المنظر الظريف ( اللي مايخضش خالص 😅) اللي في الصورة

المنظر الظريف ( اللي مايخضش خالص 😅) اللي في الصورة ده .. يبقي أحد الأدوات المُتاحة حالياً لأمثالي في الحياة … و اللي ماكنش متاح من سنين .. أو طول عمري في الحقيقة .. المنظر الظريف ده .. جزء من ذاكرتي حالياً .. … ك كائن عنده ( ADHD ) شرحت قبل كده إن أحد أكبر أسباب معاناتي في الحياة هي : ( ذاكرتي ) . . و كل شيء إتعلمته في حياتي .. كان عشان أعرف أستخدمه إستخدام بدائي .. كان لازم أقضي أكبر وقت في إني أتعلم كل شيء عن بدايات بداياته .. . مثلاً .. أحمد أخويا بدأ يتعلم فوتوشوب بنفسه و يستخدمه من 2005 تقريباً .. في حين إني فضلت لحد 2014 مخنوق من البرنامج ده و باكرهه .. لحد ما إحتجته في شغلي .. فلما جيت أشتغل بيه .. لقيت إني قضيت أول كام أسبوع بادرس ( كل تفاصيل البدايات في عالم الجرافيكس علي الكمبيوتر ) .. مش مجرد ( هما بدأوا برمجة الفوتوشوب إزاي 🤣 ) .. لا .. و أى حد كان شاف الكورس القديم بتاعي ( بتاع فوتوشوب سنة 2014 ) .. فاكر إن أول محاضرة فيه بالكامل هي إني باشرح يعني إيه أساساً ( بيكسل 🤣🤣 … و إزاي الكمبيوتر بيشوف الألوان 🤣🤣🤣🤣 ) . . ناس كتير بعد كده من اللي خدت الكورس ده قالوا لي إن المحاضرة دي ولا فرقت معاهم .. و إنهم عايزين يعرفوا يستخدموا البرنامج مباشرة إزاي .. . في حين إني .. والله العظيم .. لحد النهاردة .. منين بافتح أى حاجة من حاجات أدوبي .. بالاقي عقلي بدأ القصة من البداية خاااااااالص كل مرة .. ببساطة .. دماغي مابتشتغلش غير كده .. ماعرفش أخزّن حاجة في عقلي مالهاش بداية منطقية .. و البداية لازم تبقي مفهومة بالكامل .. اللي هو تعالي من أيام الورقة و القلم … و إبني معايا واحدة واحدة لحد ما نوصل للصاروخ .. *** عقلي هنا قرر يسألني فجأة : هو تاريخ الأقلام الحبر حصل إزاي و إمتي … و قسماً بالله لقيتني باجاوب بفيلم وثائقي كنت شفته بالكامل عن أقلام ( pic ) .. و كنت عرفت منه تاريخ الأقلام عموماً .. 🤣🤣 .. .. المهم .. اللي في الصورة ده إسمه ( AI AGENT = يعني عميل ذكاء إصطناعي ) .. يعني بالترجمة الحلمنتيشية ( شات جي بي تي .. بس بدل ما هو عقل بس .. بقي عنده إيدين و رجلين .. و أعضاء تانية كتير كمان 🤣 ) . .. ال ( agent- عميل ) اللي في الصورة ده .. مخصوص بجزء من ذاكرتي .. .. يعني إيه ؟!.. يعني أنا شخص عايش طول الوقت بين المعلومات .. منين ما بافتح تيكتوك .. بالاقي معلومات مهمة عن شغلي .. عن إهتماماتي .. و عن الأفلام و الأنيمي و الجيمز برضو 😅 .. نفس الكلام في يوتيوب .. و فيسبوك .. و الإنترنت كله عموماً .. . و لكن دماغي زي ما قلت .. الذاكرة اللي عندي إطلاقاً مش كفاية إني أفتكر أساساً أولويات يومي العادي .. . فبالتالي .. مهما خدت سكرين شوتس لبوستات عن أفلام و قلت أشوفها بعدين .. مهما عملت (watch later ) لفيديوهات علي يوتيوب .. مهما عملت (download ) لفيديوهات من تيكتوك .. آخر اليوم بانسي إني عملت أى حاجة من كل ده .. و باتوه .. باتوووووووووووووووووووووه .. و باتشتت .. و أكسّل .. و أروح ألعب جيم أو أتفرج علي فيلم أو مسلسل .. يقوم عقلي يتشتت بفكرة تانية أو حاجة تانية .. و هكذا و هكذا … لكن .. ال (AGENT) الظريف ده .. بيمكنني إني أى شيء أشوفه فأى لحظة له علاقة بإهتماماتي .. أرميه هناك ( في جوجل فولدر ) .. و بعدين منين ما أفضي .. أروح رايح أدردش .. حرفياً أدردش مع شات جي بي تي .. اللي مدّيله أنا ( access ) كامل للفولدر ده .. و أسئله ( عملت لك شير لحاجة مهمة النهاردة ؟! .. ولا الفيديوهات اليوتيوب اللي شيرتها لك كانت كلها بلح و مافيش حاجة فعلاً مهمة ؟! ) .. و هو يرد عليا بكل المعلومات و التفاصيل و التلخيصات و … ما يتمناه عقلي .. . لكن الأهم من ده .. هو إنه هو اللي مسئول عن إنه يفتكر و يأرشف و يبحث و يفلتر كل ده .. … في ( agent ) تاني بنيته من يومين .. وظيفته إني أي فيديو يوتيوب يشدني عنوانه ( لكنه أربع ساعات مثلاً ) .. إني أرمي الرابط بتاعه هناك .. و هو بيعمل له ( transcribe ) يعني يحوله لكلام مكتوب .. و بعدين شات جي بي تي يدخل يلخص و يأرشف و يعيش برضو . … … أهم حاجة فكل الليلة دي بالنسبة لحد زيي .. هو سؤال زي : ( هات لي قصة الليلة دي من البداية ) .. و الليلة هنا المقصود بيها ( أى شيء يشد إنتباهي أو ماعرفوش ) .. .. و بدل ما كنت باقعد ساعات بين المواقع المختلفة أتشتت بينهم زمان .. دلوقتي أصبح في ( فهيم أفندي ) الخاص بيا .. حرفياً .. اللي وظيفته إني فأى لحظة تطلب معايا .. أدردش معاه .. و يشرح لي .. و : ينفذ .. ههههههههههههههههه .. آه والله .. ينفذ .. … جزء التنفيذ ده أساساً بوست تاني أضخم من ده 8 أو 9 مرّات علي الأقل .. أشرح فيه كل اللي ال (ai agents ) ممكن تنفذه ليا .. … … المهم .. شوية معلومات كده : 1- أنا مش أروع حد إطلاقاً في العالم ده .. بالعكس .. أنا لسة مبتدئ جداً جداً ( بقالي بتاع شهرين بس 🤣 ) . 2- الحاجات اللي عملتها ( كتطبيقات , agents , أساليب إدارة عقل و ذاكرة , … و غيرها من إستخداماتي ) .. كلها حاجات في آلاف من اللي بيعملوا أحسن منها بملايين المرات .. 3- و لكن .. ( و الجزء ده مهم جداً هنا ) .. أنا حالياً ( Master ) في (Teamfight tactics ) … يعني إيه ؟! .. ركز بقي في الكلمتين اللي جايين دول .. . من سنة و نص بالظبط .. لما بدأت أستريم .. ماكنتش أعرف أساساً إن في لعبة إسمها ( تيم فايت تاكتكس ) .. اللعبة دي مش بس معقدة .. لا .. دي تُعتبر من أصعب اللعب المفتوحة أونلاين في مجال الإستراتيجي و التخطيط .. و أكبرهم في الإنتشار حالياً .. . من سنة و نص خدت قرار .. إني حاتعلم اللعبة دي أثناء الستريم .. . و بالفعل .. علي قناتي علي اليوتيوب .. موجود أول 6 شهور تقريباً من التجربة دي بالكامل .. عدد ضخم من الساعات قضيته .. لحد ما بعد سنة بالظبط .. وصلت إني بقيت (Master ) .. يعني من افضل واحد من المية .. في المية .. علي مستوي العالم في اللعبة … أنا حالياً في العالم بتاع ال (ai و ai agents ) دي .. إطلاقاً لسه مش ماستر .. و لكن برضو مش مبتدئ .. . و سبب إني ماعملتش ستريم لأى حاجة لها علاقة بالموضوع ده لحد دلوقتي .. هو إن الستريم كان حيبقي ممل ملل السنين و إنت قاعد شايفني باحاول أفهم إزاي أنقل قاعدة بيانات مثلاً بين برنامجين لمدة ساعة .. و في الآخر أتنخق و أعمل حاجة تانية 🤣 .. و لكن .. حالياً .. اعتقد الوقت جه بإذن الله .. . فبالتالي .. ( و دي حاجة كنت قلتها لعدد كبير من اللي رديت علي رسائلهم الفترة اللي فاتت ) .. خلال الأيام القادمة إن شاء الله .. حابدأ أشرح كل شيء أقدر عليه .. بأسلوبي المعتاد .. يعني .. بالحلمنتيشي أوي .. و من البداية جداً .. .. و مجاناً 😅