رداً علي أحد رسائل صراحة اللي مجملها ( بناءاً علي

رداً علي أحد رسائل صراحة اللي مجملها ( بناءاً علي كلامك .. بقالي ساعتين فاتح فيديو عن وورد بريس و تصميم المواقع .. و زهقت و مش قادر أكمل .. إنت كنت بتكمل إزاي ؟ ) .

مثال سريع جداً من طبيعة شغلي المعتادة .. و حاجة شغالين فيها بقالنا فترة مش قصيرة ..
عن ال ( تيناسيتي = tenacity = المثابرة يعني ) .

• المشكلة المطلوب حلها : عندي أكتر من حاجة و تلاتين أكاونت (مش مجرد صفحة أو جروب .. لا .. أكاونت .. يعني أيدينتيتي كاملة ) علي سوشيال ميديا بلاتفورمز مختلفين .. (أكاونتات مملوكة .. مش بيتم إدارتها لعملاء يعني ) .. كل واحد منهم بديموجرافي مستهدفة مختلفة … و سياسة كونتنت مختلفة … علي مستوي العالم . إدارة الحاجة و تلاتين أكاونت دول .. و حل مشاكلهم .. و إستخدامهم .. بياخد وقت و مجهود مش قليلين إطلاقاً مني و من الناس معايا .
• حالياً بقالنا فترة شغالين علي إعادة هيكلة الدنيا دي بحيث إنها تبقي كفائتها (في إنتاج الكونتنت و الوصول ل real conversions ) أعلي .. و تركيز جزء كبير من الكيان ده علي الوطن العربي . …
• بين إني أختار أنهي أدوات مدفوعة زي ( hootsuite ) و أمثالها .. و أنهي أجزاء في الكيان ده حاشغلها يدوي ( يعني بإدارة مباشرة من بني آدمين ) .. و الأكثر كفاءة في ده علي ال(long run ) .. يعني :
• أدرب كوادر من البشر بمرتبات قليلة الأول .. و أصرف وقت و مجهود و أوفر فلوس ؟
• أعين خبرات من البشر .. و أوفر وقت و مجهود .. بس أصرف فلوس ؟
• أشتري أدوات أوتوميتد .. و لكن كل ما أحتاج إني أ ( scale = أكبر الدنيا ) .. أضطر أدفع أكتر .. أو أغير الأدوات بالكامل ؟

---

---

السبب إني قادر أكمل و أخد قرارات في حاجة زي كده .. او إن يبقي عندي القدرة إني أقرا كل ( pricing plan ) لبتاع 18 آداة مختلفين .. و أعمل سيناريوهات تخيلية علي خطوط زمنية مختلفة .. و أ ( test ) علي (spectrum ) مختلف لكل audience . هو إني دايماً بابص علي اللي عدي … … يعني إيه ؟ … يعني كل ما ألاقي نفسي وصلت لمرحلة ال ( زهقت ) دي .. أبص علي الساعة اللي عدت .. و أسأل نفسي .. أنا دلوقتي زي أنا من ساعة ؟ و لما بالاقي إن دايماً النتيجة إني إستفدت ولو معلومة واحدة .. باحس بإنجاز كافي يخليني أكمل ساعة كمان … و هكذا .

قدرة الإنسان علي المثابرة بتعتمد بشكل مباشر علي إحساسه بالإنجاز .