من إمبارح و شايف كل شوية ناس جديدة بتعمل (

من إمبارح و شايف كل شوية ناس جديدة بتعمل ( Follow ) ليا أو تضيفني ك صديق .. بمعدل متزايد و ماكنتش فاهم ليه .. النهاردة الصبح بعد ما كتبت البوست بتاع ( البربئ ) ده .. عملت سكرول في بروفايلي .. و لقيت البوست اللي منزله من يومين بتاع ( تيرانس هاوارد ) داخل علي 100 شير .. و حاجة و أربعين كومنت . .. يبدو والله أعلم إن حد عمل له شير في جروب نشط مثلاً أو حاجة .. … أغلب الكومنتات بتهاجمني إني : 1- باكتب كتييييييير فحت و كلامي كتير و رغاي 😅 2- إني كتبت كتير فحت .. و برضو ماناقشتش النقط اللي إتكلم فيها ( تيرانس هاوارد ) بشكل تفصيلي ( زي ليه 1 في 1 مش بتساوي 2 🤣) . 3- إني باهري و بافتي عالفاضي .. في حين إن (تيرانس هاوارد ) مجتهد و بيفكر و بيحاول يقدم جديد .. إنما أنا مش باقدم حاجة غير النقض و الهجوم عليه . اللي هو نفس أسلوب (( مش يمكن الرقاصة اللي طالعة من بيت دعارة هناك ده تبقي أحسن منك عند ربنا .. إنت يااللي طالع من جامع و متضايق منها و بت “Judge her ” )) 🤣🤣 … … و من ساعتها و أنا دماغي مش راضية تبطل تفكر فإني أطلع لايف أشرح فيه : 1- يعني إيه رياضة و حساب أساساً .. و طلع إزاي .. و ليه .. 2- يعني إيه سالب و موجب .. و أعداد تخيلية .. و تفاضل و تكامل .. و كل الكلام اللي يخض ده … و موجود إزاي في حياتنا . 3- لو طلعت و قلت لك إن عدد النجوم ” تلاتة و تسعين مليار ستمية و خمسين مليون تمانية و سبعين ألف ربعمية و إتناشر .. و نص ” .. إزاي تتعامل معايا لو كان كل حجتي هي إني أقول لك ” إثبت ليا إني غلط .. روح عدهم 🤣🤣 ” . .. و الأهم .. 4- تتعامل إزاي و تفكر إزاي مع الناس بتاعت ( حضارة تارتاريا , القرن المختفي , المنطقة 51 , تقنيات نيقولا تسلا , … و غيرهم من اللي بيطبقوا ليل نهار علي فيديوهات التيكتوك بتاعت ال Fringe science دول 🤣 ) . … … حد حيحب يتفرج علي لايف بالمنظر ده ؟!