و أى حد بيتشهر ( بفعل حاجة لاقت إستحسان عام ) . . و قليلين جداً اللي بيفهموا بدري إنهم يعزلوا نفسهم عن ( غباء المجاميع ده ) .. و يفهموا إن المجتمع مش شايفهم أبطال .. و لكن عايز يخليهم أبطال بالعافية .. عشان يعفوا عن نفسهم أى دور أو مسئولية . ( من منطلق : إذهب أنت و ربك فقاتلا إنا ها هنا قاعدون ) . . باسم يوسف .. و صلاح .. رجال كبار عاقلين .. فهموا ده .. و عزلوا نفسهم عن غباء الأغلبية . . لكن بنت بريئة .. فجأة و بين يوم و ليلة .. بتلاقي نفسها الكل بيلبسها عباءة البطولة .. تتوقع حتفهم إزاي تحمي نفسها من خطر الصورة دي ؟! . . ده الإنسان العادي .. اللي مش مشهور بأى شكل .. دايماً فخطر ضخم من الكبر و الفخر و الخيلاء ب نفسه .. فما بالك ب طفلة .. صغننة ؟! إنتوا فعلاً مش فاهمين مدي خطورة المرض ده ( الكبر و الفخر ) ؟!!!! … 4- أنا فاهم كويس جداً جداً إن العالم حالياً مليان بالحقراء الضالين المُضلّين .. اللي هو إما فاهمين كل اللي باقوله ده كويس .. و مش هاممهم أى شيء ( لا البنت تهمهم .. ولا صلاح المجتمع يهمهم ) .. و لكن بيستغلوا كل ده عشان يعملوا تريند و يركبوه . . أو مش فاهمين أى حاجة .. و بيزيطوا كالمعتاد في الزيطة .. .. و لكن .. كلامي للأقلية النادرين العٌقلاء اللي عندهم بعض القدرة علي الفهم و التفكير .. .. ف حتي لو كان التريند خلاص وصل لمرحلة ال ( Critical mass = الجني طلع من القمقم يعني ) .. و البنت خلاص تحولت لتريند .. و مافيش فإيدينا حاجة نعملها لها غير الدعاء إن ربنا يحميها و يحفظها .. . ف أقل القليل اللي نعمله .. هو أن نُذكر أنفسنا و إياكم .. إن كل الهري ده مش طبيعي .. و غلط .. و مٌضر جداً جداً جداً كمان . … و الله أعلم .