البوستين اللي في الصورة دول ظهروا قدامي فنفس اليوم تقريباً

البوستين اللي في الصورة دول ظهروا قدامي فنفس اليوم تقريباً ( من كام يوم ) .. البوست الأول .. بيتسائل ( ليه الغرب متقدم و بيزدادوا تقدم ؟ , و العرب متخلفين و بيزدادوا تخلف ؟ ) . البوست التاني .. صور حفلة تامر حسني في إسكندرية . … فخليني أشاركك شوية من أفكاري .. و غالباً البوست حيطوّل .. أوي .. … 1- فأحد مشاهد مسلسل ” جزيرة غمام ” اللي إتعرض من رمضانين تلاتة تقريباً .. طارق لطفي اللي كان بيمثّل دور الشيطان .. طول المسلسل بيحاول يلاقي طريقة يهزم بيها عدوّه ( عرفات - أحمد أمين ) .. و بيفشل بأشكال كتير .. لحد ما بيلاقي طريقة ( شيطانية ) .. و هي إنه ( بيهادي ) عرفات بالقفطان بتاعه .. قفطان شكله جميل و مطرّز و بيدفي في السقعة .. و عرفات .. اللي كان حرفياً لا يُهزم قبل كده و مالوش دخلة يعرف يدخل له الشيطان منها .. بيفرح جداً بالقفطان .. و بيعتز بيه .. لدرجة إنه بيزعق للأطفال الصغيرين اللي كانوا دايماً محيطين بيه و بيحبوه .. لما بيلاقيهم حيلعبوا معاه فيوسخوا ال ( قفطان ) الجميل جداً جداً جداً ده . و دي بتكون البداية .. المدخل اللي الشيطان بيعرف يدخل لعرفات منه .. اللي بسببه بيبدأ يتغير عرفات .. و يعاني في رحلة من إعادة إكتشاف ذاته و قوته تاني .. رحلة بتتمحور حوالين ( التجارة ) .. بيدفع إيه .. مقابل إيه .. بيضحي بإيه مقابل إيه .. و طبعاً .. بيضحي بحاجات كتير .. و علي رأسها القفطان ده .. مقابل قوة جبارة و خارقة بعد كده بتظهر خلال المسلسل . … بغض النظر عن ال ( خيال / هري ) اللي كان مالي باقي المسلسل .. و بغض النظر عن إن كاتب المسلسل ( عبد الرحيم كمال ) بعد كده إتضح إنه بيشجّع ناس عجيبة ( البتنجاني ) و متأثر بيهم .. إلا إن ده مايمنعش إن الفكرة دي ( فكرة إن مدخل الشيطان لينا .. إنه يخلينا نفتقر بترك الإستغناء .. و البحث عن الغني ) فكرة حقيقية و قوية جداً جداً . … … 2- ال ( weak link - الحلقة الضعيفة ) .. دي تيمة = theme مشهور أوي في الدراما و القصص عموماً .. مثلاً في فيلم الطريق إلي إيتاي 🤣.. اللقطة الملحمية بتاعت ( هشام عبد الله ) لما بيخاف في لحظة الحسم .. و بينزل المية مكانه نبيل الحلفاوي بعد ما خرم العسلية 🤣🤣🤣 اللقطة بتاعت ( يا ريتني كنت معاهم ) دي .. لقطة أيقونية و عمري ما نسيتها .. و شفتها كتيييييييييييييييييير جداً .. بصور مختلفة .. .. ناس كتير بيفسروا اللقطة دي علي إنها ( جُبن - خوف - قلّة شجاعة ) .. و لكن ده تفسير قاصر جداً .. إنت محتاج تفكر فيها بشكل أعمق .. .. ( هشام عبد الله ) فكّر بشكل منطقي للغاية في ( مصلحته هو ) .. ( مصلحته الشخصية - أمانه - إستقراره - نجاته - سعادته - نجاحه - … ) و كل المفاهيم المتعلقة بيه هو .. .. بكل المنطق اللي في الدنيا .. ( هشام عبد الله ) صح .. ماغلطش و مأخطأش في شيء .. السؤال المنطقي طبيعي يكون :

• ليه أموت أنا عشان ناس غيري تعيش ؟!
• ليه أخاطر أنا عشان حد تاني يكون فأمان ؟!
• ليه أكون أنا عالحدود باحميها .. و إنت نايم عالسرير مغطيها ؟! 🤣 … صح ؟! … مهما بقي حاولت إنك تشرح ل ( هشام عبد الله ) في الوقت ده .. إنه بتصرفه ده .. بيعرض مهمة كاملة للفشل .. بيعرض بلد كاملة إنها تخسر فرصة عظيمة في تكبيل العدو خسارة ضخمة .. بيعرض نفسه و أهله إن في المستقبل العدو اللي هو نجا منه دلوقتي .. حييجي عليه و يف$$خه هو و سلامته و أهله و نجاته و سلاطاته و بابا غنوجه .. مهما حاولت تشرح الكلام ده .. حتلاقي عقل ( هشام عبد الله ) متربس علي نقطة محورية للغاية و هي : ( إحييني النهاردة و موتني بكرة ) … .. هو خلاص .. مش قادر يشوف غير اللحظة دي .. كل مقاييسه و أهدافه في الحياة أصبحت عبارة عن : ( اللحظة دي بس ) . … … 3- بمناسبة البحر و نبيل الحلفاوي اللي خرم العسلية .. تعالي أدردش معاك عن أحد أمتع المواضيع التاريخية .. و من أكثرها ثراءاً و إثارة ( شُفت السجع و الجناس في الكلمتين دول ؟! .. ثراء و إثارة ؟! 🤣🤣🤣 ) .. . الموضوع ده هو : القراصنة … عمرك سألت نفسك .. هو ليه ال( هاكرز ) الحاليين بتوع النت و سرقة بياناتك و صورك و الكلام ده .. إسمهم ( قراصنة - Pirates ) ؟! . ببساطة .. لأن الإنترنت حالياً ( و من ساعة ما إبتدي ) .. بالظبط زي ال( بحر ) زمااااااان .. عبارة عن : مكان .. مالوش قواعد ولا قوانين . . يعني .. تعمل اللي إنت عايزه .. و ماحدش ليه يكلمك أو يحاسبك .. متخيل ؟! .. زمااااااااااااااااااان .. زمااان أوي يعني .. قبل أيام كليوباترا كمان .. عند الفراعنة كده .. فاكر لما درست إن ( مينا ) كان جامد و تنين عشان وحّد القطرين ؟! بالظبط ..عند الحتة دي كده .. . فكرة ال ( ممالك ) كانت فكرة جديدة و طازة لسة .. ماحدش كان فكّر فيها قبله و نجح .. ( زي أول واحد فتح شاورما فبلدكم مثلاً .. متخيل الريادة ؟! ) . . قبلها .. كان العالم كله عبارة عن ( قبائل ) .. و كل قبيلة بيحكمها واد جامد ماسك عصاية و لو طوّل في النوم شوية .. يصحي يلاقي واد أجمد منه دخل عليه ثبته و خد القبيلة ( بنسوانها و حريمها و ستاتها ) منه . . فكرة ال ( تجميع ) .. و إنك تجمع قبائل جنب بعض .. فيبقوا مدينة .. و بعدين تجمع شوية مدن و تسميهم مملكة .. كانت فكرة جديدة و جامدة جداً .. . و زي ما باقي بلدك شافت نجاح أول واحد بتاع شاورما .. راحوا مقلدينه .. نفس الموضوع في العالم .. . قصة مينا موحد القطرين فمصر سمعت أوي .. و جابت ريتش عالي في العالم .. . راح عاملين زيها في الصين و الشام و أوروبا .. و غيرها .. . و خلال فترة بسيطة .. العالم أصبح ( شوية ممالك ) .. و إبتدي الجزء بتاع التاريخ اللي فيه ( كل مملكة و لها ملك و جيش و علم و لوجو و فريق كورة ) .. . و الناس .. إشترت .. إنت ناسي إحنا بدأنا البوست إزاي ؟! .. بقصة البيع و الشراء و القفطان و الكلام ده .. . ببساطة .. الناس كانت تقدر تعيش حرة لوحدها في الأدغال أو الجبال أو الصحاري .. و لكن .. ده مش أمان .. ممكن فأى لحظة قبيلة أقوي تنط عليهم .. مقابل إنهم يحصلوا علي الأمان اللي بيقدمه جيش المملكة .. وافقوا إنهم يعيشوا بقواعد المملكة … و قوانين المملكة .. و يشجعوا فريق كورة المملكة كمان . … … 4- عارف ( رونالديهيو ) ؟! .. عارف ليه شالوه من برشلونة ؟! .. ببساطة .. شبع .. رونالدينهيو .. و باقي العتاولة اللي كانوا شايلين برشلونة حرفياً .. بعد ما خدوا كل البطولات اللي ممكن يتخيلوها .. شبعوا .. دي ناس حرفياً قفّلت اللعبة .. كاس عالم, كاس أوروبا , كاس جوافة بالمانجا .. خدوهم كلهم .. شبعوا .. فبقوا بيتدربوا ( ده لو راحوا التمرين أساساً ) .. و هما بيهزروا .. أصل خلاص .. حيبقوا عايزين يحققوا إيه تاني ؟! . … المرحلة دي مرحلة بيعدي بيها ناس كتير جداً .. و مش ناس بس .. لأ .. إمبراطوريات كمان بتعدي بيها .. و عند المرحلة دي .. ناس كتيييير بيحصل معاها زي ما حصل مع رونالدينهيو .. و بيروحوا فرق أضعف .. لحد ما بيعتزلوا بدري و يستمتعوا بتقاعدهم .. . و إمبراطوريات كمان .. بتريح و تهدي .. و بتفضل تدعي ربنا إن مايجيش عليها إمبراطورية شابة شديدة تفضحها و تبين إنها مافضلش لها غير سمعتها 🤣 . . و لما بيحصل .. و بييجي وقت المواجهة .. بيبان أوي .. إن اللي شبعان .. بطّل يتمرن .. بطّل يستعد .. و مع أول قلم .. بيطلع من البطولة . … … 5- الناس بالظبط نفس الشيء زي النقطة اللي فاتت .. كل إنسان .. بلا إستثناء .. و له ( levers - زراير و حنفيات و صمامات يعني ) . لو فهمت زرايره دي .. حتعرف تحركه .. أو توقفه .. او تحوله لبطل .. او لدمية باربي لما بتقلبها علي ولامؤاخذة بطنها .. بتقول ماما … أحد الزراير المُشتركة بين البشر كلهم هو ال ( جوع ) .. ال ( فقر ) .. ال ( إحتياج ) .. لو مجموعة من البشر .. تم الضغط علي الزرار ده لوحده … و سبت باقي الزراير التانية زي ما هي .. المجموعة دي حتتوحد .. بالظبط زي الذئاب الجائعة .. و حتفرتك أى حاجة و أى حد تشوفه .. فقط فمقابل إنها تاكل . . و لكن .. الجوع مش هو الزرار الوحيد في تابلوه الكائن البشري .. في زرار تاني مثلاً زي ال ( خوف من الفٌقدان ) .. و ده بيبقي زرار قوي جداً جداً .. خصوصاً في مجتمع جعان .. الزرار ده ممكن يخليك توصّل مجتمع كامل لمرحلة إنه يموت من الجوع .. قبل ما يتحرك أو يتوحد زي الديابة .. . و ده عن طريق إنك تعمل معاه بالظبط زي ما طارق لطفي عمل مع أحمد أمين .. ترمي للكلب عضمة .. يعني .. ترمي لبعض عناصر المجتمع ده ( الرُخاص منهم ) .. أى عضمة .. و شوفهم إزاي حيحاولوا يحموا العضمة دي بكل ما أوتو من قوة .. بل و حيبدأوا يفتكوا بأى حد من الجعانين اللي جنبهم .. مهما حاول يشرح له إن اللي في إيده دي مجرد عضمة .. . و لكن … ال( كلب ) ده .. لأنك جوعته جداً .. بيوصل إنه مابيقدرش يفكر غير في إن ال ( عضمة ) اللي فإيده دي .. كنز .. و بيفني حياته في سبيل العضمة دي … في زراير تانية كتير طبعاً ممكن كل ما تلعب فيها في تابلوه الكائن البشري .. تشوف العجب .. … … 6- مرحلة اللي من 500 سنة بقي .. كانت مرحلة مثيرة للإهتمام في تاريخ البشرية .. ببساطة .. ( نحن ) اللي تقصدها هنا .. اللي هي المنطقة العربية و الإسلامية .. كانت وصلت لمرحلة ( رونالدينيهيو ) فأواخر عهده فبرشلونة .. .. أنتخة و راحة و إحساس إننا جايبين الأرض من الصين لأسبانيا .. و اللي مش بييجي معانا بمزاجه ( و دول كانوا كتير ) .. بييجي معانا لأنه خايف مايكونش معانا .. ( إوعي تكون نسيت الأرض كانت عاملة إزاي زي ما شرحت من أيام مينا موحد القطرين ) .. يعني .. إنت دايماً بتدور علي إزاي تأمّن نفسك .. و ال ( منطقة العربية و الإسلامية ) .. كانت الأمان و الحنان و الصدر الحنين بتاع العالم كله في الوقت ده .. .. أصل مقارنة باللي كان بيحصل في أوروبا وقتها ( أيام البريما نوكتا , و الناس اللي كانت بتستحمي مرة في الشهر بالعافية , و الطاعون , و الفايكنجز , و مسلسلات كتير تانية .. ) .. كانت الحياة عند الناس اللي بيقولوا ( النضافة من الإيمان , حب لأخيك ما تحب لنفسك , … ) و كل الحاجات الحلوة التانية دي .. كانت جذابة للغاية … أحد أنواع ال ( تخلّف ) اللي بتشوفها حالياً .. إن الناس بتتسائل .. هو المسلمين إزاي أقنعوا الأوروبيين بالإسلام من 700 سنة مثلاً ؟! .. في حين إن الأوروبيين كان عندهم نت سريع و بيقبضوا باليورو ؟!!!! 🤣🤣🤣🤣 . اللي هو ده واحد دماغه متكونة من ميكس فيلم الشيماء .. مع الدوري الأوروبي … فتلاقيه فعلاً بيتسائل .. هما الصحابة كانوا أهلاوية ولا زملكاوية ؟! 🤣🤣 … … 7- عند مرحلة الحروب الصليبية بقي .. كان عندك في النص اللمين من الملعب .. إمبراطورية إسلامية مأنتخة بقالها سنين و سنين .. و شبعانين .. و كاسبين كاس و دوري و سوبر .. . و فنص الملعب الشمال .. ناس ملعوب فزرايرها 🤣 اللي هو مواطن أوروبي .. جعان جداً جداً .. فقير جداً جداً .. ماستحماش بقاله تلات شهور .. مراته ليلة دخلتهم كانت بايته عند عمدة بلدهم .. و مش بس كده .. لا .. ده في زرار أحمر بعيد كده في التابلوه .. لما بتضغط عليه .. بيحصل زي ال (نايتروس ) في فاست آند فيوريوس 🤣 .. الزُرار ده إسمه ال ( عقيدة ) . . اللي هو فجأة كل ال (stats ) بتاعتك بتجيب آخرها .. و سهمك بيتحول لأحمر 🤣 . . القساوسة طلعوا … و قالوا إن الحرب دي مقدسة .. بس خلاص شكراً .. يبقي أنا كسبان كسبان .. لو مُت فيها … حاكسب الجنة .. و لو كسبت .. حاكسب إني ( آكل و أستحمي و أتجوز واحدة ماتروحش تقضي ليلة الدخلة عند العمدة 🤣 ). … … 8- بعد مرحلة الحروب الصليبية .. و بعد ما الناس خلصّت فرجة علي فيلم الناظر صلاح الدين … بتيجي مرحلة ( حلل يا دويري ) 🤣 . . المرحلة دي .. هي كانت أحد أكبر المراحل الفارقة في التاريخ البشري اللي بيسأل عنه البوست ( بتاع التقدم و التأخر ) ده … ليه ؟! . لأن المسلمين … كان عندهم لسة تاريخ طازة حديث من ال ( رُقي , حضارة , تقدم , إستقلال , إسترخاء , … ) يفتكروه و يقولوا إمتي الزمان يرجع يا زمان .. . و التاريخ الطازة الحديث ده .. كان أحد الركائز اللي قام عليها حكم الدولة الأيوبية .. خصوصاً إنه كان معتمد بشكل كبير علي فكرة ( الخلافة الإسلامية ) .. اللي هو إحنا حتي أيام ( صلاح الدين ) .. كان الناس بتقول ( فين صلاح الدين ) 🤣 .. بس أيامها كان إسمه ( الخليفة الراشد ) مش ( صلاح الدين ) . . اللي هو كان البحث دائماً عن ( فين البطل المنقذ اللي نلتف حوله .. و يكون خليفة راشد .. و يكون لازم من قريش .. و يكون حيجيب حق اللي ماتوا في فتنة عثمان .. و يجيب حق اللي ماتوا في فتنة علي .. و يجيب حق اللي ماتوا في فتنة الحسين .. و يجيب حق اللي ماتوا في عهد الحجاج .. و يجيب حق اللي ماتوا في ماتش الأهلي و بورسعيد ) … لو لاحظت هنا .. في عامل مشترك بين الأحداث اللي فاتت دي كلها .. و اللي شبهها كمان .. . و هو .. إن الناس بتيجي فلحظة معينة .. و بتختار .. تختار ( إحييني النهاردة , و موتني بكرة ) . . علي عهد سيدنا عثمان بن عفان .. و برغم كل الدلائل و البراهين اللي قدمها سيدنا عثمان بن عفان رضي الله عنه .. علي صحة قراراته و صوابها .. إلا إن الناس اللي تسوروا عليه البيت و قتلوه .. كانوا شايفين إن لا .. إحنا عايزين اللي فدماغنا دلوقتي .. إحنا شايفين إننا الصح .. إحنا شايفين إن قرارات سيدنا عثمان غلط .. و لازم و لابد إنه يرضخ لقراراتنا في التو و اللحظة . . و سيدنا عثمان رضي الله عنه .. أُستشهد .. . و بعدين علي عهد سيدنا علي رضي الله عنه .. نفس الكلام .. عدد كبير من الناس شاف ( بمنطقه ) .. إن الصح إنهم ينتقموا لسيدنا عثمان .. و عدد تاني شاف إن الصح هو الإنتظار .. . و هكذا و هكذا .. . و مع كل ” فتنة ” .. كان في تفرق بيحصل .. و ” فرقة ” تاخد بعضها و تمشي و تقرر إنها حتكوّن ” فريق ” لوحدها و تحاول تعمل اللي علي مزاجها و ( ماتنزلش البحر زي هشام عبد الله ) .. . و فرق شافت إن عشان تعمل اللي علي مزاجها .. يبقي لازم نمسك إحنا قيادة المهمة .. و الخليفة يطلع مننا إحنا .. . و فرق شافت إن عشان تعمل اللي علي مزاجها .. حتسيب المركب بالكامل و تروح تدور علي مركب تانية تعيش فيها .. . و هكذا و هكذا من الفرق المختلفة اللي حصلت في تاريخ الأمة الإسلامية .. لحد النهاردة . … … 9- فبعد الحرب الصليبية بقي .. كان عندك المسلمين عبارة عن فرق كتير .. و عشان تجمعهم علي رأى واحد .. مش لاقي في تابلوه الزراير بتاعهم غير زرارين بس .. زرار إسمه ( التاريخ و حلاوته و يلا بينا نرجع حلوين زي زمان ) .. و زرار تاني إسمه ( اللي مش حيعمل اللي علي مزاج السلطان .. حيبقي خارج علي السلطان .. و إسمع الكلام أحسن لك ) … في حين إن في أوروبا .. التابلوه البشري بتاعهم كان شكله مختلف .. زرار الجوع لسة مضغوط لآخره .. زرار تجربة الهزيمة عرفهم إنهم محتاجين يتمرنوا أكتر . زرار اللي داق جمال و حلاوة الحياة اللي سرقوها في أراضي المسلمين .. كان خلاهم زي القط اللي عرف طعم الجنبة الرومي .. و بقي مش عايز ياكل غيرها . و طبعاً زرار العقيدة كان لسة برضو مضغوط لآخره .. بس بدأ يتربط فأذهان الأوروبيين بمفاهيم مختلفة تماماً عن ما كان عليه مفهوم العقيدة قبل الحروب الصليبية .. و ده بسببين :
• إنهم شافوا المسلمين .. و إزاي بيتعاملوا حتي مع أسراهم
• و إنهم خسروا حربهم المقدسة .. … … 10- فماكنش في حل تاني عند الجيوش الصليبية دي .. إلا إنها تطلع البحر .. معظم الجنود اللي رجعوا من الحروب الصليبية .. و لقوا إن بيوتهم اللي سابوها لمدة شهور و سنين .. مابقاش فيها حاجة ليها لازمة خلاص .. بل إن في قصص كتير عن إزاي كان الراجل اللي بيسيب زوجته و يروح يحارب .. بيرجع يلاقيها كملت حياتها مع حد جديد .. و نزلت بوست عالفيس بعد يومين من ذهابه للحرب إنها ( single and ready to mingle ) 🤣 . . فمعظم الجنود دول .. قرروا إنهم يطلعوا في البحر .. جنود في حروب جديدة .. و لكن المرة دي إسمهم ( قراصنة ) .. و دي كانت مرحلة فارقة .. . لأن .. مع العدد الضخم ده .. بعد ما قعدوا يتخانقوا مع بعض شوية … إتحدوا ( زي أى تطور بشري علي مدار التاريخ ) .. و إتحادهم المرة دي كان إتحاد .. مستقل .. إتحاد لا يحكمه دين .. إتحاد لا يحكمةملك .. و لكن إتحاد قائم علي المصلحة أولاً و أخيراً … و لأول مرة في التاريخ .. بيظهر مفهوم ال ( شركة ) .. … … 11- قبل ما يتحد القراصنة مع بعض .. ماكنش في حاجة إسمها ( company - شركة ) .. كان أى ( بيزنس ) في الحياة .. بيكون عبارة عن مؤسسة يملكها فرد .. بالظبط زي ( المملكة ) .. و المؤسسة دي بيتوارثها الأبناء بعده .. بالظبط زي المملكة .. و في أبناء بيكبروا مؤسسات آباءهم .. و أبناء بيجيبوها الأرض … بالظبط زي المملكة . . لكن القراصنة عملوا شيء مختلف .. عملوا كيان .. الكيان ده لا يحكمه فرد .. و لكن يحكمه ( قانون - دستور - code ) .. القانون ده بيسري علي الجميع .. حتي مؤسسين الكيان . . و الكيان ده .. ممكن إنك تفضل تترقي فيه … لحد ما توصل و تمسك منصب عالي فيه .. . و الكيان ده .. لا كلمة تعلو فيه علي كلمة ال (مصلحة ) . … … و دلوقتي .. يبدو لك إن ده حاجة عادية و موجودة و مألوفة .. و لكنه زمااان كان غريب .. و نشأ فقط بسبب إضطرار القراصنة المختلفين دول إنهم يلاقو لنفسهم ( قانون ) يحكمهم .. و يساعدهم علي البقاء .. بدل ما كانوا شغالين دبح فبعض . … .. و بعد ما عملوا كده .. بدأوا يسألوا نفسهم ( ألم تكن أرض الله واسعة ؟! ) .. و إنطلقوا .. للهند .. و الصين … و أمريكا الجنوبية .. و أمريكا الشمالية .. .. و بتبدأ توسعات ( فيما بعد بيبقي إسمها توسعات إستعمارية ) .. بيقوم بيها الشركات دي .. بمباركة الممالك اللي هي بتتبع لها أو لها ولاء لها . … … في حين إن في المرحلة دي .. كانت الفرق بتزداد في الإمبراطورية الإسلامية … … 12- كان كل خليفة جديد بييجي .. بيحاول يحافظ علي سيطرته علي الخلافة بأسلوب جديد .. و طبعاً من أشهر الأساليب .. كانت الإستعانة بالجنود و الجيش .. .. و عشان يحمي نفسه من إن ال ( قوة = جندي ) يمسك الحكم .. تم الإستعانة بأبعد من يمكن إنهم يحكموا .. الفرس .. كجنود .. بحيث إن لو فأى لحظة الفارسي ده حاول يحكم .. ماحدش في الأمة الإسلامية كلها ممكن يوافق أبداً .. لأن الحكم لازم يكون للعرب .. و مش بس أى عرب .. لا .. ده لازم نسب قرشي … و تعدي السنين .. و كالمعتاد .. ال ( قوة ) .. بتقدر إنها تحول ال ( خليفة ) لمجرد دمية بيتم التلاعب بيها .. في حين إن ال ( قوة = جنود ) هما اللي بيحكموا .. .. و بييجي عصر ال ( مماليك ) .. يعني المملوكين .. يعني العبيد سيادتك .. اللي كان بيتم شرائهم و بيعهم .. هما اللي بيقلشوا الخليفة .. و يمسكوا الكرسي و يحكموا .. .. و أحمد عبد العزيز = قطز .. بيحكم مصر .. و ينتصر عالمغول .. و من بعده الظاهر بيبرس .. لدرجة إن الظاهر بيبرس بيتجوز من المغول و يصاهرهم .. و كل اللي فاضل من المغول بيسلم .. و يدخل في الإسلام .. و يحارب تحت راية الإسلام .. و دي (قصة لوحدها محتاجة كلام كتير جداً ) .. … و بعدين بتيجي قصة عثمان الأول بن أرطغرل ( المسلسل التركي ) 🤣 و بتبتدي الدولة العثمانية اللي بتحكم العالم الإسلامي بالكامل .. اللي هما كانوا الفرس 🤣 .. اللي هما كانوا أساساً تم الإستعانة بيهم لأنهم مستحيل يمسكوا الحكم .. … … لكن اللي حصل حصل … و أصبح طبيعي جداً بالنسبة للمسلمين شرقاً و غرباً إنهم يكونوا ( بيطيعوا الحاكم ) .. حتي لو كان مؤهل حكمه الوحييييييييييييد .. هو القوة العسكرية . … … و علي مدار الفترة دي .. كانت التوسعات الإستعمارية لشركات القراصنة الأوروبية مستمرة في العالم شرقاً و غرباً .. … … 13- تسألني هنا و تقول لي .. ( ليه التوسعات الإستعمارية دي فضلت ماشية بنفس المنوال و الوتيرة .. و ماحصلش أنتخة و ترييح .. زي ما حصل في الإمبراطورية الإسلامية ) ؟! .. . أقول لك لأن لسة .. لسة مرحلة الترييح دي ماجتش .. مرحلة ال ” ترييح ” دي .. كانت لسة حتبتدي فأوائل القرن اللي فات .. علي ( 1900 ) يعني .. . كان في المرحلة دي العالم ملامحه بدأت تتغير تاني .. … … 14- تاريخ أوروبا قبل الحرب العالمية الأولي .. ممتع لأقصي درجة .. مش لأنه مليان قصص حب و إثارة و أكشن … إطلااااقاً .. و لكن لأنه من أكثر المراحل التاريخية تزويراً علي الإطلاق في حياة البشرية . .. بمعني .. إن الجملة المشهورة اللي قالها ( وينستون تشيرشل - رئيس وزراء بريطانيا خلال الحرب العالمية التانية ) جملة حقيقية جداً .. لما قال :
• التاريخ حيكون حنين عليا و يقول عني حاجات جميلة جداً … لأني أنا اللي حاكتبه . ( history will be kind to me for i intend to write it ) . .. الجملة دي ماكانتش من إبتداع تشيرشل إطلاااقاً .. و لكن ده لأن في الفترة دي من حياة البشرية ( 1840 ل 1940) كانت الطباعة إنتشرت بشكل ضخم .. و زي أى سبوبة و تريند تعرفه دلوقتي .. الناس بتجري وراه و تتسبب في إنتشاره أكتر . . فبالتالي .. في الوقت اللي كان الناس ماعندهاش تيكتوك و فيسبوك .. كانت الكتب هي وسيلة الترفيه الأساسية و الرئيسية .. و من أمتع الكتب .. كتب التاريخ .. لأنها بتشكل وعي و إرادة شعوب حرفياً .. .. يعني لما تنزّل كتاب بتقول فيه إن الصحابة كانوا بيحبوا البن المحوج مش السادة .. يبقي تقدر تتأكد إن كل الشعوب اللي حتقرا الكتاب ده حتٌقبل علي شراء الحبهان ( اللي بيُستخدم في التحويج ) .. إقبال تاريخي سيادتك 🤣 . .. و عندك بقي في التاريخ عموماً .. و في العالم في الوقت ده .. في فئة مُعينة كده من البشر ..أساتذة تزوير ( عارف القنصل في فيلم إبن القنصل 🤣 ) .. .. اللي هما الفئة اللي زوروا كلام أنبياء سيادتك ( يسمعون كلام الله ثم يحرفونه ) … فهمت مين ولا أوضح اكتر ؟! .. الفئة دي بدأت بقي تزور كل حاجة و أى حاجة يقدروا عليها .. .. و أسهل حاجة تزورها هي ال ( فلوس ) .. بس العملية ماكنتش طباعة فلوس .. لا .. دي كانت تزوير تاريخ كامل بيقوم عليه إقتصاد دول .. … … 15- فبالتالي .. في دولة فوسط أوروبا مثلاً إسمها ألمانيا .. سمعت عنها ؟ . ألمانيا ( لأنها فوسط أوروبا ) كان موقعها مهم جداً جداً .. لأن التجارة بتعتمد علي وسائل المواصلات و النقل .. فبالتالي .. كان لازم الفئة اللي بالي بالك دول .. يسيطروا عليها بالكامل .. و قد كان .. ألمانيا بالأخص .. كانت عبارة عن بؤرة الفئة اللي بالي بالك دول .. . عايز دعارة ؟.. حتلاقي .. تجارة عبيد ؟.. موجود .. شذوذ من كل نوع و شكل ؟.. تحت أمرك يا فندم .. مخدرات ؟ سيادتك أطلب بس .. . و لأن .. أكبر أعداء الفئة دي .. هما نفسهم أساساً .. مابيكتفوش إنهم يكونوا زي الفطريات أو الطفيليات اللي بتعيش في حالة إحتلال لجسم الضحية فقط .. لا .. هما دايماً بيكونوا زي السرطان .. اللي بيفضل ينهش في جسم الضحية لحد ما يقتلها من الإنهاك .. . و النهش ده كان عن طريق تجارة السلاح .. خصوصاً بعد التقدم اللي ظهر بعد إكتشاف الديناميت ( بتاع ألفريد نوبل .. عارفه ؟! .. مش عارف قصته ؟! .. احكيهالك بسرعة ؟! ) .. .. ألفريد نوبل .. إخترع مادة لقاها بتنفجر بسهولة لما تولع فيها .. فرح و قال حيستخدمها عمال المناجم عشان يفجروا الجبال أسهل .. لقي الناس خدوها عشان يفجروا بعض في الحروب .. زعل و قرر يوهب كل فلوسه كجوائز للعلم و السلام و الحاجات الحلوة دي .. و سموها جايزة نوبل . تسألني و تقول لي .. طب إشمعني هو يعني اللي جائزته أصبحت أكثر الجوائز قيمة علي مدار التاريخ ؟!!! . . أقول لك إن في الفترة بتاعت ( 1850 ل 1930 ) دي .. كان أنشط الشعوب في العلوم و الرياضة و الفيزياء .. هما الفئة إياها في دول أوروبا .. .. ليه ؟! لأن العالم الإسلامي إتأخر أوي علي ما تقبل إن الطباعة تنتشر فيه .. لأنهم كانوا شايفين إنها ( بدعة ) .. . و لكن .. كان في سبب أهم .. و هو إنك تحكم الجاهل أسهل ألف مرة من تحكم المتعلم .. و زي ما شرحت .. العالم الإسلامي من فوق .. كان دايماً فيه صراع مستمر علي ( مين اللي يحكم ) .. لأن إمبراطوريته كانت عظيمة و تستحق إنك تتخانق عليها 🤣 .. . لكن يعمل إيه التعليم في إمبراطورية ضائعة 🤣🤣 … … 16- المهم .. الفئة إياها دي .. اللي كانت مسيطرة علي إقتصاد أوروبا بالكامل .. و خصوصاً ألمانيا .. بدأت في إشعال كل ما يمكنها من أسباب الحرب .. ليه ؟! .. لأن الحرب موسم .. و رزق تجارة السلاح بيزيد في الموسم ده 🤣 . . و قد كان .. حرب عالمية أولي .. و أمم بتموت .. لكن فئات معينة بتغتني و توصل لثراء فاحش . . عيّل صغنن في ألمانيا شاف كل ده .. و حس إنه محتاج ياخد أكشن .. إسمه كان هتلر .. تعرفه ؟! . المهم .. لف و دار و شاف و فكر .. و فهم التيتة .. و فهم إن اللي ورا خراب ألمانيا بالأخص .. و أوروبا كلهم .. هما فئة معينة بالذات .. . حلف يمين طلاق قبل ما يتجوز إنه يخلص العالم منهم .. و قصته بعد كده مشهورة و الناس عارفينها .. . طلع العالم من الحرب العالمية التانية ( اللي كان عمك هتلر في وسطها ) .. لقي إن الفلوس كلها .. مع ناس مُعينة .. و العلم كله .. مع نفس الناس دول .. و السلاح كله .. مع نفس ذات الناس دول .. .. تتوقع بقي يعملوا إيه ؟! . .. نلعبها صح بقي .. .. يعني إيه ؟! … … 17- يعني علي مدار التاريخ .. الفئة المُعينة إياها دول .. حاولوا مئات المرات إنهم يسيطروا علي أماكن مُعينة في الكرة الأرضية .. و يسيطروا علي ( فئة معينة من البشر ) .. . لسة مش فاهم ؟! .. أشرح لك . . تبقي ضعيف النظر جداً .. لو مفكر إن الحرب عمرها كانت بين ( دول و بلاد ) .. أو بين أديان .. إطلااااااااقاً .. . الحرب من اللحظة الأولي في تاريخ الخلق نفسه .. بين الإنسان .. و الشيطان . و الشيطان قرر إنه حيستعبد من البشر من يقدر عليهم .. و يجندهم في جيشه ك ( جند الطاغوت ) . . و الإنسان حيعبد الله وحده .. و حيخلص العبادة لله .. و حينتصر بإذنه في النهاية . . هي دي القصة كلها . . و الحرب دي مستمرة طول التاريخ . . جند الطاغوت دول .. مش أى ناس بقي .. لأ .. الشيطان عايش طول التاريخ سيادتك .. و بينقّي .. و بيعمل ( scouting و headhunting ) علي أعلي مستوي 🤣 . فإختار مين ؟! إختار ( خير أمة أُخرجت للناس ) .. إختار الناس اللي ربنا كان إختارهم في الأول .. إختار ( شعب الله المُختار ) .. و لعب في أساساتهم اللعب المتين .. لحد ما وصلهم إنهم أصبحوا أخلص جنوده . . و ربنا شرح لنا في القرآن تفصيلياً .. إزاي تم التحوّل ده .. إزاي بيتحول شعب بالكامل .. من أقصي اليمين .. لأقصي الشمال .. … … 18- فبالتالي .. هدف الشيطان الأول و الأخير ( اللي بينفذه جنوده .. اللي هما الفئة إياها ).. إنه يسيطر علي ( عباد الله ) .. يستعبدهم .. يذلهم .. يحقرهم .. يحولهم لعبيد أقذر و أحقر ما يمكن إنك تتصوره .. .. فبالتالي .. علي مدار التاريخ .. الفئة إياها دول .. إتعلموا إن أفضل طريقة تستعبد بيها إنسان .. هي إنك تخليه مفكر إنه ( حر ) .. و لكنه في الحقيقة عايش جوة زنزانة كبييييييييييرة .. و شغال سجّان علي زميله … إنت بتختار بنفسك إنك تعبد ورقة ملونة إسمها فلوس .. إنت بتختار بنفسك إنك ماتتعلمش و تأنتخ و تسكرول في فيديوهات رقص . إنت بتختار بنفسك تتخلي عن لغتك .. أعظم لغة .. لغة القرآن اللي فيها شرح إزاي تكون حر .. و بتختار تتعلم لغته .. مش عشان تفهمه .. لأ .. عشان تسترضيه و يعجبه لكنتك و لهجتك 🤣 … … 19- البوست طوّل بشكل أكثر حتي مما توقعت .. . القرآن كله أمثلة عن ( الأمم السابقة ) .. مش عشان تقرأ عنهم و تمصمص شفايفك .. القرآن مليان شرح عن تاريخ الأرض .. لأن قصتك عمرها ما كانت قصة 40 أو 50 سنة بتعيشهم في كارير .. و بعدين تتقاعد تلعب طاولة في النادي .. . القرآن مليان شرح عن تاريخ الأرض .. لأن قصتك .. هي قصة التاريخ .. . و ال 500 سنة اللي بتسأل عنهم .. ما هم إلا مرحلة .. . و لكن .. القصة مكتوبة بينا أو من غيرنا .. إحنا مش حنغير حاجة في الأحداث .. . و لكن إحنا اللي محتاجين نكتب قصتنا إحنا .. و نكون إما عباد لله مخلصين .. أحرار .. . أو عبيد للفئة إياها .. . تفهم كل ده إزاي ؟! .. و تعمل إيه ؟! .. . إتعلم … إفهم .. فكر .. قرر … . و الله أعلم .