@[100004809243358:2048:Yasser Nabil]

@[100004809243358:2048:Yasser Nabil] حقاً أشكرك يا رجل .. برضو لعدة أسباب 😅 : 1- إن الإضافات اللي إنت أضفتها لكلامي .. حسّنت منه فوجهة نظري و أضافت حاجات كنت إما نسيت أكتبها أو لم أعلمها . 2- أشكرك فعلاً علي مجهودك .. و ربنا يسدد نيتك و يجعله في ميزان حسناتك . 3- و أشكرك علي إنك متسأذن من سنييين زمان أساساً 🤣. … و لكن للتوضيح ( و ده خطأ منّي إني لسة ماعدلتش في البوست الأساسي ) : 1- في بعض الأسامي اللي كنت ذكرتها في البوست الأصلي و تم نقلها في الفيديو .. توفّاهم الله .. و يرحمهم الله و يغفر لهم .. و للأسف لأني فعلاً ماعرفتش أى حاجة عن أغلب تفاصيل الدوشة دي ( تجارة الأعضاء و التيك توك ) إلا من بعض البوستات المتناثرة … فأعتذر علي الخطأ ده .. و حاعدّل البوست إن شاء الله . . 2- في جزء مهم جداً أخاف يتفهم بشكل مش كامل .. و هو إني باقول إن منطقياً ( حذف التيك توك ) من مصر أو من أى دولة .. غير مُجدي . . في الجزء ده أنا مش باتكلّم عن القدرة التقنية .. أكيد طبعاً ممكن يتم حذف أى تطبيق داخل نطاق الدولة . ولا باتكلّم عن القدرة القانونية مثلاً .. أنا باتكلّم عن ( تيكتوك ) ك مثال ل كل مساعي الإنسان في إنه دايماً حيلاقي وسيلة إنه يعمل حاجة غلط . و ( و كالمعتاد .. كلامي موجه للإنسان العادي ) .. في إن المنطقي و الصح هو مش محاولة إستئصال ال ( غلط ) .. و لكن تدريب الوعي علي الإختيار الصح . … و الله أعلم .